ගර්භණී අවදිය හතරවන සතිය: කළලයේ වර්ධනය සති සටහන

lead image

ගර්භණී අවදිය හතරවන සතිය: ගර්භණී අවදියේ සතිපතා කළලයේ වර්ධනය තුළින් මව්කුස තුළ පැටියාගේ සුන්දර ගමන ගැන ලිපි පෙලක්.

ගර්භණී අවදිය හතරවන සතිය වන විට පැටියාගේ ප්‍රමාණය කොපමණද?

පැටියාගේ ප්‍රමාණය අන්වීක්ෂයක්  නැතිව නොපෙනෙන තරමට කුඩා වුවත්, මේ කළල වර්ධනයේ නැතහොත් ගර්භණී කාලයේ මුලාරම්භය වන සංධිස්තානයයි. ගර්භණී සති 4 වනවිට කළලයේ වර්ධනය කෙසේදැයි බලමු.

ගර්භණී සති 4 තුළ කළලයේ වර්ධනය

  • ගර්භණී අවදිය හතරවන සතිය

    ගර්භණී සති 4 වන විට පැටියා කසකසා ඇටයක ප්‍රමාණයක් ගනී.

    මේ වන විට ඇම්නියන කෝෂය පෙනෙන්නට තිබේ. පැටියා මෙලොව එළිය දකින තුරු ඔහුගේ නිවහන වන්නේ මෙම කෝෂයයි.

  • වැදෑමහේ මූලික අවධියද මේ මොහොතේ සිට සෑදෙන අතර එය ස්ථර දෙකකින් යුක්ත වනවා. මවගේ රුධිරය දරුවා වෙත ගෙනයාමට විශේෂ මගක් සේ ක‍්‍රියාත්මක වන වැදෑමහ, වර්ධනය වන කළලයේ සෛල වර්ධනයට අවශ්‍ය ඔක්සිජන් සහ සියලු පෝෂ්‍ය පදාර්ථ මේ ඔස්සේ සපයනවා. ඇමෝනික් තරලය පිරි කෝෂය (වෝටර් බෑග්) තුළ කලලය දිනෙන් දින වර්ධනය වේ. මේ අතර වැදෑමහද ක්‍රමක්‍රමයෙන් වර්ධනය වන තුරු දරුවාගේ රතු රුධිර සෛල නිපදවීම මෙන්ම පෝෂණය ලබාදීම සිදු කෙරෙනුයේ මෙම තරලය මගිනි.
  • මෙතැන් පටන් සති 6ක කාලයක් පුරාවට දරුවාගේ අවයව වර්ධනය වන්නට පටන් ගන්නවා. ඇතැම් අවයව ක්‍රියා කරන්නටත් පටන් ගන්නවා.

මෙම කාලයේ ඇතිවිය හැකි මූලික ලක්ෂණ හා අපහසුතා 

  • මේ වන විට දැනෙන වෙනස්කම් නිසා ගැබ් ගෙන ඇති බව පිරික්සීමේ පරීක්ෂණයක් නිවසේදීම කරගන්නට ඇති.
  • සෑම ගැබ් ගැනීමකම ප්‍රතිපල නිවසේදී කරන පරීක්ෂණ වලින් (Home Pregnancy Test) වලින් 100% නිරවධ්‍ය නොවේ. මුල් කාලයේදී ගැබ් ගැනීම පරික්ෂා කරගන්නට අවශ්‍ය නම් ඔසප් බලාපොරොත්තු වන දිනය ලඟම ඇති රෝහලට ගොස් පරික්ෂා කරගැනීම වඩාත්ම සුදුසුයි.
  • ඔබට මේ වන විට ලොකු වෙනසක් නොදැනෙන මුත් නොබෝ දිනකින් ඇඟට දැනෙන වෙනස්කම් තිබේවි.
  • සිරුරේ ප්‍රොජෙස්ටරෝන් හෝමෝනයේ වැඩි වීම නිසා බද පිපුණු ගතියක් දැනෙන්නට පුළුවන්. යුක්තානුව පැලෝපිය නාලයේ ඉහළට පහළට ගමන් කිරීමත් කාලය තැන්පත් වීමත් මෙම අවදියේ සිදු වනවා. මේ හේතුවෙන් සුළු වශයෙන් දැනෙන්නට ඇති විය හැකි කෙණ්ඩා පෙරලීම්, සුළු රුධිර වහනයන් ආදිය අත්දකින්නට පුළුවන්.
  • සිරුරේ ඇති වන හෝමෝන විපර්යාස නිසා මනසේ හැඟීම්ද අසමතුලිත විය හැක. අසාමාන්‍ය කනස්සලු ගතිය, කේන්ති යාම ආදිය  ඇති වේ නම් මේ ඊට හේතුවයි.

මේ කාලය තුළ අවධානය යොමු කල යුතු දේ 

  • ගැබ්ගෙන ඇති බව තහවුරු වීමත් සමඟ දුම් පානය හා පානය කරන්නන් අවට සිටීම නොකළ යුතු වේ.
  • මත්පැන් පානය කිසි සේත්ම නොකළ යුතු අතර කෝපි හා කැෆේන් අඩංගු ආහාර පාන අවම කල යුතු වේ. 
  • පැස්චරීකරණය කර නොමැති  චීස් ඇතුළු කිරි සහිත ආහාර මෙන්ම මනාව පිස නොගත් මස් මාළු ආදිය ආහාරයට ගැනීමෙන් වැළකිය යුතුයි. එමගින් ඊ-කොලි බැක්ටීරියා ආසාදන ඇතිවිය හැකි බැවිනි.
  • රසදිය අඩංගු මාළු වර්ග (මෝර මාළු, කුම්බලාවෝ වැනි) ආහාරයට ගැනීමෙන් වැළකිය යුතුයි.

පිරික්සුම් ලැයිස්තුව 

  • නිවසේදී ගත් ගැබ්ගෙන ඇති බව දැනගැනීමේ පරීක්ෂණය තුළින් ගැබ්ගෙන ඇති බව තහවුරු වුවහොත් ඔබේ ප්‍රසව හා නාරි වෛද්‍යවරයා හමුවන්න. 
  • ඔබ ගන්නා වෙනත් බෙහෙත් හේත් වේ නම් ඒවායේ ලැයිස්තුවක් ලියාගෙන තබාගන්න. වෛද්‍යවරයා හමු වන විට නොවරදවා ඒ ගැන ඔහුට පවසන්න.
  • ඔබ ගත යුතු විටමින් වර්ග නොවරදවා ගත යුතු අතර නිවැරදි ආහාර රටාව පිළිපදින්නට කැපවන්න.

 

මීළඟ ලිපියෙන්, ගර්භණී අවදිය පස්වන සතිය

TheAsianparent හි අනුමැතිය ඇතිව පරිවර්තනය කර ප්රකාශිතයි.

පරිවර්තනයනිලුෆ පෙරේරා

Written by

Niloufer Perera

app info
get app banner