තුන්වෙනි ක්‍රමයේ දුම්පානය ඔබේ දරුවාට තදබල හානියක් සිදු කරයි
ඔබේ වාහනය තුළ ජනෙල් සියල්ල වසා දුම්පානය කරන විටද ඔබ කිසිදා නොසිතු තුන්වෙනි ක්‍රමයේ දුම්පානය ඔබේ දරුවාට හානිකරයි.
මට වැටහෙනවා .
විශේෂයෙන් ඔබ දිගු කලක් තිස්සේ දුම්පානය සිදු කරමින් සිටින විට, දුම් පානය කිරීමට එරෙහි වීමට උනන්දු වීම අපහසුයි.
අනිවාර්යෙන්ම, දරුවා ඉදිරිපිට දුම් පානය නොකිරීමට වගබලා ගන්න. මන්දයත් ඔහු එම දුම නිසා පීඩාවට පත් වේ. නමුත් ඔබ ඔහුගෙන් සැතපුම් ගණනක් දුර සිට වාහනයේ කවුළු වසාගෙන දුම් පානය කලා වුවද, එයට තවමත් ඔහුට බලපෑම් කළ හැකියි.
මෙය තුන්වෙනි ක්‍රමයේ දුම්පානය ලෙස හැඳින්වේ. එය ඉතා අනතුරුදායකයි.
ඔබේ දරුවා තුන්වෙනි ක්‍රමයේ දුම්පානය සදහා නිරාවරණය වන්නේ කෙසේද?
ඔබ දුම් පානය කරන විට අඩු ඔක්සිජන් ප්‍රමාණයක දුම්කොළ දැවෙන නිසා බොහෝ විෂ ද්‍රව්‍ය නිදහස් වේ.
කවුරු හෝ දුම් පානය කරන සැබෑ හේතුව නම් නිකටින් මාත්‍රාවක් ලබා ගැනීමයි. කෙසේවෙතත්, මේ සමග සෞඛ්‍ය සම්පන්න නොවන විෂ ද ඔබට ලැබෙනු ඇත.
ඇමරිකානු පෙනහලු සංගමය පවසන පරිදි, සිගරට් එකක අමුද්‍රව්‍ය 600 ක් පමණ අඩංගු වන අතර එය පිලිස්සමෙන් අවම වශයෙන් රසායනික ද්‍රව්‍ය 7000 ක් ලබා දෙයි.
ඒවායින් 69 ක්ම පිළිකා ඇති කිරීමට හේතු වන අතර. නිකටින්, තාර, කාබන් මොනොක්සයිඩ්, ඇසිටෝන්, ඇමෝනියා, බෙන්සීන් ඒවායින් කීපයක් වේ.
මෙම විෂ වර්ග බොහොමයක් වාතයට වඩා බරෙන් වැඩි බැවින් ඒවා ඔබගේ ඇඳුම් මත තැම්පත් වේ.
ඔබ ඔබේ මෝටර් රථයේ දුම් පානය කරන විට, ඒවා අසුන් මත තැන්පත් වේ.
තුන්වන ක්‍රමයේ දුම්පානය නිසා දරුවන් මත ඇතිවන බලපෑම
ඔබ දැක ඇති සිගරට් පැකට්ටුවක ඇති අනතුරු ඇඟවීමේ ලේබල් කාලයත් සමඟ වෙනස් වෙනවා .
මීට පෙර එහි සදහන් කර තිබුනේ - දුම්පානය නිසා පෙනහළු පිළිකාවක් ඇති විය හැකියි යනුවෙනි. දැන්, ඔවුන් 'ඇතිවිය හැකිය' යන්න ඉවත් කර ඇත. ඒ පෙනහළු පිළිකාවට දුම් පානය සම්බන්ධ බවට සාක්ෂි ලැබී තිබෙන නිසයි. කෙසේ වෙතත්, මෙය දුම්පානය ඔබේ ශරීරයට බලපාන එකම ක්‍රමය නොවේ.
නිකටීන් ශරීරයේ ධමනි හා ශිරා මත ක්‍රියා කරමින් ඒවා හැකිලීමට හේතු වේ. අවසානයේදී ඔබට රුධිර පීඩනය ඇති වේ.
දරුණු අවස්ථාවලදී, අත් හා පාදවල ඇති කුඩා රුධිර නාල වල හැකිලීමක් ඇති වෙමින් වේදනාවක් ඇති වේ. ඔබේ හෘදය, පෙණහලු, පුරස්ථි ග්‍රන්ථිය, වැදගත් ඉන්ද්‍රියයන් කීපයකට එය බලපානවා.
එහෙත් සිගරට් දුම් වල නරකම බලපෑම දරුවන් මත ඇතිවේ. ඔවුන් ඉදිරියේ දුම් පානය කිරීමෙන් ඔවුන්ගේ ජීවිතවල නුදුරු අනාගතයේදී සිගරට් බීමේ අවදානම වැඩි කරයි.
නමුත් අපි මෙහිදී තුන්වෙනි ක්‍රමයේ දුම්පානය ගැන කතා කරමු.
ඔබේ ඇඳුම් පැළඳුම් සහ ඔබේ මෝටර් රථයේ හෝ ඔබේ නිදන කාමරයේ ඇති තැන්පතු ස්පර්ශ වීමෙන් ඒවා ඔබේ දරුවාගේ සිරුරට ඇතුල් වේ.
මෙම විෂ ද්‍රව්‍ය වහාම ඔබේ දරුවාගේ තුල ක්‍රියාකාරිත්වය ආරම්භ කරයි. කලින් සඳහන් කළ අධ්‍යනයයෙහි ප්‍රධාන පර්යේෂකයෙකු වූ ලෝරා රොසෙන් පවසන පරිදි, "පර්යේෂණයකින් පෙන්නුම් කර ඇත්තේ මෝටර් රථයක එක සිගරට් දුමකට නිරාවරණය වී ඇති දරුවන් තුල එම සංඝටක නිරාවරණයෙන් පැය විසිහතරක් තුල වැඩිවේ."
යම් කාලයක් තිස්සේ කුඩා නිරාවරණයක් පවා දරුවාගේ වර්ධනය වන හදවතට හා පෙනහළු වලට ස්ථිර හානියක් සිදු කරයි.
මෙය වළක්වා ගන්නේ කෙසේද?
ඔබේ දරුවන් තුන්වෙනි ක්‍රමයේ දුම්පානය කිරීමෙන් වළක්වා ගැනීම සඳහා දුම්පානය අදම නතර කරන්න.
ඇත්ත වශයෙන්ම මෙය සිදුවීමට ඉඩ නොදිය හැකි එකම මාර්ගය මෙය විය හැකිය.
සිගරට් එකක් ඔබට සැහැල්ලු බවක් ලබා දීමට ඉඩ ඇත. කෙසේවෙතත්, ඒ මගින් ඔබේ ගැටලුව විසඳා ගැනීමට නොහැකි ය.
එමනිසා, එය ඔබේ මානසික ආතතිය අඩු නොකරයි. එය දිගු කාලීනව ඔබගේ රුධිර පීඩනය වැඩි කරයි.
මව්වරුනි , පියවරුනි , ඔබ වෙනුවෙන් නොවේ නම් දුම්පානය නතර කිරීම අඩුම තරමින් ඔබේ දරුවන් වෙනුවෙන් වත් කරන්න.
දුම්පානයෙන් ඈත් වීම ඔබටත් ඔබේ පවුලටත් නිරෝගී සුවය දනවන බවට මේ ආදරණීය මතක් කිරීම theAsianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
