සතියකට වරක් මේ ආහාරය ගැනීමෙන් දරුවා බුද්ධිමත් වේ

දරුවාගේ මොළය වර්ධනය කරන මේ අරුම පුදුම ආහාරය අඩුම තරමින් සතියකට වරක් දරුවන්ට ලබා දුන්නොත්  ඔවුන් බුද්ධිමත් වන අතර හොද නින්දක් ලැබෙන  බව අධ්‍යයනයක් පෙන්වා දෙයි.

ඔබ සතිපතා ගේදොර  බඩු ලැයිස්තුව සකස් කිරීමට සූදානම් වන විට ඔබට මස් මිලදී ගැනීම අඩු කර දරුවාගේ මොළය වර්ධනය වැඩි කරන මෙම අරුම පුදුම  ආහාරය වැඩි වශයෙන් මිලදී ගැනීමට අවශ්‍ය වනු ඇත.

Scientific Reports සඟරාවේ ප්‍රකාශයට පත් වුන නව අධ්‍යයනයකින් කියවෙන්නේ  සතියකට වරක්වත් මාළු අනුභව කරන ළමයින්ට ඉහළ බුද්ධියක් ඇති බවයි.

දරුවාගේ මොළය වර්ධනය ට මාළු දෙන්න!

චීනයේ දරුවන් 500 කට අධික සංඛ්‍යාවක් නිරීක්ෂණය කර පර්යේෂකයන් පෙන්වා දුන්නේ මාළු ආහාරයට ගැනීමෙන් දරුවන්ගේ බුද්ධිය වැඩි වෙනවා පමණක් නොව, ඔවුන්ට සුව නින්දක් ලැබීමට උපකාරී වන බවයි.

දරුවන්ගේ දෙමාපියන් සමඟ සම්මුඛ සාකච්ඡා පදනම් කරගෙන වයස අවුරුදු 9 ත් 11 ත්  අතර වයසේ ළමයින්ගේ නින්ද පිලිබඳ ගැටළු අඩු වුයේ කෙසේද යන්න ඔවුන් සටහන් කර ගන්නා ලදී.

මෙම දරුවන්ට වයස අවුරුදු 12 වන විට විට IQ ලකුණු ඉහළ මට්ටමක් ලබා ගන්නා ලදී . සෑමවිටම මාළු ආහාරයට ගත් බව පැවසුවන් සමහර විට මාළු  ආහාරයට ගත් බව කියන්නන්ට වඩා 4.8 වඩා වැඩියෙන් ලකුණු ප්‍රමාණයක් ලබා ගන්නා ලදී.

මාළු දිගු කලක් තිස්සේ මොළය වර්ධනය කරන ආහාරයක් ලෙස ප්‍රකට අතර  මෙම අධ්‍යයනය තවදුරටත් මෙම ප්‍රකාශය සවිමත් කර  තිබේ.

කෙසේ වෙතත්,  ළමයාගේ බුද්ධිය  සදහා අනෙක් සාධක සැලකීමේදී එය එතරම් වැදගත් නැහැ . මේ සඳහා දරුවන් රැකබලා ගැනීමේ රටාව, නිවසේ පරිසරය, පාසැල් ක්‍රියාකාරකම්  සහ සමස්ත ආහාර වේල ඇතුළත් වේ.

මාළු ආහාරයට ගැනීමෙන් මොළයේ ප්‍රතිලාභ වැඩිදියුණු කිරීම ගැන  වැඩිදුර පර්යේෂණ අවශ්‍ය  වුවද, මව්වරුන්ට  සහ පියවරුන්ට  සිය දරුවාගේ බුද්ධිය වැඩිදියුණු කිරීමට බලය ඇති බව දැනගැනීමත් දිරිගන්වනවා.

දරුවාගේ මොළය වර්ධනය සදහා ආහාර: දෙමාපියන් සඳහා මාර්ගෝපදේශ

මාළු ප්‍රෝටීන් හා "සෞඛ්ය සම්පන්න" මේද සහිත ආහාරයකි.

කුඩා දරුවන්ට මාළු තෝරා ගැනීමේදී, මෙයත්  මතක තබා ගන්න. සමහර  මාළු වල ඔමෙගා 3 ඉහළ මට්ටමක තිබුනා වුනත්, අනෙක් මාළු වල අධි රසදිය අන්තර්ගත විය හැකිය. ඒ මගින් කුඩා දරුවන්ගේ මොළයට හා ස්නායු වලට හානි සිදු විය හැකිය.

අධික රසදිය අඩංගු මාළු වර්ග ලබාදීම පිලිබඳ  එක්සත් ජනපද ආහාර හා ඖෂධ පරිපාලනය (FDA) අනතුරු අඟවයි.

දරුවාගේ මොළය වර්ධනය  කරන ආහාරයේ ආහාර වට්ටෝරු

ඔබේ දරුවාට වයස මාස හයක පමණ වන විට, ඔවුන්ට ඝන ආහාර හදුන්වා දිය හැකිය.

එයට පොඩි කර ගත් මාළු ඇතුලත් කරන්න.  එහෙත්, ඔබ මුලින්ම සමහර මාළු ඔවුන්ට අසාත්මිකතාවයක් නොමැති බවට වග බලා ගන්න.

ඒ වගේම සිර වීමට ඉඩ ඇති බැවින් මාළුන්ගේ ඇටකටු පරිස්සමෙන් පරික්ෂා කරන්න.

ඔබට මාළු රසවත්ව හැදිය හැකි ක්‍රම

කිරි මාළු

මාළු ඇඹුල් තියල්

මාළු ඩෙවල්

මාළු බැදලා

මාළු කට්ලට්

මාළු රෝල්ස්

මාළු සැන්විච්

ඔබත් දන්නා මාළු ආහාර වට්ටෝරු තිබේ නම් පහලින් සටහනක් යොදන්න.

මොළය වඩන මේ ආහාර ගැන තොරතුරු ඔබ වෙත ගෙන එන්නේ the Asianparent Sri Lanka විසිනි.

කියවන්න: මේ කෑම වර්ග ඔබේ දරුවාගේ මොළය දුර්වල කරයි

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණී