ස්නායු වෛද්‍යවරුන් සිතන ආකාරයට ඔබ දරුවාට කියවන ආකාරය වැරදි වෙන්න පුළුවන්

lead image

එහෙනම් දරුවන්ට හරියට කියවන්නේ කොහොමද? මේ ලිපිය කියවා ඒ ගැන දැනගන්න.

දෙමාපියන්ට ඕනේ දරුවන් සාර්ථක වෙනවා දකින්නයි. දරුවන් හැම අතින්ම සුදානම් කරන්න ඔවුන් කැමතියි.

ඒ වෙනුවෙන් පෝෂණීය ආහාර, අධ්‍යාපනික වටිනාකම් ඇති සෙල්ලම් බඩු, හොඳ පෙර පාසල්, හොඳ වටපිටාවක් වැනි හුඟක් දේවල් තෝරා දෙනවා.

දරුවන්ගේ බුද්ධිය වර්ධනයට දෙමාපියන් කියවීමේ වැදගත්කම නිසා ඔවුන් එයට යොමුකරනවා. දරුවන් කෙතරම් කුඩා වුනත් ඔවුන්ට පොත්පත් කියවීම මගින් හොඳ දැනුමක් හා වාග් මාලාවේ දියුණුවක් ලැබෙනවා.

හුඟක් වෙලාවට නින්දට පෙර කියවීම හුඟක් ජනප්‍රියයි. මේ පුරුද්ද දෙමාපියන් හා දරුවන් අතර බැඳීම් වැඩි කරන අතර කියවීමට ඔවුන් කැමැත්තක් දක්වනවා.

නමුත් මේ කාලේ ඔබ දරුවන්ට හරි ආකාරයට කියවීම පුරුදු කළාද?

ස්නායු වෛද්‍යවරුන් කියන්නේ බොහෝ විට කියවීමේදී අනුගමනය කළ යුතු වැදගත් ක්‍රම හුඟක් වෙලාවට ගිලිහී යන බවයි. නමුත් නිසි ලෙස කියවීම පුරුදු වීමෙන් දරුවන්ට ඉන් වැඩි ප්‍රයෝජනයක් ලබාගන්න පුළුවන්.

ඉතින් මේ උපාය කුමක්ද?

දරුවන්ට කියවීම වැදගත් බව අපි කවුරුත් දන්නවා. ඒත් ස්නායු විශේෂඥ එරින් ක්ලැබෝ පවසන ආකාරයට හුඟක් දෙමාපියන් නොදැනුවත්ව කියවීමේදී සිදුවිය යුතු මූලික කරුණු සම්පූර්ණ කරන්නේ නැති බව පැවසෙනවා. ක්ලැබෝ පවසන ආකාරයට දරුවන්ට පොත කියවන අතරතුර ඒ තුළ ජීවත් වීමට ඔවුන්ව නැඹුරු කළයුතු බව පවසනවා.

“අද මනෝවිද්‍යාව” ට අදහස් දක්වමින්  ක්ලැබෝ පවසන්නේ දරුවන්ව නින්දට යැවීම සඳහා බොහෝ දුරට කියවීම පුරුද්දක් බවට පත්වී ඇති බවයි.

නැතිනම් පාසලේ පැවරුණ කාර්යයක් වෙනුවෙන් එය ඉටු කරනවා වෙන්නට පුළුවන් බව පැවසෙනවා. නමුත් මෙලෙස සිදුකිරීම දරුවන්ව රූපවාහිනියක් ඉදිරියේ තැබීමට බොහෝ දුරට සමානකම් දක්වන බව පැවසෙනවා.

අපි කියවන විට කතාවේ ඇතුළාන්තයට කිමිදෙමින් එය ගැන කුතුහලයෙන් පසුවෙනවා. ඇත්තටම අපි මවාගන්නා සීමාව තුළ අපි විවිධ චිත්තරූප මවාගන්නවා.

ඉතින් අපි ඔවුන්ට කියන ආකාරය අනුව ඔවුන්ගේ ඥානය, චිත්තරූප මවාගැනීම, නිර්මාණශීලිත්වය වැනි දේවල් වර්ධනය වෙමින් අනාගතයට යන්නට අඩිතාලමක් සපයනවා.

ඔබ එය කළ යුත්තේ කෙසේද?

පර්යේෂණ වලට අනුව, කියවන පුද්ගලයා අනෙක් අයගේ සිතුවිලි හා අඩුපාඩුකම් ගැන අවබෝධයෙන් සිටීම වැදගත් වෙනවා. නමුත් මෙවැනි කියවීම් වලදී දරුවන්ට බැරෑරුම් කරුණු ඔවුන් කැමති වන ආකාරයට කියවීම වැදගත්. එවැනි උපායන් මොනවද?

  • සිත්ගන්නා ආකාරයටත් චමත්කාර ජනක ලෙස කතාව ඉදිරිපත් කිරීම. විශේෂයෙන් මුහුණේ ඉරියව් මගින් කතාවේ අදහස් සම්ප්‍රේෂණය කරන්න පුළුවන්.
  • කතාව අතර මැදදී දරුවන්ට බාධා කිරීම් කිරීමට අවස්ථාව දිය යුතු වෙනවා. ඉන් ඔවුන්ට ඔවුන් තුළ මවා ගන්නා චරිත වලට පණදෙන්න හැකියාව ලැබෙනවා.
  • චරිත තුළින් ලබාගන්නා විසඳුම් හා ඊට පෙර ඔවුන් විසින් ලබා ගැනීමට කළ හැකි දේවල් විමසීම කරන්න පුළුවන්.

ඔබ එකම කතාව වාර ගණනාවක් කියවීම කළත් මේ උපක්‍රම මගින් ඔවුන් අත්විඳින අත්දැකීම වෙනස් විය හැකියි. ගැටළු විසඳීමට ඔවුන්ගේම අදහස් යොදාගන්න . ක්ලැබෝ පවසන ආකාරයට මේ මගින් දරුවන්ට තීරණ ගැනීමට පුහුණුවක් ලැබෙනවා. ඉන් දරුවන්ගේ ස්නායු පද්ධතිය හා දැනීම පිළිබඳ වර්ධනය දැකිය හැකි වෙනවා.

අවසානයේ දරුවා හොඳ පොත් කියවන්නෙක් වනවා පමණක් නොව බුද්ධියෙන් හා තර්කානුකූලව සිතිය හැකි අයෙකු කරවනවා. ඇය කියන්නේ මෙවැනි අය පසු කාලයේ හොඳ ගත්කතුවරුන්, පරිපාලකයන්, ගැටළු විසඳන්නන් වගේම හොඳම මිතුරන් බවටත් පත්වන බවයි.

ඒ නිසා අද සිට ඔබ ඔබේ දරුවාට කියවීම් කරන ආකාරය ගැන සිතන්න. එය දරුවන්ගේ ජීවිත වල සැබෑ වෙනසක් ඇතිකරන්නට සමත්කම් දක්වනු ඇතියි.