ගර්භණි සමය තුළ හොඳ නින්දක් ලබන්නේ කොහොමද?

lead image

ගර්භණි සමයේ මවකට විවේකය, මානසික සුවය ඉතා වැදගත්. ඊට පවුලේ අයගෙන් උදවු අවශ්‍යයි. ඒ පිළිබඳ ඔබව දැනුවත් කරන්න theAsianparent Sri Lanka මේ ලිපිය සකස් කළා.

ගර්භණි සමය තුළ ඔබට හොඳ නින්දක් ලැබීම අත්‍යවශ්‍යයි. ඒ ඔබේ ශරීරය තුළ තවත් ජීවියෙක් වැඩෙන නිසයි. මන්ද ඊට විශාල ශක්තියක් වැයකිරීමට ඔබට සිදුවෙනවා. නමුත් සුවබර නින්දක් ලැබීම ගැබ්බර මවකට අවශ්‍ය වෙනවා. දවස අතර තුර පුංචි නින්දක් ලැබීම ඉතා වැදගත්. පළමු මාස තුන තුළ හුඟක් කාන්තාවන් අධික තෙහෙට්ටුවට පත්වෙනවා.

ඔබට පෙර මෙන් නොව දවසකට දෙවතාවක් වත් නිදිමත දැනුනත් පුදුමයට පත්වන්නට එපා. ඔබ වැඩකරන කාන්තාවක් නම් මිනිත්තු 15ක් පමණ පුංචි විවේකයක් ගැනීමට හැකිදැයි බලන්න.

හැකිතරම් සන්සුන්ව කාලය ගෙවන්න. ඔබ තරමක් නොසන්සුන් වීම සාමාන්‍ය වුනත් දුක්වීමෙන් ඔබේ ගැටළු විසඳෙන්නේ නැහැ. ඔබ ඉතා ඉවසීමෙන් හා අවබෝධයෙන් ඊට මුහුණ දීමෙන් ඔබට හොඳ ගර්භණි සමයක් ගෙවන්නට පුළුවන්.

මේ කාලය තුළ හැකි තරම් නිදාගන්න උත්සාහ කරන්න. තවමත් කළල ගර්භය තුළ වැඩිය මෝරා නැති නිසා ඔබට පහසු ඉරියව්වක් තෝරාගන්න පුළුවන්. ඔබ බඩ යට කරගෙන නිදාගන්න අයෙකු නම් හැකිතරම් මේ කාලය එලෙස නිදාගන්න. මන්ද ඉක්මනින් ඔබට ඒ ඉරියව්ව වෙනස් කරන්න සිදුවෙයි.

දෙවන අදියර මාස 3-6 දක්වා

දැන් ඔබ දෙවන කාර්තුවට එළඹ ඇති නිසා ඔබට තවත් ශක්තිය අවශ්‍යයි. දැන් ඔබේ ශරීරය ක්‍රමයෙන් වෙනස් වෙමින් තිබෙනවා. ඒ නිසා ඔබට පහසු ඉරියව් වලට වෙනස්විය හැකියි.

මේ කාලය තුළ පපුවේ දැවිල්ල ඇතිවීම සුලබයි. මන්ද ගර්භාෂය මගින් ඔබේ බඩ උඩට තෙරපීමෙන් වළක්වන නිසා තල්ලු වීමක් වෙනවා. ඒ නිසා ඔබ ගන්නා ආහාර ගැන සැලකිලිමත් විය යුතු වෙනවා. මේ සියල්ල සාර්ථක නොවන්නේ නම් වෛද්‍ය උපදෙස් ගන්න පුළුවන්.

දැන් ඔබ ඔබේ වම් පස පැත්තට හැරී නිදාගැනීම වැදගත්. ගර්භණි සමයේ මුල් කාලය තුළ ඔබ නිදාගන්න ඉරියව් ගැන සැලකිලිමත්වීම වැදගත්. උඩු අතට නිදාගැනීමෙන් කළලය කරා යන රුධිරය නිසි ලෙස ගමන් ගැනීම වැළකෙන්න පුළුවන්. ඒ නිසා වම් අත පැත්තට නිදාගැනීම වඩාත් සුදුසු හා පහසු ක්‍රමයක් වෙනවා.

ඉන් කළලයට ඉතා හොඳින් රුධිරය ගමන් කිරීම සිදුවෙනවා. නින්දට පෙර වැඩිපුර වතුර පානය කිරීම අඩුකර දවස පුරා හැකිතරම් වතුර පානය කරන්න. නැතිනම් රාත්‍රී කාලයේ වැඩිපුර ඔබට වැසිකිලි යාම සඳහා අවදිවන්නට සිදුවෙනවා.

තුන්වන අදියර  මාස 6-9

මෙම කාලය තුළ නින්ද ඉතා අමාරු කාර්යයක් ලෙස ඔබට දැනේවි. ශරීරය පුරා වන අපහසුතා ඊට බලපානවා. ඔබට ඔබේ ප්‍රමාණය විශාල ලෙස හැඟෙන්නත් එහෙට මෙහෙට හැරීම අපහසු ලෙස දැනෙන්නත් පුළුවන්. අනෙක් කාරණය ශරීරයේ බර මාංශ පේශීන්ට දැනීම නිසාත් හංඳි වේදනා හා කොන්දේ වේදනාවන් දැනෙන්න පුළුවන්. මීට සහනයක්, උදව්වක් ලබාගැනීම වැදගත්. කකුල් අතරට අමතර කොට්ටයක් තබා වම් පැත්තට හැරී නිදාගැනීම ඉන් එක ආකාරයක්.

වෙළඳපළේ ගර්භණි කාන්තාවන් සඳහාම සාදන ලද මෙට්ටයක් ඔබට තෝරාගන්න පුළුවන්. වේදනාවන් සමනය නොවන්නේ නම් රස්නෙන් පිසූ බත් ගෙන තැවීම වැනි දෙයකින් වුවත් සහනයක් ලබාගන්න පුළුවන්. කොන්දේ වේදනාවට නම් හීට් පැක් එකක් දමන්නත් පුළුවන්. ගර්භණි කාන්තාවන් සඳහා වන විශේෂ සම්බාහනයන් වුනත් කරන්න පුළුවන් නම් ඔබට සහනයක් ලැබේවි.

රාත්‍රී කාලයේ මස් පිඬු පෙරලීම මේ කාලයට සුලබ වන්නට පුළුවන්. මෘදුව සම්බාහනය කිරීම මගින් සහනයක් ලැබෙන අතර කකුලේ ඇඟිලි ඉදිරියට දිගු කිරීම නොකළ යුතු වෙනවා. සෙමින් ඇවිදීම මගින් තත්වය සංසිඳවා ගන්න පුළුවන්.

ගර්භණි සමයේ මවකට විවේකය, මානසික සුවය ඉතා වැදගත්. ඊට පවුලේ අයගෙන් උදවු අවශ්‍යයි. ඒ පිළිබඳ ඔබව දැනුවත් කරන්න theAsianparent Sri Lanka මේ ලිපිය සකස් කළා.  

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ