ඝන ආහාර වලට ඔබේ දරුවා හුරු කරන්න ඉතා වටිනා ඉඟි 6 ක්

ඝන ආහාර වලට ඔබේ දරුවා හුරු කරන්න ඉතා වටිනා ඉඟි 6 ක්

අම්මලගේ හිත පිරෙන්නෙ බබාගේ කුස පිරුණමයි. ඉතින් ඔබේ හිත ගැහෙන හඬ අපි හොඳින් දන්නා නිසයි මේ ලිපිය සකස් කළේ.

කිරි බොමින් හිටපු දරුවාව ඝන ආහාර වලට හුරු කරන එක හුඟක් අම්මලට හිතන තරම් පහසු නැහැ. ඒත් මේ කරුණු ගැන සිතා බලන්න.

සරල කරගන්න

මුලින්ම බබාට දෙන කෑම එක් වර්ගයක් සීනි හා ලුණු නැතිව ආරම්භ කරන්න. මුලින්ම බතල හෝ පොඩි කරගත් ගස්ලබු, කෙසෙල් වැනි දෙයක් දෙන්න පුළුවන්.

වැදගත් පෝෂණ අංග ගැන අවධානය යොමු කරන්න

විවිධ වර්ගයේ පොඩි කරගත් කෑම දීමම ප්‍රමාණවත් නැහැ. ඔවුන්ගේ වර්ධනයට ඒ මගින් වැදගත් පෝෂ්‍ය පදාර්ථ ලැබෙනවාදැයි බලන්න. යකඩ හා සින්ක් දරුවාගේ වර්ධනයට අවශ්‍ය වැදගත් ඛණිජ ලවන දෙකක්. මේවා මස් ( පොඩි කරගත් ) සීරියල් වැනි දේවල් වල අඩංගු වෙනවා. ඝන ආහාර සමග මව් කිරි හෝ පිටි කිරි දීම කරගෙන යායුතු වෙනවා. එමගින් දරුවාට අවශ්‍ය හුඟක් පෝෂණය ලැබෙන බව විශ්වාසයි.

දරුවාට අවශ්‍ය දේ අවබෝධ කරගන්න

දරුවාගෙන් දරුවාට කැමැත්ත වෙනස්. එක් දරුවෙක් කැමති කෑම වර්ගයට අනෙක් කෙනා කැමති නොවෙන්න පුළුවන්. දරුවා පොඩි කරපු අල කන්න කැමති නැත්නම් වෙනත් දෙයක් දෙන්න උත්සාහ කරන්න. ඒගොල්ලෝ ආස නැති කෑමක් දෙන්න බල කරන්න එපා. බලෙන් අකමැති කෑම දීමම ඔවුන් වැඩිහිටියන් වු පසුත් ඒ කෑම වලට අකමැති වීමට බොහෝ ඉඩ තිබෙනවා. දරුවා පෙයාස් කන්න කැමති නැත්නම් ටික කාලයකට එය නවතා වෙනත් කෑම හඳුන්වා දෙන්න. නැවත කාලයකට පසු පෙයාස් දීලා බලන්න.

පලතුරු හා එළවළු කලවම් කර දෙන්න

පලතුරුත් එළවළුත් දෙකම කෑමට ගැනීම වැදගත් නිසා දෙකම එකට දෙන්න පුළුවන්. පුංචි කාලේම ඊට පුරුදු වීමෙන් ඔවුන් හොඳම එළවළු පලතුරු කන්න කැමති වෙනවා.

බිස්කට්, ක්‍රැකර්, චොක්ලට් වැනි දේවල් හැකි තරම් ඔවුන්ගෙන් ඈත් කර තබන්න

ඒ වෙනුවට නැවුම් කැරට් පෙති හෝ පලතුරු තීරු දරුවාට දෙන්න. මේවා සුදානම් කිරීම තරමක් අපහසු වුවත් ඉන් දරුවාට නිසි පෝෂණය වගේම වැඩිහිටියෙකු වූ විට එළවළු පලතුරු කන්න ආසා කරවී.

වේල් අනුව මිශ්‍ර කරන්න

දරුවා කෑම වලට හා රසයට ටිකෙන් ටික පුරුදු වූ විට පලතුරු උදේ කෑමටත්, කැබලි කළ මස්, එළවළු හා බත් දවල්ටත්, කිරි හා එළවළු රාත්‍රියටත් දෙන්න පුළුවන්.

දරුවා විවිධ රසයන්ට හා ඝනත්වයන්ට හුරු කිරීම වැදගත්. දවස මැද කෑමක් ලෙස තරමක් සිහින් කැබලි වලට කපා කැරට් වැනි දෙයක් කන්න දෙන්න. මෙය පලතුරු වලිනුත් කරන්න පුළුවන්. ඒ වගේම හුඟක් දරුවන් ඇඹුල් රසට කැමති නිසා දොඩම්, නාරං වැනි පලතුරු දීමෙන් විවිධ රසයන්ට හුරු කරන්න පුළුවන්.

මව් කිරි දීම නවත්වන්න එපා

ඔබේ දරුවාට ඝන ආහාර දීම ආරම්භ කළත් ඒ සමග මව් කිරි ලබාදීමත් වෛද්‍යවරුන් අනුමත කරනවා. මව් කිරි වලට සම කළහැකි වෙනත් ආහාරයක් නැහැ. ඒ මගින් දරුවාට අවශ්‍ය සියලු පෝෂක කොටස් ලබාදෙනවා වගේම දරුවාගේ ප්‍රතිශක්තිකරණ පද්ධතිය ශක්තිමත් කරනවා.

හැමදේම තෝරන බබාලටත් මව් කිරි හුඟක් වටිනවා. ඉන් ඔවුන්ට නොලැබෙන පෝෂණය මව් කිරි වලින් ලැබෙනවා.

අම්මලගේ හිත පිරෙන්නෙ බබාගේ කුස පිරුණමයි. ඉතින් ඔබේ හිත ගැහෙන හඬ ඔබේ හොඳම මිතුරිය theAsianparent Sri Lanka හොඳින් දන්නා නිසයි මේ ලිපිය සකස් කළේ.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ