තොටිල්ලට යොදන බම්පර්ස් පුංචි දරුවන්ගේ මරණයට වඩ වඩා හේතුවෙන බව සොයා ගනී.
මෑතකදී කරන ලද පර්යේෂණයකින් පෙනී ගියේ තොටිල්ලට යොදන බම්පර්ස් වැනි හානිදායක නොවන උපාංග වලින් සිදුවෙන අනතුරු වලින් ළදරුවන් වඩා වඩාත් මිය යන බවයි.
තොටිල්ල තුල ළදරුවන්ට ආරක්ෂාව හා සුවපහසුව ලබා දෙන්න තොටිල්ලට යොදන බම්පර්ස් නිර්මාණය කර තිබුනත් ඒවා බොහෝ අනතුරු මතු කරනවා.
අඛණ්ඩව ඉහලට එසවුන ඇතිරිලි ළදරු මරණ වලට හේතු වන බව නව සොයාගැනීමත් සමග තොටිල්ලට යොදන බම්පර්ස් තහනම් කරන ලෙස ඉල්ලීමක් ඇත.
වොෂිංටන් විශ්වවිද්‍යාලයේ වෛද්‍ය විද්‍යාලය විසින් කරන ලද අධ්‍යයනයකින් පෙනී යන්නේ 2006 සිට 2012 දක්වා තොටිල්ලට යොදන බම්පර්ස් ආශ්‍රිත මරණ 23 ක් සිදුවී ඇති බව වාර්තා වෙන බවයි.
"තොටිල්ලට යොදන බම්පර්ස් හේතුවෙන් ළදරුවන් මිය යනවා. අපි මුලින් සිතුවාට වඩා ඒවා භයානකයි," යැයි වොෂිංටන් විශ්වවිද්‍යාලයේ වෛද්‍ය විද්‍යා පීඨයේ මහාචාර්යවරයෙකු වන ආචාර්ය බ්රැඩ්ලි තච් පවසනවා.
තොටිල්ලට යොදන බම්පර්ස් වලින් හුස්ම හිරවීම හා රුධිර ගමනාගමන අවහිර වීම සිදුවිය හැකිය.
නිදා සිටියදී, ළදරුවන්ගේ මුහුණු ඇතිරි වලට තද විය හැකි අතර ඔවුන්ගේ හිස තොටිල්ලට යොදන බම්පර්ස් අතර සිරවිය හැකිය.
බම්පර් පෑඩ් සම්බන්ධ කරන දිගු නූල් හෝ රිබන් ද රුධිර නාල අවහිර වීමේ උවදුරුවලට හේතු විය හැකිය.
කැනේඩියානු ළමයින් සම්බන්ධ සමිතියට අනුව දෙමාපියන් තම ළදරුවන්ගේ තොටිලි තුල සියලුම වර්ග වල මෘදු දේවල් තැබීමෙන් වැළකී සිටිය යුතු ය.
මේ සදහා බම්පර් පෑඩ් පමණක් නොව, පිරවු බ්ලැන්කට්, පිරවූ සතුන් සහ කොට්ටද ඇතුළත් වේ.
මරණය වැළැක්විය හැකිය.
පර්යේෂණයට අනුව, 1985 සිට 2012 දක්වා වාර්තා වූ මරණ සංඛ්‍යාවෙන් 32ක් තොටිල්ලට යොදන බම්පර් භාවිතා නොකළේ නම් වළක්වා ගන්න තිබුනා.
මෙම අනතුරු ඇඟවීම හා සැලසුම් වෙනස් කිරීම් පසුගිය අවුරුදු කිහිපය තුළ ළදරු මරණ වැළැක්වීම සඳහා කිසිම දෙයක් කර නොමැති නිසා මෙම උපකරණ තහනම් කිරීම අවශ්‍ය බව තවදුරටත් තහවුරු කරනවා.
අධ්‍යයනය අනුව, දෙමව්පියන් තොටිල්ලට යොදන පැඩින් සාමාන්‍යයෙන් බහුලව මිලදී ගැනීම සිදුකරයි. ඒ නිසා එහි අනතුරු පිළිබඳව දැනුවත් කිරීම සහ ඒවා සම්පූර්ණයෙන්ම තහනම් කිරීම වැදගත් වේ.
දැනට එක්සත් ජනපදයේ සමහර ප්‍රාන්තවල මේවා විකිණීම තහනම් කර ඇත.
"තොටිල්ලට යොදන බම්පර්ස් තහනම් කිරීමෙන් දරුවාගේ තොටිල්ල තුල මෘදු කිසිවක් නොතැබිය යුතුය යන පණිවුඩය ශක්තිමත් කරනු ඇත," තච් පැවසීය. "තොටිල්ලට යොදන බම්පර්ස් වලින් සිදුවන ළදරු මරණ වැළැක්වීමට එක් ක්‍රමයක් තිබේ. ඒවා සදහටම භාවිතා නොකරන්න."
ආරක්ෂිතම ක්‍රමය වන්නේ තොටිල්ලේ උපාංග අවම කිරීමයි. සවි කර ඇති ඇඳ ඇතිරිලි සහ අනිවාර්යයෙන් සවි කළ හැකි බ්ලැන්කට් තෝරා ගැනීමට සුදුසු ආරක්ෂිත උපාංගයන් වේ.
ඔබේ අදහස් පහතින් සටහන් කරන්න.
ශ්‍රීලංකාව තුල මව්වරුන් අතරද තොටිල්ලට යොදන බම්පර්ස් භාවිතය බහුල වීමේ ප්‍රවණතාවක් ඇති අතර ඒවා භාවිතයේ අවධානම පිළිබඳ දැනුවත් කිරිමේ අරමුණින් the Asianparent Sri Lanka අපි මේ ලිපියේ තොරතුරු ඉදිරිපත් කරන්නෙමු.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී