දරුවාට උගත් කම පමණක් දීම, ඔහුගේ හෝ ඇයගේ අනාගතය අසාර්ථක කරයි!

lead image

දෙමාපියන් හා දූ දරුවන් තම මුදල්, කාලය හා ශ්‍රමය වැඩිපුරම වය කරන්නේ ඉගෙනීමටයි. දරුවකු උගත් වූ පමණින් සාර්ථකත්වය ලබාගත හැකිද? ඔබ දන්නා උගත් කමින් පමණක් සාර්ථක වූ අය කවුද?

දරුවකු උගතෙක් කිරීමට තරම් දෙමාපියන් මහන්සි වන තරමක් අන් දෙයක් දැක නැති තරම්. පාසල් යාම, පන්ති යාම, ගෙදර වැඩ කිරීම ආදී ඉගෙනීමේ කටයුතු වලට නූතන සමාජයේ දරුවකුගේ කාලයෙන් වැඩිපුරම ප්‍රමාණයක් වෙන් වන අතර දෙමාපිය ආදායමෙන් වැඩිම ප්‍රතිශතයක්ද සාමාන්‍යයෙන් දවන්ගේ අධ්‍යාපනය කෙරෙහි වැය වනවා.

මෙපමණක් දරුවකුගේ අධ්‍යාපනය වෙත පමණක් වැය කරන මෙම ලිපිය කියවන බහුතරයක් මෙම ලිපියේ මාතෘකාව කියවූ සැනින් කුපිත වන්නටද ඉඩ කඩ ඇත්තේ ඒ නිසයි. ක්ෂණික නිගමන වලට ඒමට මත්තෙන් ලිපිය කියවීමට ඔබට ආරාධනා කරන අතර මිට එකඟ වීම හෝ නොවීම ලිපිය කියවා අවසානයේ ඔබට භාර කරමි.

මහත් වගකීමෙන් මෙම ලිපියේ මාතෘකාව ලිවූ අතර මිට හේතු පාදක දීමට මත්තෙන් උගත් කම සහ සාර්ථකත්වය මොනවාදැයි අර්ථකථනය කිරීම වඩාත් යෝග්‍ය යැයි සිතමි.

උගත් කම යනු කුමක්ද?

උගත් කම යනු යම් විෂයක් හෝ විෂය පද්ධතියක් හෝ විෂයන් කිහිපයක් හෝ පිලිබඳ කෙනෙකුගේ දැනුම මනින මිනුම් දණ්ඩකි. පාසැල් ශේණි, සීමා විභාගයන්, උපාධි හා පශ්චාත් උපාධි ආදිය නිසි ලෙස හැදෑරීමෙන් සහ අදාළ විභාග උසස් ලෙස සමත් වීමෙන්, කෙනෙකු උගත් කමේ හිනිපෙත්තට නගිනු ඇත.

සාර්ථකත්වය යනු කුමක්ද?

මෙහි අර්ථකථනය පුද්ගලයාගෙන් පුද්ගලයාට වෙනස් වන්නේ එක් එක්කෙනාගේ සාර්ථකත්වය ඒ ඒ කෙනාගේ ඉලක්ක, බලාපොරොත්තු සහ අපේක්ෂා මත රැඳී ඇති නිසාය.

නමුත් සමාජමය මිනුම් දණ්ඩක් සේ ගැනීමේදී සා සමාජීය විද්යාඥයින් පෙන්වා දෙන පරිදි සාර්ථකත්වය යනු මිනිස් ජිවිතයේ සමාජීය මාන කිහිපයක් සමබරව පවත්වාගෙන යාමේ හැකියාවයි. 

ජීවිතයේ රෝදයේ මූලික මාන ලෙස දක්වන්නේ;

  1. වෘත්තීය
  2. පවුල් සබඳතා (නෑදෑ හිතමිතුරන්)
  3. පවුල හා සහකරු සමඟ සබඳතාව
  4. ආර්ථික මට්ටම
  5. ආත්මික/ආගමික සමබරතාව
  6. සමාජීය සබඳතා
  7. සෞඛ්‍යය
  8. පුද්ගලික දියුණුව
  9. නිර්මාණශිලිත්වය
  10. ක්‍රියාශීලි බව
Wheel of Life

ජිවිතයේ රෝදය

මෙය ජිවිතයේ රෝදය නොහොත් Wheel of Life යනුවෙන් හැඳින්වෙන අතර මෙය සමබරව පවත්වාගෙන යාමෙන් ජිවිතයේ සැබෑ සතුට අත්විඳින්නට හැකි වන බව තීව්ර කරගෙන තිබෙනවා. මෙම ජිවිතයේ රෝදය පිලිබඳ වැඩි විස්තර මෙතනින් දැනගන්නට පුළුවන්.

කෙසේ නමුත් දරුවා උගතෙකු බවට පත් කිරීමට දරුවාගේ ජිවිතයෙන් සහ ළමා කාලයෙන් මෙන්ම දෙමාපියන්ගේද කාලය, ශ්‍රමය හා මුදල්ද 90%ක් පමණ යට කිරීමෙන්  දෙමාපියන් ඉහත ජිවිතයේ රෝදයෙන් පෝෂණය කරන්නේ වෘත්තීය මානයට අයත් පරාසය පමණයි. මෙය දරුවාගේ අනාගතය විශාල අවධානයකට ලක් කරන්නේ අනෙක් මාන ප්‍රගුණ  කිරීමට වය කර ඇත්තේ 10%ක කාලය හා ශ්‍රමය පමණක් බැවින් එම මාන ඉතා පහල මට්ටමක පවතිනවා.

මෙම තත්වය දරුවා වැඩිහිටියෙක් වූ පසු ඔහුව හෝ ඇයව මහත් ආතතියකට ලක් කරනවා. මෙය ඔබ සිතනවාට වඩා මහත් බැරෑරුම් තත්වයක්. දරුවාට අනෙක් මාන වල වැදගත් කම කියා දීමට මෙය ප්‍රමාද වැඩිව ඇති හෙයින්, කෙතරම් උගත් වුවද, දරුවන්ට සමාජයට සාර්ථකව මුහුණ දීමේ හැකියාව හීන වනවා. මෑත කාලයේ බොහෝ උගත් යවුවන යවුවනියන් විසින් දිවි හානි කරගැනීම මෙම තත්වය පසක් කිරීමට දායක වන කදිම නිදසුනක්.

මෙහි බැරෑරුම් කම තේරුම් ගැනීමේ වගකීම දෙමාපියන්ගේ පරම යුතුකමක්. මෙය සාර්ථකව කරගෙන යා හැකි අකර පිලිබඳ වැඩමුළු ග්‍රේට් ඉම්ප්‍රෙෂන්ස්  ආයතනය හරහා ලබාගන්නට පුළුවන්.

දරුවන් ජිවිත රෝදයට අනුව සියලු අංග වලින් සමබර සාර්ථක පුද්ගලයෙකු කරගන්න අකාරය ගැන වැඩි විස්තර අප ඉදිරියේදී කතා කරන්නට බලාපොරොත්තු වනවා.