ගර්භණී අවදිය තිස් දෙවන සතිය: කළලයේ වර්ධන සති සටහන

ගර්භණී අවදිය තිස් දෙවන සතිය: කළලයේ වර්ධන සති සටහන

ගර්භණී අවදිය තිස්දෙවන සතිය: ගර්භණී අවදියේ සතිපතා කළලයේ වර්ධනය තුළින් මව්කුස තුළ පැටියාගේ සුන්දර ගමන ගැන ලිපි පෙලක්.

ගර්භණී සති 32 (pregnancy week 32): ඔබේ දරුවා චලනය වෙනවා අඩුයිද ? බය වෙන්න එපා. බොහෝ විට, ඔබේ දරුවාගේ නිදි චක්‍රය අනුව විනාඩි 20 සිට 40 දක්වා නිදාගැනීම නිසා මෙසේ චලන අඩුවෙන්න හේතු වෙනවා.

ඔබ, අම්මේ, නොමේරූ දරු ප්‍රසූතියේ සලකුණු දැන ගැනීම මේ හොදම කාලයයි. ඒ වගේම ඔබේ ගර්භණිත්වය සමරන්න සාදයක් (Baby Shower ) පවත්වන්නත් පුළුවන්.

ගර්භනී සති 32 වන විට පැටියාගේ ප්‍රමාණය කොපමණද?

ගර්භනී සති 32 week 32

ගර්භණී සති 32 (pregnancy week 32) වන විට පැටියා ලොකු රට අල ගෙඩියක ප්‍රමාණයක් ගන්නවා.

ගර්භණී සති 32 තුළ ඔබේ දරුගැබේ වර්ධනය

  • ඔබේ දරුවාට මේ වන විට ගිලීම ශ්වසනය, පයින් ගැසීම හා උරාබීම කරන්න පුළුවන්
  • ඔහුගේ ආහාර ජීර්ණ පද්ධතිය සම්පුර්ණයෙන්ම සකස්වී අවසන්, දැන් එය ආහාර ජීරණයට සුදානම්.
  • ඔහුගේ සමේ විනිවිද පේන ස්වභාවය අඩුවෙනවා.
  • ඔහු මේ වන විට මිනිත්තු 20 ත් 40 ත් අතර සුව නින්දක් ලබනවා. ඒ නිසා මේ පුංචි දගකාරයාගේ චලන ඔබට
    අඩුවෙන් දැනෙන්න පුළුවන්

තිස් දෙවන වෙනි සතියේ ගර්භණී ලක්ෂණ හා අපහසුතා

  • නෙරා ආ කුසේ ඇදෙන සලකුණු හා වියලි බව එක්ක කසනසුළු බව ගොඩාක් ඉහල යනවා.
  • ඔබ කෙණ්ඩා පෙරලීම ( කකුලේ මස්පිඩු පෙරලීම ) තදින්ම අත් විදිනවා. රාත්‍රියේදී මේ තත්වය උග්‍ර වේවි.
  • ඔබේ වැඩෙන ගර්භාෂයට ඔබගේ බඩවැල් තෙරපුමට ලක්වෙනවා. ඒනිසා ඒවා මන්දගාමී හා අක්‍රමවත්
    වෙනවා.
  • තුන්වන ත්‍රෛමාසිකයේ දී ඔබේ පියයුරු විශාල වෙනවා. මව්කිරි නිෂ්පාදයේ ආරම්භ සනිටුහන් කරමින්
    කොලස්ට්‍රම් නම් කහ පැහැති ද්‍රවයක් ද පියයුරු වලින් ගලා එන්න පුළුවන්.

මේ කාලයේ අවධානය යොමු කල යුතු දේවල්

  • දිනපතා ව්‍යායාම කරන්න. (වේගයෙන් ඇවිදීමේ, ප්‍රසව යෝගා) ප්‍රමාණවත් තරම් දියර පානය කරන්න.
  • ඔබට කරකැවිල්ලක් ඇතිවුවහොත් ආහාරයට ගැනීමට ප්‍රෝටීන් බහුල සරල ආහාරයක් ඔබේ බෑගයේ තබාගන්න.
  • කැසීම සමනය කිරීම සඳහා කැලමයින් හෝ වෙනත් ඒ සදහා සුදුසු දියරයක් සමේ ආලේප කරන්න.

පිරික්සුම් ලැයිස්තුව

  • සමේ ඇදෙන සලකුණු ගැන කණගාටු වෙන්න එපා. කාන්තාවන්ගෙන් 90% කටම මේ තත්වය ඇතිවෙනවා. ඒවා
    ඔබේ දරුවා සුන්දරව වැඩෙන බවට සලකුණක් නේද?
  • සූදානම් වන්න. දරු ප්‍රසූතියේ සලකුණු ඉගෙන ගන්න. වෝටර් බෑග් එක කැඩීම, කැක්කුම එන කාල පරිච්ඡේද,
    යෝනි මාර්ගයෙන් ලේ ගැලීම, දියරමය මළපහ පිටවීම සහ ඔබේ ගර්භාෂය තුළ තදබල තදවීමක් දැනීම ආදිය දරු
    ප්‍රසූතියේ සලකුණු වේ.
  • ගර්භණිත්වය සමරන්න සාදයක් (Baby Shower ) පවත්වන්න මේ හොද කාලයක්.

මීට පෙර ලිපියෙන් ගර්භණී විසිඅටවන සතිය ගැන කියවුනා. 

මීළඟ ලිපියෙන්, ගර්භණී තිස්වන සතිය

 

Theasianparent හි අනුමැතිය ඇතිව පරිවර්තනය කර ප්‍රකාශිතයි.

 

පරිවර්තනය: නදීශා ලක්මිණි

Written by

Niloufer Perera