පුංචි පුතාට නංගියෙක් හරි මල්ලියෙක් හරි දෙන්න මෙන්න හේතු 13ක්!

Share this article with other mums

ඔබේ දරුවාට නංගියෙක් හරි මල්ලියෙක් හරි දිය යුත්තේ ඇයි? ඊට වටිනා හේතු කිහිපයක් දැනගන්න.

ඔබ තනි දරුවෙක් ලෙස හැදී වැඩුනා නම් ඒ නිසාම ඔවුන්ට ලැබුණු සුවිශේෂී දේවල් කොතෙකුත් ඇති. ඒ වගේම ඔබේ සහෝදර සහෝදරියන් කිහිප දෙනෙක් සමග හැදී වැඩුනා නම් පවුලක් ලෙස ඔබ ලද මිහිරි මතක බොහෝ තිබෙන්නට පුළුවන්.

සහෝදර සහෝදරියන් කිහිප දෙනෙක් එක්ක හැදී වැඩෙන කොට රණ්ඩු සරුවල්, යාළුකම්, බෙදා හදා ගැනීම් ආදී හැමදේම ඉගෙන ගන්න ලැබෙනවා. කොයිතරම් තරහ තිබුනත් ඒ හැමදේම පුංචි වෙලාවකින් අවසන් වෙනවා.

එත් මින් කියන්නේ එක දරුවෙක් ඉන්න පවුලක වරදක් නෙවෙයි. නමුත් එක දරුවෙකුගේ සුරතල් විඳිමින් ඔබ තවත් දරුවෙකු හදනවා ද නැද්ද යන්න ගැන වැට උඩ ඉන්නවා නම් ඔබට මේ කරුණු හුඟක් වැදගත් වේවි.

1. වගකීම් බෙදාගන්න ඉගෙන ගන්නවා

දරුවන් වැඩෙත් ම ඔවුනට පවුල තුල පුංචි පුංචි වගකීම් හිමිවෙනවා. එත් ඔබේ දරුවා පවුලේ එකම දරුවා නම් ඔහුට විතරක් සමහර දේ දරන්න වීම ඔහුට පීඩනයක් විය හැකිය.

නමුත් මෙවන් අවස්ථාවක ඔහුට එක වෙන්න තවත් සහෝදරයෙක් සිටිනම් විටෙක ඔවුන් එම වගකීම විනෝද වන්නක් අයුරින් ඉටු කරන්නත් එය විඳින්නත් ඉගෙන ගන්න තියෙන ඉඩ කඩ වැඩයි.

පුතාට නංගියෙක් මල්ලියෙක් දෙන්න

“අයියා මට ලස්සනට කියලා දෙනවා”

 2. දරුවන් වැඩෙද්දී  ඔවුන් පිටස්තර සමාජය සමග ගැටෙන කාලය වැඩි වෙනවා

පිටස්තර අය නිසා ඇති වෙන සිත් රිදීම් පීඩාවන් ඔබට බෙදාගන්න ඔබව හොඳින් දන්නා කෙනෙක් හිඳිම හරිම වැදගත්.

එවැනි මොහොතක ඔබේ අයියා, නැත්නම් අක්කා ඔබ වෙනුවෙන් ඉදිරිපත් වුන මතකද? ඔබේ දරුවාටත් ඒ අවස්ථාව ලබා දීම වටින්නේ ඒ නිසයි.

3. එකිනෙකාගෙන් ඉගෙනගන්න පුළුවන්

බොහෝ විට වැඩිමලාගෙන් බාලයා බොහෝ දේවල් ඉක්මනින් ඉගෙන ගන්න නිසා අඩු වයසින් බාල දරුවන් දක්ෂතාවන් මතුකර ගන්නවා.

අනෙක් අතට වැඩිමලා, බාලයාගෙන් වුනත් යම් දේවල් ඉගෙන ගන්න අවස්ථාවන් තියෙනවා. අයියා ජයග්‍රහණයක් ලැබුවහොත් මල්ලිටත් ඉන් උත්තේජනයක් ලැබෙනවා. මල්ලි ජයග්‍රහණය කලොත් ඉන් අයියාටත් උත්තේජනයක් ලැබෙනවා.

එය එකිනෙකට බෙහෙවින් වැදගත් වන්නේ අන්න ඒ නිසයි.

Family Life