සුරංගනාවන් අතර කිරුළු පළදිමින් සැමරූ පුංචි ආරාධ්‍යාගේ බැබලුන උපන් දින සාදය
පුංචි ආරාධ්‍යාගේ බැබලුන උපන් දින සාදය වෙනුවෙන් සිදු වු වැදගත්ම දෙය නම් ආරාධ්‍යාට කුමාරිකාවන් තේමා කරගත් ලස්සනම ලස්සන කේක් තුනක් ලැබීමයි.
නොවැම්බර් 16 වැනිදා අයිශ්වර්යා රායි හා අභිෂේක් බච්චන්ගේ ආදරණීය දියණිය ආරාධ්‍යාට වසර පහක් සපිරුනා. ආදරයෙන් පිරුණු මේ දෙමාපියන් මදක් පරක්කු වී හෝ ලස්සනම ලස්සන උපන් දින සාදයක් ඔවුන්ගේ පුංචි කුමාරිකාව වෙනුවෙන් සුදානම් කල බව පැවසීම අනවශ්‍ය බව සිතනවා.
බච්චන් දියණිය ඇගේ උපන් දිනය නොවැම්බර් 16 වැනිදා සැමරුවේ නැහැ. නොවැම්බර් 20 වැනිදා ඇයගේ ලගම මිතුරන්ගේ සුභ පැතුම් වලින් පිරුන පුංචි ආරාධ්‍යාගේ බැබලුන උපන් දින සාදය පැවැත්වුනා.
වැදගත්ම දෙය නම් මේ කුමාරිකාවන් තේමා කරගත් කේක් වල පිංතුර ලොව පුරා යෑමයි. පසුගිය අවුරුද්දේ මාලිගාවක හැඩය ගත් ඇයට ලැබුන එකම කේක් එක වගේ නොවේ මෙවර ඇයට කේක් කිහිපයක් ලැබුන අතර එකක ඇයගේ කුඩා පිළිරුවක් තිබුනා.
පුංචි ආරාධ්‍යාගේ බැබලුන උපන් දින සාදය
බච්චන් පවුල මාස ගණනක් තිස්සේ මේ තරු දියණිය වෙනස් විදියේ උපන් දින සුභ පැතුමක් එක් කිරීමට වෙහෙසුනා.
සොනාලි බෙන්ද්‍ර හා ඇයගේ පුත් රණ්වීර්, කිරන් රාඕ හා ඔහුගේ පුත් අර්සඩ් රාඕ, මන්‍යාතා දත් හා ඇයගේ නිවුන් දරුවන් වු සහරාන් හා ඉක්රා මෙන්ම ට්වින්කල් කන්නා හා ඇයගේ දියණිය නිටාරා මේ අමුත්තන් අතර වු අතර බච්චන් නිවස ආරාධ්‍යාගේ ආදරණීය යාළුවන් ගෙන් පිරුනා.
පසුගිය අවුරුද්දේ මෙන්ම මේ අවුරුද්දේද ආරධ්‍යා සතුටු වන තේමාවන් හා වර්ණ හොදින් දන්නා පවුල රෝස පැහැති සුරංගනා කථා තේමාවක් තෝරා ගත්තා.
මීට අමතරව මිත්තනිය වු ඡායා බහාදූර් මුතනුවන් වු අමිතාබ් බච්චන් රෝස පාටින් සැරසී ඔවුන්ගේ සුන්දර මිණිපිරියගේ උපන් දින සාදය වර්ණවත් කලා. ආරාධ්‍යා ඇයගේ නැදෑයින් සමග මේ අවුරුද්දේ විශාල සාදයක් ලැබීමෙන් ඉතා ප්‍රිතියට පත් වු බව ඇයගේ සමීපතම මුලාශ්‍රයක් බෙදාගත්තා.
ආරාධ්‍යා පියාගේ පිංතුර සරසයි.
ආරාධ්‍යාගේ උපන් දින සාදය අවසන් වු විගස ඇය පියාගේ දුරකථනය ගෙන සියලුම පිංතුර පරීක්ෂා කර බැලුවා.
අභිෂේක් සටහනක් යොදමින්, "ආරාධ්‍යා වෙත එවු සියලුම සුබ පැතුම්, ආශීර්වාද හා සියලු ආදරය වෙනුවෙන් ඔබට ස්තුතියි . ඡායාරූපය සරසන ලද්දේ ආරාධ්‍යා " යනුවෙන් සදහන් කරන ලදී.
දැන් ආරාධ්‍යා හා ඇයගේ පියා ඔවුන්නොවුන් වෙනුවෙන් කාලයක් වෙන්කර ගන්නා බව සාධාරණ සාක්ෂි තියෙනවා. පුංචි පුංචි සුන්දර නිවාඩු වලින් ඔවුන් කාර්‍යබහුල වෙනවා.
එය පියා දරුවන්ට අවධානය දිය යුත්තේ ඇයි සහ ඔවුන් වෙනුවෙන් වැඩිපුර කාලය වැය කල යුත්තේ ඇයි යන්නට තවත් මතක් කිරීමක් වෙනවා.
පියවරුන්ට තම දියණියන් සමඟ කාලය ගත කළ යුතු වීමට හේතු තුනක්
1. ඔවුන්ව හොදින් දැනගන්න: ඔබගේ දියණිය සමඟ ගුණාත්මක කාලයක් ගත කිරීමෙන් ඔබට ඇය හොදින් වටහා ගැනීමට උපකාර වනු ඇත. ඇත්ත වශයෙන්ම, ප්‍රතිවිරුද්ධ ලිංගිකත්වය සමග පළමු සැබෑ අන්තර්කියා කිරීමට ඔබ ඇයගේ මගපෙන්වන්නා වේ.
එමනිසා මුහුණට මුහුණලා සම්බන්ධතා පැවැත්වීම මගින් ඔබේ අදහස් ඇය හා බෙදාගැනීම මෙන්ම ඇයගේ අපේක්ෂාවන් බෙදාහදා ගැනීමට අනෙක් අතට ඔබට ඉඩ සලසයි. ඇයගේ ජීවිතයේ සම්බන්ධතා හා පුරුෂයන් ගැන ධනාත්මක අදහස් ගොඩනඟා ගැනීමටද එය ඇයට සහාය වනු ඇත.
2. එය ඔවුන්ව ශක්තිමත් කරයි: පියවරුන්ට දියණියකගේ පෞරුෂත්වයට බලපෑම් කල හැකිය. ඇය සමඟ ජීවිතයේ තීරණාත්මක ගැටළු සාකච්ඡා කිරීම සඳහා පියා නිදහස් හා විශ්වාසයකින් යුක්තව සිටීයි නම්, ඇය වඩාත් විශ්වාසදායී හා ස්වයං යැපෙන්නෙක් බවට පත්විය හැකිය. ඇයගේ සිහින ඉටුකර ගැනීමට ඇයව දිරිගන්වන අතර, ඔබ ඇයට සහාය වීමට සිටින බව ඇයට දැනගත හැකිය. මෙය ඔවුන්ගේ විශ්වාසය වැඩි දියුණු කරයි.
3. ඔබට ඉහල සීමා සැකසිය හැකිය: ඔබගේ බිරිඳ සමඟ ඔබේ සම්බන්ධතාවයේ තත්වය ඔබගේ දරුවන්ට ලබාගන්නට අවැසි වේ. ඔබ ඉහල සීමාවන් පිහිටුවනවා නම් හා ඔබේ දියණියටත් එවැනිම වු ආදරය ,ගෞරවය සපිරුණු සම්බන්ධතාවයක් අවැසි වෙනු ඇත.
පුංචි ආරාධ්‍යාගේ බැබලුන උපන් දින සාදය තුලින් මතු වූ අපූරු තාත්තාගෙයි දුවගෙයි ආදරය ගැන මේ කතා බහ ඔබ වෙත ගෙන ආවේ the Asianparent Sri Lanka වෙතිනි.
theIndusparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී