දින දහයක් වයසැති බිලිඳා මහමග දමා විශ්ව විද්‍යාලයට යන්නට ගිය සිසුවිය
අඥානවන්ත ක්‍රියා රැසක්ම පිටුපස රටේ උගත්ම පිරිස් නොහොත් උපාධිධාරීන් සිටීම ඉමහත් කණගාටුවට කාරණාවක් පමණක් නොව රටේ අධ්‍යාපන ක්‍රමය ගැනද ඇති කරන්නේ විශාල ප්‍රශ්නාර්ථයක්. නමුත් දරුවෙකුට බුද්ධිය, ප්‍රඥාව, හික්මීම ආදී ගුණාංග ලබා දීම දෙමාපියන්ගේ වගකීමක්.
මෑතකදී අසන්නට දකින්නට ලැබෙන අඥානවන්ත ක්‍රියා රැසක්ම පිටුපස රටේ උගත්ම පිරිස් නොහොත් උපාධිධාරීන් සිටීම ඉමහත් කණගාටුවට කාරණාවක් පමණක් නොව රටේ අධ්‍යාපන ක්‍රමය ගැනද ඇති කරන්නේ විශාල ප්‍රශ්නාර්ථයක්.
නමුත් අධ්‍යාපනයෙන් උගත් කම දෙනු ලබනු වස් දරුවෙකුට බුද්ධිය, ප්‍රඥාව, හික්මීම ආදී ගුණාංග ලබා දීමේ ප්‍රමුඛ වගකීමක් පැවරෙන්නේ දරුවාගේ දෙමාපියන්ට නොවේද? මැදිරිගිරියෙන් ඇසෙන ඇසෙන ලංකා රහස් වෙබ් අඩවියේ පළවූ පුවතක් අනුසාරයෙන් මේ පුවත ඔබ වෙත ගෙන එන්නේ අනාගතයේ මෙවන් සිදුවීම් වළකාලන්නට දෙමාපිය අපගේ කැපවීම තුළින් පුළුවන් බවට විශ්වාස කරන බැවිනි.
අනුරාධපුර ප්‍රදේශයේ තාවකාලික නිවසක පදිංචිව සිටි මැදිරිගිරිය ප්‍රදේශයේ පදිංචි තරුණියක් පොළොන්නරුවේ ජයන්ති විහාරයේ පැවති විභාගයකට සහභාගී වෙමින් සිටියදී පොලිසිය විසින් සුක්ෂම ලෙස අත්අඩංගුවට ගනු ලැබුවා. අනුරාධපුර මුලස්ථාන පොලිසියේ ළමා හා කාන්තා කාර්යාංශය මගින් මීට දින තුනකට ඉහතදී ඇය අත්අඩංගුවට ගනු ලැබ ඇත.
සැකකාරිය දමා මහමග දමා ගිය දින දහයක් වයසැති ළදරුවා අනුරාධපුර මහේස්ත්‍රාත් අධිකරණයට ඉදිරිපත් කල විට දරුවා අනුරාධපුර ශික්ෂණ රෝහලේ නොමේරු ළදරු ඒකකයට ඇතුළු කරන ලෙස විනිසුරු K. P. හර්ෂන් මහතා නියෝග කර තිබුනා.
දරුවා කෘරත්වයට පත්කළ සැකකාර තරුණිය වහා අත්අඩංගුවට ගන්නා ලෙසද නියෝග කරනු ලැබුවා. සැකකාරිනියගේ ජංගම දුරකථනය ලියාපදිංචි කල ලිපිනය ඔස්සේ සිදු කල පරීක්ෂණයක ප්‍රතිපලයක් ලෙස සැකකාරිනිය අත්අඩංගුවට ගැනීමට හැකි වුනා. සැකකාරිය පවසා තිබුනේ ඇගේ පෙම්වතාට දාව කුලුඳුලේ උපන් මෙම දරුවා ඔහුගේ නොවන බව පවසමින් විවාහ වීම මග හරින බැවින්, ඇයට දෙමාපියන්ටත්, ගමටත් මුහුණ දෙන්නට බැරිව ළදරුවාව මෙසේ මහා මග දමා ගිය බවයි. සැකකාරීය විශ්ව විද්‍යාල අපේක්ශිකාවක වන බවත්, ඇය දිළිඳු පවුලක් හා සම්බන්ධ බවත් පැවසුනා.
මෙම සිදුවීම හා සම්බන්ධ ගැටළු නැතහොත් වැරදි රැසකි.
සිසුවියක වන 21ක් හැවිරිදි තරුණ මවගේ අතින් සිදු වූ වැරදි
1. අවබෝධයකින් තොරව ආදර සම්බනතාවක පැටලීම
2. අනාරක්ෂිත ලෙස ලිංගිකව එක් වීම
3. ඉගෙන ගන්නා අවධියේ විවාහයකින් තොරව ගැබ් ගැනීම
4. දරුවා මහා මග දමා යාමට තරම් කෘර වීම
දරුවාගේ පියා වන තරුණය අතින් සිදු වූ වැරදි
1. තරුණිය ලිංගික තෘෂ්ණාව සඳහා පමණක් පාවිච්චි කිරීම
2. ගැබ් ගත් තරුණිය අතහැරීම
3. තම දරුවා අතහැරීම
4. කිසිඳු වගකීමකින් තොරව කටයුතු කිරීම
සමාජය අතින් නොහොත් අප අතින් සිදු වූ/සිදු වන වැරදි
1. විනිශ්චය සහ නිගමන වලට ඒමට ඉක්මන් වීම
2. අසරණ වූ තරුණියක් කොන් කිරීම නැතහොත් මගහැරීම
3. උපත් පාලනය සම්බන්ධයෙන් අවම හෝ සෑහෙන ප්‍රමාණයේ දැනුමක් දරුවන් වෙත ලබා නොදීම
4. දරුවන් උගත් කමින් පුරවන්නට වෑයම් කරනවා විනා ඔවුනට බුද්ධිය, ප්‍රඥාව, හික්මීම ආදී ගුණාංග ලබා දීමට එපමණ උත්සුක නොවීම.
ඉහත කි සැම ඛන්ඪයකටම අප හෝ අප දරුවන් ඇතුලත් වන්නට පුළුවන්. දරුවන්ගේ අඥානවන්ත ක්‍රියා සමාජය තුල වේගයෙන් වැඩිවෙමින් පවතින යුගයක මෙවන් අකටයුතු කම් ඉදිරියේදී සිදු නොවීමට වගබලාගැනීම අපගේ යුතුකමක් වනවා.
දරුවන්ගේ බුද්ධිය, ප්‍රඥාව, හික්මීම ආදී ගුණාංග වැඩීමට කල හැකි දෑ කිහිපයක්.
1. දරුවන් හා මනා සන්නිවේදනය
දරුවා කුඩා කල පටන්ම මනා සන්නිවේදනයක් පවත්වාගෙන යාම ඉතාමත්ම වැදගත්. දරුවාගේ විශ්වාසය දිනාගනිමින් මව්පියන් හා සන්නිවේදනයේ යෙදෙන විට දරුවා වැරදි පාරක යාමේ ඉඩකඩ බොහෝ විට සීමිත වනවා. සමාජයට වැඩදායි දරුවකු බිහි කරන්නට හැකි වනවා.
2. දරුවා තේරුම් ගැනීම
දරුවා සමඟ කතා බහේදී ඉවසීමෙන් ඔවුනට සවන් දිය යුතු අතර නිගමන වලට ඒමෙන් වැලකීම ඉතාමත්ම වැදගත්. මෙවිට කුමන අකාරයේ කාරණාවක් වුවද ඔබේ හා බෙදාගන්නට දරුවා පැකිලෙන්නේ නැති බැවින් පිටස්තර සහය පතනවාට වඩා ඔබ ගැන විශ්වාසයෙන් ඔබ වෙත ඒමට දරුවා පෙළඹීම ඉතාම හොඳ දෙයක්.
3. කාලෝචිත හා ප්‍රමාණවත් ලිංගික අධ්‍යාපනයක් දරුවාට ලබා දීම.
නිසි කලට වයසට සරිලන ප්‍රමාණයේ ලිංගික අධ්‍යාපනයක් දරුවාට ලබා දීම ඉතාම වැදගත්. විශේෂයෙන්ම ලංකාවේ සංස්කෘතික ආකල්ප නිසා ලිංගිකත්වය ඉතාම රහස්‍ය මාතෘකාවක් වනවා. මේ නිසා දරුවන් සියලු දේ ලොවට හොරෙන් රහසිගතව කරන්නට පමණක් නොව, ඒවායේ ආනිසංස රහසිගතව දරාගනිමටත් පෙළඹෙනවා.
මේ කාරනා ඔස්සේ යහපත් හෙට දිනක් තනන්නට මාපිය අපගේ දායකත්වය නිවසේදීම ලබා දෙන්නට පුළුවන්. ඒ සඳහා ඇපකැප වෙමු!
