ගර්භණි මව ආහාරයට ගත යුතු පලතුරු ඛාණ්ඩ 4 ක්

නිතරම පෝෂණීය ආහාර වේලක් ගැනීම වැදගත්. නමුත් ගර්භණි මව කට එය හුඟක්ම වැදගත්. එය ඔබට වගේම ඉපදෙන්නට සිටින දරුවාටත් ඉතා වැදගත්. මේ නිසා පලතුරු කෝප්ප දෙකක් පමණ දවසකට ගැනීම මේ අතර ඉතාම හොඳ දෙයක්.

නිතරම පලතුරු නැවුම්ව ගන්න ලැබෙනවා නම් ඉන් ලැබෙන ප්‍රයෝජන බහුලයි. පලතුරු හොඳින් සෝදා අමුවෙන් ආහාරයට ගැනීමෙන් විය හැකි අගුණ තත්වයන් ඉතාම අඩුයි.

නොසේදූ පලතුරු වල විෂබීජ හා බැක්ටීරියා ඇති නිසා සේදීමෙන් ඒවා ඉවත් වෙනවා. ඒ වගේම ඔබට දියවැඩියාව වැනි රෝග තත්ත්ව ඇත්නම් ඊට නුසුදුසු පලතුරු ගැන දැනුවත්ව ආහාරයට ගැනීම වැදගත්.

LiveStrong ට අනුව ගර්භණි මව ආහාරයට ගත යුතු පලතුරු ගැන දැන් ඔබට දැනුවත් වෙන්න පුළුවන්.

ෆයිබර් බහුල පලතුරු

හුඟක් ගර්භණි මව්වරුන්ට මළ බද්ධය හා අර්ශස් වැනි රෝග තත්ත්ව ඇතිවෙනවා. මීට හොඳ විසඳුමක් ලෙස ෆයිබර් වැඩියෙන් ඇති පලතුරු ලෙස ඇපල්, පෙයාස්, කෙසෙල්, කිවි, දොඩම් වැනි පලතුරු දක්වන්න පුළුවන්.

විටමින් c බහුල පලතුරු

දොඩම්, ලෙමන්, මිදි, ස්ට්‍රෝබෙරි, හනිඩිව්, කැන්ටර්ලූප් වැනි පලතුරු දක්වන්න පුළුවන්.

ෆෝලික් ඇසිඩ් බහුල පලතුරු

කුස තුළ වැඩෙන දරුවාගේ මොලය හා ශුසුම්නාව වර්ධනයට ෆෝලික් ඇසිඩ් වැදගත් වෙනවා. පිළිසිඳ ගැනීමකට පෙර සිටම කාන්තාවක් දිනකට ෆෝලික් ඇසිඩ් මයික්‍රොග්‍රෑම් 400ක් පමණ ලබාගත යුතු බව පවසනවා. එය ගර්භණි සමය තුළදීත් පවත්වා ගැනීම වැදගත්.

දොඩම්, අන්නාසි (ගර්භණි අවදියේ මුල් කාලයේ අන්නාසි වලින් ගැබ්ගෙල මෘදු කරන නිසා වැඩිපුර ගැනීමෙන් වළකින්න), අලිගැටපේර, ගස්ලබු (හොඳින් නොඉඳුණු ගස්ලබු නොමේරූ දරු උපත් වලට හේතු විය හැකි නිසා ඉඳුණු ගස්ලබු තෝරාගන්න)

පොටෑසියම් බහුල පලතුරු  

මස් පිඬු පෙරළීම ගර්භණි සමයේ බහුල තත්වයක්. හොඳින් පොටෑසියම් ලබාගැනීමෙන් මේ තත්වය මගහරවා ගන්න පුළුවන්. වැඩෙන දරුවාට අවශ්‍ය ඛනිජ ලවන පෝෂණයද ඉන් සමබර වෙනවා.

කෙසෙල්, කිවි, චෙරිස්, පීච්, කොමඩු, මිදි

ආහාර වේල ගැන ගර්භණි මවක් හුඟක් සැලකිලිමත් විය යුතු නිසාම Asianparent Sri Lanka මේ ලිපිය සකස් කළා.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ