මැදිවියට යත්ම කාන්තාවන් කාටත් සමේ අඳුරු ලප ඇතිවීමේ අඳුරු අවස්ථාවකට මුහුණ දීමට සිදුවෙනවා.
අපේ ශරීරය තුළ උවමනාවට වඩා මෙලනින් නිෂ්පාදනය වීම නිසා සමේ ඒකාකාරී බව නැතිවීම හා සම මත අඳුරු ලප ඇතිවීමට හේතු වෙනවා. ඒ නිසා අපේ සමේ ඒකාකාරී වර්ණයට එය බාධාවක් වෙනවා.
මෙහි ප්‍රතිඵලයක් ලෙස අඳුරු ලප විශේෂයෙන් මුහුණේ ඇතිවෙන්න පුළුවන්. ඒ වගේම හිරු කිරණට නිරාවරණය වීම නිසාත් ගර්භණි කාලය තුළ හා උපත්පාලන පෙති භාවිතය නිසාත් මෙවැනි ලප ඇතිවීමට පුළුවන්.
ගර්භණි කාලය තුළ ඇතිවන අඳුරු ලප ගර්භණි සමයේ ලප ලෙස හඳුන්වනු ලබනවා.
මෙහි සතුටුදායක එක් කාරණයක් වන්නේ ගර්භණි සමයේ ඇතිවන ලප දරුවා බිහිවීමත් සමගම යළි නැතිවී යාමයි.
මේ තත්වය නැති කිරීමට හා පාලනයට බොහෝ ප්‍රතිකර්ම වෙළඳපළේ දක්නට ලැබෙනවා.
ඒ වගේම අපිට ස්වභාව ධර්මය තුළිනුත් අනගි බෙහෙත් වට්ටෝරු සොයාගන්න පුළුවන්.
ඉතින් ස්පා එකකට හරි සැලෝන් එකකට හරි නොයා ඔබට මේ පුදුම සත්කාරයන් ගෙදරදීම කරගන්න පුළුවන්.
ඕනෑම ආලේපයක් ආලේපයට පෙර එහි සංවේදී බව පරීක්ෂා කිරීමට වැලමිට හෝ කණ පිටුපස අලේප කර බලන්න.
අඳුරු ලප වලින් ගැලවෙන්න ස්වභාවික පිළියම් 5 ක්
අඳුරු ලප වලට ලෙමන්
ලෙමන් වල ඉතා බහුල ලෙස විටමින් C හා සිට්‍රික් ඇසිඩ් ද අඩංගු වන බව බොහෝ දෙනෙක් දන්නවා. මේ මගින් සමේ අඳුරු ලප ස්වභාවිකව ලා පැහැයට හරවනවා.
ලෙමන් ගෙඩියකින් පෙත්තක් කපා දිනපතා මුහුණේ අඳුරු ලප ඇති තැන්වල ආලේපකර බලන්න. ඒ වගේම ලෙමන් හා මී පැණි පැක් එකක් ආකාරයට ආලේප කිරීමත් ඉතාම හොඳයි.
අඳුරු ලප වලට කෝමාරිකා
සමේ ඇති හුඟක් ගැටළු සඳහා කෝමාරිකා සොබාදහමේ ඇති විශ්මිත ප්‍රතිකාරයක්. පිළිස්සුම්, ලපකැළැල්, අව්වට පිළිස්සීම කෝමාරිකා වලට ස්වභාවිකව සුව කරන්න පුළුවන්.
ඉතින් අඳුරු ලපත් කෝමාරිකා මගින් සුවකිරීමට හැකිවීම පුදුමයට කාරණයක් නොවේ.
ඉතින් ඔබටත් ගෙදර කෝමාරිකා පැළයක් ඇත්නම් එහි ජෙලි වැනි මදය ගෙන සුරා කෙලින්ම සම මත ආලේප කරන්න.
අඳුරු ලප වලට අර්තාපල්
චිප්ස් වලට වඩා අර්තාපල් වලින් අපට ගත හැකි හුඟක් ප්‍රයෝජන තියෙනවා. අල බොහෝ අඳුරු ලප කැළැල් හා ඇස් වටා කළුවීම වැනි ගැටළු වලට හොඳ පිළියමක්. අර්තාපල් ගෙඩියක් ග්‍රේට් කර එහි යුෂ ලබාගන්න.
එම යුෂ මුහුණ මත තවරා පැය භාගයක් පමණ තබන්න. මෙය නිතර කිරීමෙන් මුහුණේ අඳුරු ලප නැතිවී යනු ඔබට අත්දකින්න ලැබේවි.
පිපිඤ්ඤා
අපි ඕනෑ තරම් කාන්තාවන් පිපිඤ්ඤා පෙති ඇස් මත තියාගෙන ඉන්න රූප සඟරාවල දැකලා තියෙනවා. පිපිඤ්ඤා ශරීරයේ අභ්‍යන්තරයට වගේම බාහිරටත් හුඟක් යොදා ගන්න සත්කාරයක්.
එහි ඇති සෞම්‍ය සුදු කිරීමේ ගුණය මුහුණේ ඇති අඳුරු ලප හා ඇස් යට කළු වීමට ගුණදායක වෙනවා.
ශීතකළ පිපිඤ්ඤා පෙති මුහුණේ හා ඇස් වටා තබා කෙටි වේලාවක් නින්දට යාමෙන් ඔබට නැවුම් බවක් හා සමට අලුත් බවක් දැනෙනවා.
මී පැණි
මී පැණි බැක්ටීරියා වලට එරෙහිව ක්‍රියා කරන අතර එහි පිරිසිදු කිරීමේ සහ තෙතමනය රඳවා තබා ගැනීමේ ගුණයත් බහුලයි. එහි ඇසිඩ් සහිත බවක්ද තිබෙනවා.
ඒ වගේම ග්ලුකොනික් ඇසිඩ් අඩංගු වෙනවා. එම ස්වභාවයන් සමේ ඇති පිග්මන්ටේෂන් හෙවත් අඳුරු ලප අඩුකිරීමට සමත්කම් දක්වනවා.
මී පැණි ගෙදරදී හදාගන්නා පැක් එකකට යොදා ගත්තට වරදක් නැහැ.
මී පැණි හා ඕට්ස් , මී පැණි හා අර්මන්ඩ් , මී පැණි හා ලෙමන් ඔබට මේ අතර අත්හදා බැලිය හැකි සත්කාර කරන අමුද්‍රව්‍ය මිශ්‍රණ කිහිපයක්.
ආර්මන්ඩ්
හුඟක් අපි භාවිතා කරන ක්‍රීම් වර්ග වල ආර්මන්ඩ් අඩංගු බව සඳහන් වෙනවා. ආර්මන්ඩ් වල ස්වභාවික ෆැටි ඇසිඩ් අඩංගු වන අතර සමේ තෙතමනය රැකදෙමින් වියළි බව නැති කර සම ආරක්ෂා කරනවා.
ආර්මන්ඩ් ඇට ටිකක් වතුර කෝප්ප භාගයකට දමා රාත්‍රියක් පෙඟෙන්නට හරින්න. මෙය ශීතකරණයක දැමීම වඩාත් හොඳයි.
තලපයක් වන ආකාරයට කිරි සමග මිශ්‍ර කර අඹරා ගන්න. මෙම සත්කාරය ඔබට මී පැණි හා දෙහි එක්කර හෝ නොගෙන වුවත් මුහුණේ අලේප කරන්න පුළුවන්.
පැපොල්
පැපොල් කෑමට කෙතරම් ගුණදායක පලතුරක් දැයි අපි දන්නවා. එහි ෆයිබර් බහුල අතර සීනි අඩුයි.
ආහාර පාලනයට ඉතා හොඳ පළතුරක් වන අතර රසිනුත් ඉහළයි. ඉතින් පැපොල් ශරීරය අභ්‍යන්තරයට වගේ බාහිරටත් හරිම ගුණදායකයි.
මෙය පුරාතනයේ පටන් සමට හිරුගෙන් වන හානි වලට කරන ප්‍රචලිත සත්කාරයක්. පැපොල් වල ඇති ගුණයන් විශේෂයෙන් පිග්මන්ටේෂන් සඳහා ඉතාම හොඳයි.
පැපොල් කැබැල්ලක් පොඩි කර නිකම්ම මුහුණේ ගාන්න. ඔබට යෝගට් ටිකක් සහ මී පැණි ටිකක් ඊට එක්කරගන්න පුළුවන්නම් තවත් වටිනවා.
අලිගැටපේර
තවත් විශ්මිත පලතුරක්. විටමින් E බහුල, ෆැටි ඇසිඩ් හා විටමින් C අඩංගු නිසා එය මුහුණේ ආලේපයට වගේම කෑමටත් ඉතාම හොඳයි.
අලිගැටපේර වල විටමින් E හා C අඩංගු නිසා එය පිග්මන්ටේෂන් තත්වයට ඉතාම හොඳයි.
ඉදුණු අලිගැටපේර ගෙඩියක කොටසක් පොඩි කර යෝගට් හා මී පැණි සමග එක්කර පැක් එකක් ආකාරයට ගල්වන්න.
කිරි හා යෝගට්
කිරි හා යෝගට් වල ලැක්ටික් ඇසිඩ් අඩංගු අතර එමගින් සමේ පැහැය ඒකාකාරී කරනවා. ඒ වගේම අඳුරු බව හා අඳුරු ලප ඉවත් කරන්න උදවු වෙනවා.
දිනපතා අපි ගන්න මෙවැනි අමුද්‍රව්‍යකින් ඔබට ඉහළ ප්‍රතිඵල ලබාගන්න පුළුවන්.
රසඛාරක හා සීනි නොයොදා කිරි එක් කිරීමෙන් ඔබට හොඳ ෆේස් පැක් එකක් හදාගන්න පුළුවන්.
නිසි ආහාර ගැනීමේ පිළිවෙත්
ඉහතින් මේ කතාකරන හැම පලතුරක්ම කෑමටත් ඉතාම හොඳයි. ඉතින් ආලේපන වගේම අභ්‍යන්තර සත්කාරයන් නිරෝගිව ලස්සනට ඉන්න හරිම වැදගත්.
කැරට්, බතල, බ්ලූබෙරි, ඔලිව් ඔයිල් හා අඹත් සමේ පෙනුම වැඩිකරගන්න ඉහළින්ම උදවු වෙනවා.
ඉතින් ලස්සනට ඉන්න කොට ඔබේ සතුට වැඩිවෙනවා. ඉන් ගෙදර සතුට වැඩිවෙනවා. කරදරයක් නැතිව ලස්සනට ඉන්න ඔබට theAsianparent Sri Lanka මේ ගෙනා අදහස් හුඟක් වටීවි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිසංසලා ලියනගේ
