ඔබේ දරුවාගේ මළපහ ඔබ ඇත්තෙන්ම බලන දෙයක් නොවේ. නමුත් එය මවක් ලෙස ඔබට දරුවාගේ සම්පූර්ණ සෞඛ්‍ය දක්වන හොඳ දර්ශකයක් වන නිසා දරුවාගේ මළපහ සුපරීක්ෂාව කාරීව නිරීක්ෂණය කිරීම වැදගත් වෙනවා.
බිමට වැටෙනවා සහ අපිරිසිදුයි
පළමුවෙන්ම ඔබේ දරුවාගේ මළපහ වල වර්ණය බලන්න. ඔබේ දරුවාගේ මළපහ වර්ණය මගින් එහි වරදක් ඇත්නම් බැලූ බැල්මට පෙනීමට උපකාරී වේ. සාමාන්‍යයෙන් ඔබේ දරුවාගේ මළපහ වල වර්ණය දිනෙන් දින වෙනස් වන අතර ලේ ගැලීමක සලකුණක් වන අඳුරු පැහැය,ලේ පැල්ලමක් තිබේදැයි ඔබ බැලීමට අවශ්‍යයි.
දෙවනුව ඔබ ඔබේ දරුවාගේ මළපහ වල ඝනත්වය බැලීමට අවශ්‍ය වෙනවා. පුංචි දරුවන්ගේ හා ළදරුවන්ගේ මළපහ වල ඝනත්වය පීනට් බටර් වලට හෝ යෝගට් වලට සමාන වෙනවා. ඔබේ දරුවාගේ මළපහ කැදලි,කැබලි ලෙස ඇත්නම් මලබද්ධය ඇතිවීමට වැඩි ඉඩක් තිබෙනවා.
තුන්වැන්න ඔබගේ දරුවාගේ මළපහ වල ගන්ධය වේ. ඔබේ දරුවාගේ බඩවැල් තුළ ආහාර වැඩි වේලාවක් රැදෙනවා. ඊට පසු ගන්ධයක් නිකුත් වේ. මව්කිරි බොන දරුවාගේ ගන්ධය රළු නැති අතර කිරි ආදේශක පානය කරන දරුවන්ගේ මද ගන්ධයක් ඇත. නමුත් එය විශාල එකක් නොවේ. ඔබේ දරුවා ඝන ආහාර පටන් ගත් විට ගන්ධය රළු වෙයි.ඔබ හිතනවා නම් ඔබේ දරුවාගේ මළපහ ගන්ධයෙන් වැඩි බව ඒ ගැන ඔබේ ළමා රෝග විශේෂඥ හමුවෙන්න පුළුවන්.
ඔබේ දරුවා වයසින් වැඩිවන විට ඔවුන්ගේ මළපහ
පළමු මාස 4 ඇතුළත ඔබේ දරුවාගේ මළපහ දියරමය ස්වභාවයක් ගනී. පළමු මාස දෙක තුළ ඔවුන් දිනකට ඩයිපර් දහයක් පමණ භාවිතා කරයි. හතර වෙනි මාසය වන විට එය දෙකේ සිට හතර දක්වා වේ. කිරි ආදේශක පානය කරන දරුවන් අඩුවෙන් මළපහ පිට කරන අතර එයට හේතුව වන්නේ කිරි ආදේශක ඔවුන්ගේ කුස හරහා යන්නේ අඩු වේගයක් වීමයි.
මාස 5 ත් 10 ත් අතර ඔබ දරුවා ඝන ආහාර පටන් ගන්නා නිසා දරුවාගේ මළපහ ඝන වීමට පටන් ගනී. මළපහ පිටවීම අවම වශයෙන් දවසකට වරක් සිදු වේ.
වයස අවුරුදු 1 සිට 3 දක්වා දරුවන්ගේ මලපහ තිබුණාට වඩා ඝන වේ. ජීරණය නොවු ආහාර කොටස්, ජීරණයට අපහසු එළවළු කොළ වැනි කොටස් ඔබට දැකිය හැකිය. කණගාටු වෙන්න එපා. ඔබේ දරුවාගේ මහාන්ත්‍රය ප්‍රධාන කොටස ආහාර ජීරණය ඉගෙන ගනිමින් තිබෙන නිසා මේ අවධියේ දී එය සාමාන්‍යයි.
වයස අවුරුදු දෙකත් පහත් අතර ඔබේ දරුවා දිනකට වරක් මළපහ කරන අතර දැනටමත් එය ඔවුන්ට තනිව කල හැක. මේ වයසේදි මලබද්ධය බහුල ගැටලුවක් වන අතර ඔබේ දරුවාට ප්‍රමාණවත් ජලය ප්‍රමාණයක් පානය කරන බව සහතික කරගන්න. ඒ වගේම ඔවුන්ගේ ආහාරයේ ප්‍රමාණවත් තන්තු තිබීම හොඳ මළපහ පිටකිරීම සිදුකරයි. ඔවුන්ගේ මළපහ දිගු නයෙකුගේ හැඩයක් ගනී.
ඔබේ දරුවාගේ මළපහ සුදු ,කළු,රතු පැහැති කොටස් සහිතයි නම් බයිල්
නිෂ්පාදනය ප්‍රමාණවත් නොවන අතර ඔවුන්ගේ කුසේ ඇති රුධිර ජීර්ණය වීමක් සිදුවෙනවා හෝ ඔවුන්ගේ මහා අන්ත්‍ර කොටස් වලින් හෝ ගුද මාර්ගයෙන් රුධිර වහනයක් වෙනවා විය හැකියි. මෙම ලක්ෂණ ඇත්නම් ඔබේ දරුවා වහාම වෛද්‍යවරයෙක් වෙත ගෙන යෑම අවශ්‍ය වෙනවා.
ඔබේ පුංචි පැටියාගේ මළ පහ ගැන ඔබ නොදන්නා තොරතුරු ඔබ වෙත ගෙන ආවේ The Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
