කිසිම දෙමව්පියෙක් සර්වසම්පුර්ණ නැත.
සමහර අවස්ථාවලදී තම දරුවන්ට වේදනා දිය හැකි වැරදි දෙමාපියන් අතින් සිදු විය හැක.
කෙසේ වෙතත්, දරුවන්ට හානිකර දෙමව්පියන්ගේ හැසිරීම් නිසා දරුවන්ට දිගුකාලීන ගැටළු ඇති කළ හැකි අතර දෙමාපියන් හා දරුවා සමඟ ඇති සම්බන්ධතාවයටද හානි සිදු කල හැකිය.
1.කුඩා අවධියේදී මානසික පීඩනය ඇති කරන දේ ඔවුන්ට පැවසීම
වර්තමානයේ මාධ්‍ය තුල සංවේදිතාවය වර්ධනය වී ඇත. ඔබට සෑම තැනම සිදුවෙමින් පවතින යුද්ධ ගැන හා විවිධ වර්ගයේ මිනිස් ඛේදවාචකයක ගැන දුක්මුසු පුවත් දැකිය හැකිය.
ලෝකයේ යථාර්ථය දරුවන් දැනගත යුතු අතර, ඒසේ දැන ගත යුත්තේ ඇත්ත වශෙයෙන්ම සිදුවන්නේ කුමක්ද යන්න පිළිබඳව ප්‍රමාණවත් අවබෝධයක් ඔවුන්ට ඇති විට පමණි. ඒය ඔවුන්ව බිය ගන්වන්නත්, ලෝකය ආරක්ෂිත ස්ථානයක් නොවන බවට හැගීමක් ඔවුන්ට ඇති කරන්නත් පුළුවනි.
ඔබේ දරුවන් ඉදිරියේ එවැනි සංවාදයන් සිදුකිරීම මඟ හැරීමට උත්සාහ කරන්න. තවද ඔවුන් රූපවාහිනිය, අන්තර්ජාලය සහ මාධ්‍ය වෙත නිරාවරණය වීම අධීක්ෂණය කරන්න. ඒ් මගින් ඍණාත්මක දේවල් වලට ඔවුන් නිරාවරණය වීම වැළැක්විය හැකිය.
2. තමන්ගේ සහකරු හො සහකාරිය සමඟ ගැටුම් ඇති කර ගැනීම
ඔබේ දරුවාට ඔබ හා ඔබේ සහකරු හෝ සහකාරිය සමඟ තර්ක කිරීම නොඇසෙන බව ඔබ සිතනවා වෙන්න පුළුවන්.
හැබැයි දරුවන්ට ඔබට වඩා ඉදිරිය පේන නිසා සිදුවෙමින් තිබෙන දේ පිළිබඳ ඔවුන්ට යම් ආකාරයක අවබොධයක් ඇති වීමට තිබෙන ඉඩකඩ වැඩිය.
ඔබ හා ඔබේ සහකරු හෝ සහකාරිය සමඟ ගැටළුවලට මුහුණදීමට ඇති හොඳම විසඳුම වන්නේ, සන්සුන් වීම හා ඔබේ දරුවන්ගෙන් ඈත්ව ඒය විසදාගැනීමයි.
ඔබට සංසුන්ව වෙනත් තැනකට ගොස් විසදාගත හැකිය. කෑගැසීම හා බැනවැදීම කිසිවෙකුට කිසි යහපතක් සිදු නොකරනු ඇත.
ඔබ ඔබේ සහකරු සමඟ ගැටුම් ඇති කරගන්නවා ඔබේ දරුවා නිතරම දකින විට ඒය සාමාන්‍ය හා පිළිගත් හැසිරීමක් බව ඔවුන් සිතිය හැකිය. ඔවුන් ඔවුන්ගේ පවුල්වල සමග සිටින විට ඒසේ හැසිරිමට ඉඩ ඇත.
3.තමන්ගේ දරුවන් වෙනුවෙන් කාලය වෙන් කර ගැනීමට නොහැකි තරම් වැඩ කටයුතු අධික වීම
වර්තමානයේ දෙමව්පියන්ට සිය පවුල් ජීවිතය හා රැකියාව සමබරව කර ගැනීමට සඳහා බොහෝ දේවල් කිරීමට සිදු වේ.
කෙසේවෙතත්, ඔබේ දරුවන්ට හා ගත කිරීමට කාලයක් නොමැති වීමට වැඩ අධික කම හේතුවක් නොවේ. ඔබේ දරුවන් සමඟ සෑම දිනකම පැය කිහිපයක් ගත කිරීම ඔබගේ වැඩ රාජකාරී සියල්ලටම වඩා වැදගත් වේ.
ඔබේ දරුවන් වැඩි කාලයක් දරුවන් නොවන බවත් ඔවුන්ගේ ජීවිතයේ විවිධ අවධින් මග හැර ගැනීමට ඔබට අවශ්‍ය නොවන බවත් මතක තබා ගන්න.
4. තමන්ගේ දරුවන්ට අපහාස කිරීම
ඔබ කොතරම් කෝපයට පත් වුවත්, ඔබේ දරුවන්ට කවදාවත් අපහාස නොකළ යුතුයි.
ළමයින්ට ඔබ ඔවුන්ට පවසන සෑම වචනයක්ම සිතේ තබා ගන්නා අතර ඔවුන් වර්ධනය වන තෙක් ඔවුන් එය මතක තබා ගනු ඇත.
ඔබ සෑම විටම ඔබේ දරුවන්ට ඔවුන් අසාර්ථක වන බවත්, ඔවුන් නරක අය බවත් පැවසුවොත් ඔවුන් එලෙසම වර්ධනය වේවි.
ඔබ ඔබේ දරුවා විනයානුකූල හසුරවන සෑම අවස්ථාවකදීම සන්සුන්ව කතා කර ඔවුන්ගේ හැසිරීම ගැන බලාපොරොත්තු ඇති කිරීිමට වග බලාගන්න.
සෑම විටම ඔබ ඔබේ දරුවා විනයානුකූලව හසුරවන විට ධනාත්මක විය යුතු වේ. අනාගතයේදී ඔවුන් ඔබට ස්තූතිවන්ත වේවි.
5.තම දරුවන්ට ශාරීරිකව හිරිහැර කිරීම හෝ තුවාල කිරීම
මෙය ඔබ ඔබේ දරුවන්ට කවදාවත් කළ යුතු දෙයක් නොවේ. පහරදෙන විට ඔබ එය පිළිගත හැකි හැසිරීමක් බව ඔවුන්ට උගන්වනවා.
ඔබේ දරුවන්ට පහර දීමෙන් තොරව ඍජුව හැසිරීමෙන් ඔවුන් හික්මවීමට ඔබට පුළුවන්. කරුණාවන්ත, මෘදු, ගෞරවනීය හා ස්ථිරව සිටීම තුල සීමා ගොඩනගන්න.
දරුවන් සිය ක්‍රියාකලාපයේ ප්‍රතිවිපාක සැමවිටම නොදන්නා බව අවබෝධ කර ගන්න. සංසුන්වෙන්න.
දරුවන්ට හානිකර දෙමව්පියන්ගේ හැසිරීම් ගැන ඔබ දැනුවත් වීම වටින බව the Asianparent Sri Lanka අපි හිතනවා.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
