ගර්භණී අවදිය හතලිස්එක්වන සතිය: කළලයේ වර්ධන සති සටහන
ගර්භණී අවදිය හතලිස්එක් සතිය: ගර්භණී අවදියේ සතිපතා කළලයේ වර්ධනය තුළින් මව්කුස තුළ පැටියාගේ සුන්දර ගමන ගැන ලිපි පෙලක්.
ගර්භණී සති 41 (pregnancy week 41): ඔබේ දරුවාගේ පැමිණීම ප්‍රමාදද? සංසුන් වෙන්න උත්සාහ කරන්න, අම්මේ. ඉක්මනින් ඔහු පැමිණේවි.
ඔබගේ මනස සංසුන් කර ගැනීමට සැබෑ ප්‍රසුති සංකෝචන සහ බ්‍රැක්ස්ටන් හික්ස් සංකෝචන අතර වෙනස දැන ගන්න.
ගර්භණී සති 41 වන විට පැටියාගේ ප්‍රමාණය කොපමණද?
ගර්භණී සති 41 වන විට පැටියා කොස් ගෙඩියක ප්‍රමාණයක් ගන්නවා
මේ සතිය තුළ ඔබේ දරුගැබේ වර්ධනය
- හෝමෝන හා සම්බන්ධ ඔබේ දරුවාගේ අන්තරාසර්ග පද්ධතිය උපත සඳහා සූදානම් වෙමින් පවතිනවා. (ඔහුගේ උපතේදී, ඔහු නිපදවන ආතති හෝමෝන ප්‍රමාණය ඔහු සිය ජීවිතයේ නිපද වු විශාලතම ආතති හෝමෝන ප්‍රමාණය වේ. බිය වෙන්න එපා. මේ මගින් ඔහුව ගර්භාෂයෙන් පිටත ජිවිතයකට හැඩ ගස්වනු ලබයි.)
- භ්‍රෑණ ක්‍රියාකාරිත්වය අඩුවීම ඔබේ දරුවා සම්පූර්ණයෙන්ම වැඩි ඇති බවට සලකුණකි. මේ සම්පුර්ණ වර්ධනය
නිසා ඔහුට එහා මෙහා යන්න අසිරුයි. - හතලිස්එක් වන සතියේ ගර්භණී ලක්ෂණ හා අපහසුතා
ගර්භණී සති 41 ක් වන විට, ඔබට ස්වභාවික ප්‍රසුතියකට යොමුවෙන්න පුළුවන්. එහිදි අවධානය යොමු කළ යුතු කරුණු:
- ඔබේ ඇම්නියොටික් බෑග් එක කැඩීම (ඔබ කෙගල් ව්‍යායාම කළත් ගලා යාම නතර නොවෙන පැහැදිලි
ද්‍රවයක්, නමුත් මෙය කහ පැහැති මුත්‍රා සමඟ පටලවා ගන්න එපා) - රුධිරය සහිත ශ්ලේෂ්මල පිටවීම
- නිතර ඇතිවෙන සංකෝචනය ( බ්‍රැක්ස්ටන් හික්ස් සංකෝචන සමග පටලවා නොගන්න.).
- ඒ වන තෙක් ඔබට නිතර මුත්‍රා පිටකිරීමට අවශ්‍ය වීම, ශ්‍රෝණි පෙදෙසේ වේදනාව, ඔබේ අලුත උපන් බිළිඳා සඳහා ඔබේ නිවස සූදානම් කර ගැනීමට ඇති අධික ආශාව, රක්තපාත තත්වය හා නිරන්තරයෙන්ම දියර මළ පිටවීම ඇතිවිය හැකිය.
ගර්භණී සති 41 තුළ අවධානය යොමු කල යුතු දේවල්
- නිතර මුත්‍රා පිට කිරීමට අවශ්‍ය වේවි. ඔබේ දරුවාගේ වර්ධනය වීම ඔබේ මුත්‍රාශයට විශාල පීඩනයක් ඇති
කරනවා. - ඔබේ ශරීරයට විවේකයක් ලබා දෙන්න. උණුසුම් ජල තටාකයක, නාන බේසමක විවේක සුවයෙන් ඉන්න. ජලය
ගුරුත්වාකර්ෂණයට ප්‍රතිරෝධයක් දක්වනවා. ඒ නිසා ගර්භනී සමයේ ඔබට වැඩි සුවදායක බවක් ලැබේවි.
පිරික්සුම් ලැයිස්තුව
- සංසුන් වන්න. ඔබ සති 40 පසු කලත් ඔබේ දරු ප්‍රසුතිය ප්‍රමාද බව එයින් කියවෙන්නේ නැහැ. මෙසේ කල් පසු
වන දරු ප්‍රසුතී වලින් 70% ක්ම සිදුවන්නේ පිළිසිඳ ගැනීමේ කාලය වැරදි ලෙස ගණනය කිරීම නිසයි. - ඔබ ඔබේ වෛද්‍යවරයා සමඟ කෘතිමව දරු ප්‍රසුතිය කිරීම ගැන සාකච්ඡා කර නොමැති නම්, දැන්ම එය කරන්න.
- ඔබේ ගැබ්ගෙල දරු ප්‍රසූතියට සූදානම් නොමැති නම්, කෘතිම දරු ප්‍රසුතියට පෙර එය පරිණත කිරීමට ඔබේ
වෛද්‍යවරයා හෝමෝන භාවිතා කරනවා. ආරම්භක සංකෝචන ඇති කිරීමට ඔක්සිටොසින් භාවිතා කරනවා. - හදිසි ඇමතුම් අංක ලගින්ම තබා ගන්න. ඔබේ යෝනි මාර්ගයෙන් නිතර ද්‍රව කාන්දු වීමක් හෝ භ්‍රෑණ චලනය
විශාල ලෙස අඩුවීමක් ඔබට දැනුනොත් වහාම වෛද්‍යවරයාට දන්වන්න.
මීට පෙර ලිපියෙන් ගර්භණී හතලිස්වන සතිය ගැන කියවුනා.
මීළඟ ලිපියෙන්, ගර්භණී හතලිස් දෙවන සතිය
Theasianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණි
