ඔබේ දරුවන් සමග ඇති සබඳතාවය ශක්තිමත් කරගන්න ක්‍රම 7 ක්

ඔබේ දරුවන් සමග ඇති සබඳතාවය ශක්තිමත් කරගන්න ක්‍රම 7 ක්

හැම සබඳතාවයක්ම ශක්තිමත් කරගන්න පුළුවන්. ඔබත් මේ කරුණු ගැන සිතා බලන්න.

ඔබ කෙනෙකුට කෙතරම් සමීප වුනත් ඒ සබඳතාවය තවත් ශක්තිමත් කර ගැනීම වටිනවා. දරුවන් හා දෙමාපියන් අතර ඇති සබඳතාවයනුත් ඒ වගෙයි. හුඟක් දෙනෙක් හිතන්නේ දරුවන්ට ළඟාවිය හැකි ක්‍රම දෙකක් ගැනයි. ඒ එක්කෝ අචාරශීලිත්වය උගන්වමින්, නැතිනම් යාළුවෙකු ලෙසින් වෙන්න පුළුවන්. Parenting and Working Mother හි කතෘ කත්‍රිනා ලී පවසන ආකාරයට දරුවන් සමඟ සබඳතාවය, මේ අසමසම බැඳීම තර කරගන්න අපට කළහැකි විවිධ ක්‍රම තියෙනවා.

ඇගේ අත්දැකීම් හා ක්ෂේත්‍රයේ අත්දැකීම් මත එක් එක් පවුල් සමග ඇති බැඳීම වෙන වෙනම වෙන් කරගන්න අමාරු බව ඇය පවසනවා. නමුත් දෙමාපියන් ලෙස විවිධ ක්‍රියාකාරකම් තුළින් බැඳීම් වැඩිකරගන්න පුළුවන් බව ඇය කියනවා.

දරුවන් සමඟ සබඳතාවය

1. එකට ආහාර ගැනීම

පවුලේ අය දරුවන් සමග එකට ආහාර ගැනීම මගින් දරුවන්ගේ වර්ධනය හා ආහාර ගැනීමේ හොඳ පුරුදු හා ධනාත්මක පුරුදු ඇතිවන බව ලී පවසනවා. ඒ මගින් ශක්තිමත් කායික මානසික හා සමාජීය හැකියාවන් වැඩි දියුණු වන අතර අධ්‍යාපනික වශයෙන් දක්ෂතා දක්වනවා.

හැම දිනයකම පවුලේ අයට එකට සිට ආහාර ගැනීම තරමක් අපහසු වෙන්න පුළුවන්. විශේෂයෙන් වර්තමානයේ තිබෙන විවිධ කටයුතු නිසා පවුලේ අයට එකට කෑම ගැනීම දුෂ්කර වෙන්න පුළුවන්. නමුත් සතියකට කිහිප වතාවක්වත් ඊට වෙන්කර ගැනීමෙන් ඔබටත් දරුවන්ටත් එකට හමුවීමට අවස්ථාවක් වෙන්කර ගන්න පුළුවන්.

2. සන්නිවේදනය

ඉතා පුංචි වචන හුවමාරුවක් පවා හොඳ සබඳතාවයකට පාර කපන බව ලී පවසනවා. උදාහරණයක් ලෙස දරුවන්ගේ දවස ගෙවුන හැටි හොඳ නරක ගැන ඔවුන් සමග කතා කිරීම හරිම වැදගත් බව ලී පවසනවා. ඒ වගේම ඔබගේ දවස තුළ සිදුවූ සිදුවීමක් දරුවන් සමග බෙදාගැනීමත් ඉතා වැදගත් වන්නේ ඉන් ඔබට ඔවුන්ට ඉතා වැදගත් සැලකිය යුතු වටිනාකමක් ඇති අයෙකු ලෙස සිතන බව දැනීම නිසා ඔබත් දරුවාත් අතර ඇති බැඳීම වැඩිවන නිසයි.

3. එකට සෙල්ලම් කරන්න

දරුවන් සමඟ සබඳතාවය

දරුවන් සමඟ සබඳතාවය

දරුවන් සමග හොඳ සබඳතාවයක් ගොඩනගා ගැනීමට හැකි හොඳම ක්‍රමය ලෙස ලී සිතන්නේ ඔවුන් සමග විනෝදයෙන් සෙල්ලම් කිරීමයි. එළිමහනට ගොස් බයිසිකල් පැදීම, බෝල ගැසීම වගේම පවුලේ හැමෝටම එකට සිට ක්‍රිඩා කළහැකි ක්‍රීඩාවක් තෝරා ගැනීම සාමුහිකත්වයේ සතුට, ජය පරාජය විඳගැනීම ආදිය ගැන ඔබට කියාදෙන්න පුළුවන්.

4. සුරතල් කරන්න

සුරතල් කරන්න, සිපගන්න, වැළඳගන්න ඔබ මේ කැමති දෙයකින් හඳුන්වන්න පුළුවන්. හැකි හැමවිටම ඔබ පුංචි දරුවන් සුරතල් කරන්න. එය ඉතා ශක්තිමත් වගේම ඔවුන්ට ආරක්ෂාව දනවන හැඟීමක්. ඒ වගේම ඉස්සර දරුවන් නිතර ලෙඩ වීම අඩුකරන බවත් වර්තමාන පර්යේෂණ මගින් සොයා ගෙන තියෙනවා.

5. ගරු කරන්න

සැබවින්ම ඔබේ දරුවන් ඔබ ඉදිරියේ ඔබට ගරු කිරීම දකින්න ඔබ කැමති වගේම ඔබ ඔබේ දරුවාටත් ගරු කරන්න. ලී පවසන්නේ දෙමාපියන් විසින් තම දරුවන්ට ගරු කිරීමත් වැදගත් ආචාරශීලිත්වය කියාදෙන උපක්‍රමයක් බවයි. දරුවා නොකළයුතු දෙයක් කළත් ඒ ගැන නිවුණු ස්වරයෙන් කතා කරන්න උත්සාහ කරන්න. නිතර ස්තූතියි, සමාවෙන්න යන වචන භාවිතා කරන්න.

ඔබ ඔවුන්ට කියාදෙන දේ ඔවුන් ඉදිරියේ පෙන්වන්න. එහි ප්‍රතිඵලයක් ලෙස අවබෝධය මත ඔබේ බැඳීම් ශක්තිමත් වෙනවා.

6. උදවුවක් ඉල්ලන්න

දරුවන් සමඟ සබඳතාවය

හුඟක් වෙලාවට දරුවන් දෙමාපියන්ගෙන් උදවුවක් ඉල්ලූ විට කරන්න එතරම් උනන්දුවක් නැහැ. කොහොම වුනත් ලී පවසන ආකාරයට ඔවුන් විසින් ඉටුකළයුතු වගකීම් කිහිපයක් ඔවුන්ට ලබාදීම තුළින් ඔවුන් තුළ ආත්ම විශ්වාසය හා ඔවුන් ඔබට වැදගත් යන හැඟීම ඇතිවෙනවා.

කොයි වෙලාවක හරි දරුවන් ඔබට උදවුවක් කළහොත් එය ඇගයීම හුඟක් වටිනවා. ඔවුන් ඉතා හොඳ දෙයක් කළ බවත් ඔබ එය ඉහළින් අගයන බවත් ඔවුන්ට හඟවන්න.

මේ මගින් ඔවුන් නිතර ඔබට උදවු කරන්න පෙළඹෙනවා. සැබෑ බැඳීමක් තුළින් එම විශ්වාසය ගොඩ නැගෙනවා.

7. ආදරය හැමදාම පෙන්වන්න

හැමදාකම ආදරය පෙන්වීම “මම ඔයාට ආදරෙයි” කියනවා වගේම සති අන්තයේ ඔවුන්ව නිවාඩුවකට විශේෂ තැනකට රැගෙන යන්න. ඔවුන්ගේ කෑම පෙට්ටි වල ආදරණීය වැකියක් යවන්න උත්සාහ කරන්න. ඔබ ඔවුන්ට ආදරය කරන බවත් ඔවුන් ඔබේ ජිවිතයට කෙතරම් වැදගත් දැයි ඔවුන්ට හැඟීම නිසාත් ඔබේ බැඳීම් තව තවත් ශක්තිමත් වෙනවා.

දරුවන් හැමදාම එකලෙස පවුල සමග බැඳීමෙන් සිටීම දෙමාපියන්ට අනගි සතුටක්. ඒ අනගි සතුට වැටහෙන ඔබේ හොඳම මිතුරිය theAsianparent Sri Lanka මේ කරුණු ගෙන ආවා.

 

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ 

 

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.

Any views or opinions expressed in this article are personal and belong solely to the author; and do not represent those of theAsianparent or its clients.
කතන්දර ලිපි