දරුවන්ට කියවීම පුරුදු කරන විට අත්හල යුතු කාරණා 3 ක්

දරුවන්ට කියවීමට පුරුදු කරන විට දෙමාපියන් විසින් නොකළයුතු මේ වැරදී තුන ගැන ඔබත් සිතා බලන්න.

ඔබේ දරුවට කියවීමට ඉගැන්වීම එතරම් පහසු කටයුත්තක් නොවෙන්න පුළුවන්. සමහර විට අපි විසින්ම මේ ක්‍රම තරමක් සංකීර්ණ කරගන්න අවස්ථාවන් තිබෙනවා. දරුවන්ට කියවීමට පුරුදු කරන විට දෙමාපියන් විසින් නොකළයුතු මේ වැරදී තුන ගැන ඔබත් සිතා බලන්න.

දරුවෙකුට කියවීම පුරුදු කිරීම තරමක් කලකිරීමට පත්වෙන නොසන්සුන් කරවන කටයුත්තක්. නමුත් අපි කියන මේ උපායන් වලින් ඔවුන්ගේ බුද්ධි වර්ධනයටත් මග හැදේවි.

1. දරුවාගේ මට්ටමට වඩා වැඩි පොත් ගැනීම

සමහර විට ඔබට උවමනා ඉක්මනට ඔහු ඊළඟ මට්ටමට ගන්නයි. නමුත් කියවන්න සුදානම් වෙන දරුවෙකුට මෙය එතරම් ශුභදායක වෙන්නේ නැහැ. ඉතින් ඔහුගේ වේගය අඩු වීමත් කියවන්නට අපහසු වීමත් ඉන් සිදුවෙනවා. නමුත් ඉන් අවසානයේ වෙන්නේ කියවීම පිළිබඳ ඔහු තුළ ඇති විශ්වාසය කඩතොළු වීමයි.

2. කලකිරීමෙන් හෝ තරහින් ඉන්න විට කියවීම

දරුවා කලකිරීමෙන්, තරහින් ඉන්න විට ඔහුට ඒකග්‍රතාවයක් නැහැ. හිතන්නත් අපහසුයි. නමුත් මෙවැනි අවස්ථාවක දරුවා ඊට තල්ලු කිරීමෙන් ඔබත් දරුවාත් දෙදෙනාම කලකිරීමටත් වෙහෙසටත් පත්වන අතර එය දරුවාට කළ නොහැකි බවට නිගමනය වන්නත් පුළුවන්. ඔබට කළහැක්කේ “ මම දන්නවා දැන් ඔයාට කේන්ති ගිහිල්ලා කියලා. ඒ නිසා අපි මොනවා හරි ඔයා කැමති දෙයක් බීලා ඉමු. ඔයාට කියවන්න කැමති හිතුනහම මට කියන්න”. ඉන් කේන්තියෙන් ඉන්න දරුවාගේ හිත සමනය වෙනවා.

3. ඔබේ දරුවා දැන දැනම කියවීම පැහැර හැරීම

හැමදාම දරුවා සමග කියවීමට පොඩි කාලයක් ගැනීම ඉතා වැදගත්. හුඟක් වෙලාවට බොහෝ වැඩ රාජකාරි නිමවී ගෙදරට එන දෙමාපියන්ට මෙය මගහැරෙන්න පුළුවන්. නමුත් ඔබේ රාජකාරිය අනුව මිනිත්තු 10 ක් වත් ඊට වෙන් කිරීම ඔහුගේ කියවීමේ හැකියාව දියුණු කරන්න රුකුලක් වෙනවා. හුඟක් අමාරුවෙන් කියවීම කරන ළමයින් තුළ වුනත් ඔබට මේ වැනි දෑ දකින්නට ලැබේවි.

හැම දෙමව්පියෙකුම සර්ව සම්පූර්ණ නැහැ වගේම හැමදෙනා අතින්ම වැරදී සිදුවෙන්න පුළුවන්. නමුත් වැදගත් වන්නේ දරුවන් සමග සතුටින් මේ කාලය ගත කරමින් එය දෙදෙනාටම ප්‍රීතිමත් අවස්ථාවක් කරගැනීමයි. ඔබට ඔබ ගැන වැරදී අදහසක් ඇත්නම් එය අප සමග බෙදාගන්න ඔබට සාර්ථක වූ පිළියම් හා ඉඟි ද අපිත් එක්ක බෙදා ගන්න.

දරුවන් සතුටින් තියන්න. ඉන් ඔවුන්ගේ දැනුම වර්ධනය කරන කියවීමේ රසය ඔවුන්ට කියා දෙන්න theAsianparent Sri Lanka මේ කරුණු ඔබට ඉදිරිපත් කළා.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ