ලඟදී දිනක අපට පාඨකයෙක්ගෙන් ලැබුණු ලිපියක ගර්භණි අවධියේ පිහිනීම ගැන මෙසේ ප්‍රශ්නයක් නගා තිබුනා.
“මම මාස 6ක ගැබිණි මවක්. මම පිහිනන ගොඩක් කැමතියි. නමුත් පිහිනුම් තටාකයේ ක්ලෝරීන් සහිත ජලයෙන් මගේ දරුවාට හානියක් වේ යැයි මට බයයි. එහෙම වේවිද?”
ඉතින් මේ අම්මාට උදව් කරන අරමුණින් අපි පුංචි සෛක්ෂණයක් කළා.
සමස්තයක් හැටියට පිහිනීම කියන්නේ ඕනෑම කෙනෙක්ට ඔබින කදිම ව්‍යායාමයක්. විශේෂයෙන්ම ගැබිණි මව්වරුන්ට මෙය හුඟක්ම සුදුසුයි. දෛනික ව්‍යායාමයේ යෙදෙන බොහෝ මවුවරුන් තමන්ගේ ව්‍යායාම ඒ ආකාරයෙන්ම පවත්වාගෙන යාමට කැමති වුවත් ගැබිණි සාමය තුල එසේ කිරීම ප්‍රයෝගිකව ඔවුන්ට අපහසු වනවා.
කෙසේ වෙතත් ජලයේ රැඳී සිටීම මැජික් එකක් වගෙයි. මවකට දැනෙන උදරයේ බර ජලයේ සිටින විට දැනෙන්නේ නැහැ, බොහොම සැහැල්ලු ගතියකින් පාවෙන සෙයක් පිහිනුම් තටාකයේ මවකට ඇත විඳින්නට පුළුවන්.
ගැබිණි සමයේ පිහිනීම තුළින් සිරුරට අත්පත් වන වාසි
1. ගර්භණි අවධියේ පිහිනීම ඔබේ හදවත ශක්තිමත් කරයි.
වතුරේ ව්‍යායාම කිරීමෙන් මවගේ මෙන්ම දරුවාගේත් රුධිර සංසරණය ප්‍රකෘතිමත් කරන අතර එය රුධිරයේ ඔක්සිජන් ප්‍රමාණයද වර්ධය කරයි.
2. මෙය මන්දගාමී ව්‍යායාමයක්
මෙය මන්දගාමී ව්‍යායාමයක් නිසා සිරුරට අධික පීඩනයක් හෝ බලපෑමක් ඇති නොකරන හෙයින් ගැබිණි සමයේ දීමට ඉතාම යෝග්‍ය වනවා.
3. කොන්දේ කැක්කුම් අවම කරයි.
ගැබිණි සමයේ සිරුරේ හැඩයේ ඇතිවන වෙනස්වීම් හේතුවෙන් ඇතිවිය හැකි අසමතුලිතතාවයන් කොන්දට බලපා වේදනා ගෙන දෙන්නට පුළුවන්. ජලයේ සිටීමෙන් ඇති වන සැහැල්ලු ගතිය නිසා කොන්දට ඇති වන ආතතිය අඩු වනවා. මෙය කැක්කුම් සමනය කොට සැහැල්ලුවක් ගෙන දෙනවා. කළලයේ දරුවාද පාවෙන නිසා කොන්දේ සයටික් ස්නායු වල තෙරපීමක් ඇති වීමද වළක්වනවා.
4. ගර්භණි අවධියේ පිහිනීම ඉදිමුම් අඩු කරයි
පිහිනීම නිසා varicose veins නොහොත් නහර ගැට ගැසීමේ තත්වයෙන් මිදීමට හැකි වනවා. වතුරේ සිටින විට සිරුරේ ඇති වන තෙරපීම් අඩු කර ඉදිමුම් අඩු කරනවා. මේ නිසා දෙපා වල විලුඹේ, යටි පතුල් ආදියේ වේදනාවන් ඇති වීම් වලක්වෙනේ මාංශපේශි තුල වූ තරලයන් පිටතට නෙරපා හැරීමෙන් ඒවා රුධිරයට එක් වී වකුගඩු හරහා මුත්‍රා සමඟ පිට කෙරෙන නිසයි.
5. ගර්භණි අවධියේ පිහිනීම නිසා සිරුර සිසිල්ව තබා ගැනෙනවා
ලංකාවේ බොහෝ දිනවල ඇතිවන අධික රස්නය කෙතරම් පිදාකාරිදැයි අපි දන්නවා. ගැබිණි සමයේ වැඩිපුර ක්‍රියාත්මක වන දහඩිය ග්‍රන්ථි නිසා මේ තත්වය තවත් පීඩාකාරී වනවා. පිහිනුම් තටාකයේ කල් ගත කිරීමෙන් මේ තත්වය සාමය කොට මහත් සිසිලක් සහ සනීපයක් ගෙන දෙන්නේ ඒ නිසයි. ඔබ පිහිනන්නට නොදන්නවා වුවත් නිකම්ම වතුරේ එහෙට මෙහෙට ඇවිද එහි සුව විඳින්නට පුළුවන්.
ගර්භණි අවධියේ පිහිනීම පිලිබඳ මිත්‍යාව
ක්ලෝරීන් සහිත ජලය කුසතුළ සිටින දරුවාට හානිකරයි. මේ කතාව ඇත්තක්ද?
නැහැ. මෙහි සත්‍යයක් නැහැ. කළලය සහ ගැබ්ගෙල ආරක්ෂා කිරීමට සිරුර ස්වභාවයෙන්ම යාන්ත්‍රනය වෙලා තියෙනවා. එම නිසා පිහිනුම් තටාකයේ සිටීම තුළින් දරුවට කිසිම හානියක් වන්නේ නැහැ.
ගර්භණි සමය තුළ ආරක්ෂාකාරී වන්නේ කෙසේද?
සජලනය
ලංකාව වැනි සමකාසන්න රටක සිරුරේ සජලනය පවත්වාගැනීම ඉතාමත්ම වැදගත්. පුරුද්දක් ලෙස පිහිනුම් තටාකයට පිවිසීමට මත්තෙන් වතුර වීදුරුවක් පානය කර, සෑම විනාඩි 20කටම වරක් එසේ පානය කිරීමට කටයුතු කරන්න.
හුස්ම ඉහල පහළ දැමීම
ගර්භණි සමයේදී උවමනාවට වඩා මහන්සි වීම සුදුසු නැහැ. මෙය තීරණය කිරීම සඳහා හුස්ම ඉහල පහල දැමීමේ රටාව අධ්‍යයනය කිරීමයි. ඔබට තව කෙනෙක් සමඟ හති නොදමා පහසුවෙන් කතා කිරීමේ හැකියාව තිබේදැයි බැලීමෙන් ඔබ උවමනාවට වඩා මහන්සි වීදැයි බැලිය හැක.
උණු වතුරේ බැස නොසිටීම
පිහිනුම් තටාකය කෙතරම් හිතකර වුවද, උණු වතුර පොකුණු වල සිටීම කොහෙත්ම හිතකර නොවන්නේ සෙල්සියස් 40’ට වැඩි උණු වතුරේ බැස සිටීමෙන් දරුවාට සංකුලතා ඇති විය හැකි අතර ගබ්සා වීම් ඇතුළු මොලයට සහ සුෂුම්නාවට බලපෑම් ඇති වන්නට පුළුවන්.
ගර්භණි අවධියේ පිහිනීම නිසා ගැබිණි මවකට ඇති වන ප්‍රයෝජන සාරාංශයක් ලෙස
- හදවත ශක්තිමත් වීම
- ආතතිය සහ තෙරපීම් මැඩ පැවැත්වීම
- කොන්දේ අමාරු සමනය කිරීම
- ඉදිමුම් වලින් වැලකීම
- සිරුර සිසිල්ව තැබීම
ආරක්ෂාකාරී වීමට සැලකිය යුතු දේ
- හැකි තරම් ජලය පානය කිරීම
- ආශ්වාස ප්‍රශ්වාස රටාව ගැන සැලකිල්ලෙන් සිටීම
- උණු වතුරේ බැස නොසිටීම
TheAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිලුෆ පෙරේරා
