රසම රසයි, හරි පහසුයි, පොඩිත්තන්ට බටර් කේක්

රසම රසයි, හරි පහසුයි, පොඩිත්තන්ට බටර් කේක්

පොඩ්ඩොත් එක්ක එකතු වෙලාම මේ රස බටර් කේක් එක ගෙදරදීම හදාගන්න.

ළදරු නාම උත්පාදකය

ස්ත්‍රී පුරුෂ භාවය

අකුර

ප්‍රභේදය

සොයාගත් ළදරු නම්

සොයාගත නොහැක

පොඩ්ඩා එක්ක වීක් එන්ඩ් එකේ නිවාඩු පාඩුවේ ඉන්න ගමන් රසම රස බටර් කේක් එකක් හදමුද? රෙසපි එක ගැන වදවෙන්න එපා.
ඔන්න අපි ඒක අරගෙන ආවා. ඒ වග‌ේම ‌කේක් හදන සුත්‍රය ‌නොවරදින කාරණා කිහිපයක් ගැනත් දැනුවත් ව‌ෙමු.
ගෙදරදීම පොඩිත්තන් එක්ක එකතු වෙලාම පහසුවෙන්ම හදාගන්න පුළුවන් බටර් කේක් රෙසිපියක්!

බටර් කේක් කිලෝ එකට අවශ්‍ය ද්‍රව්‍ය 

බටර් 227 g
සීනි 235 g
පිටි 240 g
බිත්තර 4ක්
බේකිං පවුඩර් ‌ත‌ේ හැදි 1
කිරි ‌කෝප්ප 1/4
ආමන්ඩ් එස‌ෙන්ස් ‌හෝ වැනිලා

බටර් ක‌ේක් එක හදන්නේ මෙහෙමයි 

  • මුලින්ම පිටි 240 g ට බේකිං පවුඩර් ත‌ේ හැදි 1 කලවම් කර තුන්වරක් පෙනේරයෙන් හලා ගෙන තබාගන්න.
  • බටර් සීනි විනාඩි 10 ක් පමණ බීට් කරගන්න.
  • ඊටපස්සේ බිත්තර එක බැගින් වාර හතරකදී එක් කර විනාඩි 10 ක් බීට් කරගන්න
  • එම මිශ්‍රණයට පාන් පිටි එක්කර එයට කිරි ‌කෝප්ප 1/4 හා ආමන්ඩ් එස‌ෙන්ස් ‌හෝ වැනිලා එක්කර බීට් කරගන්න
  • ඉන්පසු මිශ්‍රණය බටර් තවරා ගත් තැටියකට දමා සෙල්සියස් 180 විනාඩි 15-20 කට පෙර රත්කර ගත් අවන් එකෙන් තබන්න.
  • ඉන්පසු කේක් එක එම උෂ්ණත්වයේම විනාඩි 25 -30 ක් පුළුස්සාගන්න.
  • කේක් එක අවන් එකෙන් එලියට ගෙන මිනිත්තු 5 ක් පමන ගියපසු කේක් එක තැටියෙත් ඉවත් කර ගන්න. ටූත් පීක් එකක් භාවිතා කර ‌කේක් එක‌ේ මැද පිළිස්සී ඇද්දැයි පරීක්ෂා කරන්න.
රසවත් කේක් එක හරිම සුවදයි නේද? ඔන්න ‌පොඩ්ඩා එක්ක අද හවස ‌තේ ‌වේලාව රසවත්ව ගත කරන්න ඔයාට පුළුවන්.

කේක් එක රසවත් කර ගැනීමට විශේෂ උපදෙස් 

ක‌ේක් එක හදද්දී සමහර විට ක‌ේක් එක පිපින්න‌ේ නැහැ.නැත්නම් මැදින් බහිනවා. ක‌ේක් එක කර ව‌ෙන්නත් පුලුවන්. ඉතින් රසවත් හීන දැක දැක හදන ‌කේක් එක හරියටම හදා ගන්න අවශ්‍ය කාරණා කිහිපයක් අප ඔබ ව‌ෙත ‌ග‌ෙන එනවා. ඒ නිසා ‌කේක් එක හදන්න පටන් ගන්න කලින් ‌මේ කාරණා ටික අනිවාර්යය‌ෙන්ම කියවන්න.

  • සිනී වැඩි වීමෙන් කේක් එකේ මෘදු බව නැතිවෙනවා.
  • වැඩි වෙලාවක් බීට් කරන්න එපා. එවිට මිශ්‍රණය  දිය ගතියක් ගන්නවා.
  • බිත්තර සේරම ගෑරප්පුවකින් ටිකක් ගසාගෙන යකඩ දැල් සහිත සිදුරු සිහින් පෙනේරයකින් පෙරාගන්න. එවිට පිළි ගඳ නැතිවෙනවා.
  • බේකිං පවුඩර් දමා මිශ්‍රණය එලියේ තැබීම සුදුසු නැහැ.
  • අවන් එකට දමා විනාඩි 30 ක් යන තුරැ අවන් එකේ දොර අරින්න එපා. එවිට කේක් එකේ මැද බහිනවා.
  • කේක් එක බේක් වූ විට අවන් එක තුල තබන්න එපා. උෂ්ණත්වය නිසා කේක් එකේ මෘදු බව නැතිවෙන්න පුළුවන්.

මෙම රසවත් රෙසිපිය ආසයි රසයි වීඩියෝ චැනලයෙන් උපටා ගත් එකකි.

Written by

Niloufer Perera