පෙර පාසලෙන් දෙමාපියන්ට උගත හැකි දරුවන්ට වටිනා වැකි 5ක්

පෙර පාසල් අධ්‍යාපන ක්‍රමය ස්වාධීනත්වය, අත්හදා බැලීම් සහ නිර්මාණශීලීත්වය සහ සහයෝගීතාව යන වටිනාකම් මත පදනම් වී ඇත.

පෙර පාසැල් පන්ති කාමරයක් තුළ දරුවන් රැදී සිටින්නේ ගවේෂණය කිරීමට හා ඔවුන්ගේ පූර්ණ හැකියාවන් කරා ළඟාවීමට ඉඩ සලසන ලද අවකාශයක් තුළය. ඒ මනා අධීක්ෂණයක් යටතේ සිදු වන දරුවන්ගේ වයස් වලට සරිලන ක්‍රියා මාලාවක් තුළින්.

නමුත් මෙම මොන්ටිසෝරි දර්ශනය පන්ති කාමරයෙන් ඔබ්බට ගොස්, දෙමාපියන්ටද ධනාත්මකව උපකාර කළ හැකි බව ඔබ දන්නවාද?

මේ තිබෙන්නේ මව්පිය ඔබට පෙර පාසලෙන් උකහා ගත හැකි දරුවන් සඳහා යෝග්‍ය රුවන් වැකි කිහිපයක්!

1. “ඔබ මේ කර්තව්ය සඳහා කළ කැප වීම සහ උත්සාහය ප්‍රශංසනීයයි”

දරුවෙකුගේ ප්‍රතිඵල පමණක් නොව උත්සාහයත් අගය කිරීම දරුවාගේ ආත්ම ශක්තිය ප්‍රගුණ කිරීමට මහත් සේ වැදගත් වනවා. මේ උත්සාහය අගය කිරීමේ ක්‍රියාදාමය පෙර පාසැල් තුළ විශේෂයෙන් අනුගමනය කරන ක්‍රියාවලියක් වනවා.

නිදසුනක් ලෙස දරුවකු තම සෙල්ලම් බඩු හැකි ලෙස නිශ්චිත ස්ථාන වල තැබීමට දරන හෝ දැරූ උත්සාහය බෙහෙවින් අගය කල හැකි වනවා. එමෙන්ම දරුවකු චිත්‍රයක් හෝ අත්වැඩක් නිර්මාණය කිරීමේදී ඉහි අවසන් නිර්මාණය පමණක් නොව ඒ නිර්මාණය සඳහා  දරණ උත්සාහද බෙහෙවින් අගය කිරීම දරුවකුට ඉතාමත්ම වටිනවා ඇත.

2. ඔබ මේ ගැන මොකද කිතන්නේ? ඔබට මේ ගැන මොනවද හැඟෙන්නේ?

දරුවන්ගේ සිතිවිලි සහ හැඟීම් ගැන ඔවුන්ගෙන් විමසීම දරුවන් තුළ ස්වාධීනත්වය ස්ථාපිත කිරීමට මහඟු අත්වැලක් වනවා. මෙය දරුවන්ගේ විවේචනාත්මක චින්තනය ගොඩනැගීමට පමණක් නොව, සන්නිවේදන කුසලතාවන් ඉහළ නංවා දරුවාට තම පෞරුෂය හා ස්වභාවය තේරුම් ගැනීමට උදව් වනවා.

3. ඔබට මෙම කාර්යය සාර්ථකව නිම කරන්නට උදව් වන්නට මට කල හැක්කේ කුමක්ද?

පෙර පාසල් වල දරුවන් තුල ස්වාධීනත්වය ස්ථාපිත කිරීමත්, වගකීම් ගැනීමට හුරු කිරීමත් සිදු කරන අතරම යම් කර්තවයක් තනිව කරගන්නට අපහසු නම් වෙනත් අයගෙන් උදව් ඉල්ලීමටද හුරු කරනු ලබනවා.

දරුවන්ට උදව් අවශ්‍යදැයි ඔවුන්ගෙන් ඇසීමෙන් දරුවන්ට ස්වාධින තීරණ ගැනීමටත් සහයෝගයෙන් ක්‍රියා කිරීමට අවකාශය සැලසීමත් යන දෙකම සිදු කෙරනවා.

4. “අපේ ගෙදරදී අපි....”  

නිවසක නීතිරීති, විනය මාලාවන් ස්ථාපිත කරන්නේ නම් පෙර පාසැල් ගුරුවරිය එය කරන ක්‍රමය අනුකරණය කිරීම වඩාත්ම සාර්ථක ක්‍රමයයි. පෙර පාසල් ගුරුතුමියක් විසින් දරුවන්ට මෙසේ කියනු ඇති “දරුවනි, අපගේ පන්තියේ අපි හැමෝම ‘කරුණාකර (please), බොහොම ස්තුතියි (Thank you) යන වචන පාවිච්චි කර අප පන්තියේ සියලු දෙනාටම එක සේ ගරු කරනවා.”

මේ අකාරයෙන් ඔබ දරුවන්ට නිරී රීති නිතර මතක් කරගැනීමට උදව් වනවා පමණක් නොව, ඔවුන් සමාජය වැළඳගන්න, සමාජයට ප්‍රසන්න පුද්ගලයින් බවටද පත් කරනවා. මෙය එම වයසට ඉතාම යෝග්‍ය දෙයක්.

5. “ඔයා වැඩක නියැලිලා ඉන්න බව මට පේනවා. ඒ නිසා මම ඔයාට බාධා කරන්නේ නැහැ.”

බාධාවකින් තොරව යම්  වැඩක නියැලීමට දරුවන්ට ඉඩ දීම පෙර පාසැල් ක්‍රමයේ වැදගත් අංගයක්. මෙහිදී තවත් උනන්දු වී දරුවන්ගේ අවධානය යොමු කිරීමේ හැකියාව ගැඹුරින් සංවර්ධනය කිරීමේ අවස්ථාවද සැලසෙනවා.

ළමයෙක් චිත්‍ර ඇඳීම ඇඳීම හෝ සෙල්ලම් කිරීම වැනි ක්‍රියාකාරකම් වලට බාධා පමුණුවනවා වෙනුවට ඔවුන් නිරීක්ෂණය කිරීමට උත්සාහ කළ කිරීම වඩාත් සුදුසු වනවා. මේ තුළින් දරුවාගේ විශේෂ උත්සාහයන් සටහන් කරගෙන ක්රියාකාරකම් අවසන් වූ පසු දරුවාට ඒ ගැන ප්‍රශංසා කරන්නට සුදානම් වන්නට පුළුවන්.

අවසාන වශයෙන්, "දරුවා පසුපස සිටිමින් නිරීක්ෂණය කිරීම" පෙර පාසැල් වලින් අනුගමනය කරන තවත් වැදගත් සංකල්පයක්. ඔවුන් සම දරුවෙකුගේම විශේෂිත බව ගැන හොඳ අවධානයකින් පසු වන අතර සැම දරුවකුටම අවේනික වූ පෞරුෂයත් යමක් ඉගෙනීමට ගන්නා කාලයත් වැනි සේවල් පිලිබඳ මනා අවබෝධයකින් කටයුතු කරනවා.

ඉතින් කුමන අධ්‍යාපන මට්ටමකට හෝ කුමන පරිසරයක හැදී වැදුනත් දෙමාපියන්ට දරුවන්ගේ ගුරුවරුන්ගෙන් උගත් හැකි දේ බොහෝමයි. සියලු දේට වඩා වැදගත් වන්නේ දෙමාපිය ගුරු-දෙගුරු සහයෝගිතාවය වන අතර අලුත් දේ දැනගැනීමට විවෘත මනසයි. මේ තුළින් දරුවන්ව හොඳින් සමබර පරිසරයකට හුරු කරනු ලබනවා.

TheAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිලුෆ පෙරේරා