ඔබේ පුංචි පැටියාගේ විශ්වාසය ඔබටද? මෙන්න ආදරණීය සලකුණු

බබාගේ විශ්වාසයේ සලකුණු ඔබත් දැනගන්න කැමතිද ? 

මාස නවයක් කුස දරාගෙන හිටි පුංචි පැටියාත් සමග ඔබට විශ්මයජනක වුත් ශක්තිමත් වුත් බැදීමක් තියෙනවා. ඒත් අලුත උපන් පුංචි පැටියාටත් ඔබ ගැන එහෙම හිතෙනවාද? ඔහු ඔබව විශ්වාස කරන බවට සලකුණු මොනවාද?

පුංචි පැටියා මේ ලෝකේට බිහිවුනාට පස්සේ එයාගේ අවට පරිසරයට පුරුදු වෙන්න ටිකක් කල් යනවා. පසුගිය මාස නවයක් පුරා උණුසුම , ආරක්ෂාව ලැබුන නිවස ඔවුන් දාලා වඩා විසල් තැනකට ඇවිත් තියෙනවා. ඒ වගේම ඔවුන්ට අවිනිශ්චිතතාවයක් ඇතිවෙලා තියෙනවා.

ඔවුන්ට අලුත් පරිසරය සුවපහසු වෙද්දී ඔවුන් එය වෙත විශ්වාසය ගොඩ නගන්නට පටන් ගන්නවා.

1. ඔවුන්ගේ අවශ්‍යතා අනුව ක්‍රියා කරනවා.

ඔවුන්ට ඔබේ අතට එන්න ඕනී වුනාහම අත් දෙක ඔසවා ඒ බව අගවනවා නේද ඒක තමයි දෙන්න පුළුවන් සුන්දරම උදාහරණය, ඉතාම පුංචි වයසේ සිට  අනෙක් අය ඔවුන්ව ඔසවා ගෙන සිටින විට පවා ඔවුන් මෙය කරනවා.

පුංචි දරුවෝ ඔවුන්ගේ අවශ්‍යතා සදහා  අම්මාව ගෙන්න ගන්න  බලාපොරොත්තුවෙන් අඩනවා. අම්මා කෙනෙක් විදියට බබා අඩන්නේ බඩගින්නටද නැත්තම් නිදිමතටද යන්න කොතරම් ඉක්මනින් ඉගෙන ගත්‍තාද කියලා ඔබ දන්නවා.

2. ආරක්ෂාවටත්, සහතික වීමටත් ඔහු ඔබව හොයනවා.

ආගන්තුකයෙක් පැමිණි විට ඔබේ පුංචි පැටියාට ඔහු පිලිබඳ  අවිනිශ්චිතතාවයක් දැනෙනවා නම් ඔහු ඔහුගේ හිස ඔබේ උරහිසේ සගවා ගන්නවා.

මීට අමතරව ඔහු ප්‍රතික්‍රියා දැක්වීමට පෙර ඒ සදහා ඔබගේ ප්‍රතිචාරය බලයි. ඔහු ළදරු කරත්තය මත සිටින විට කවුරුන් හෝ ඔහුව ඔසවා  ගන්න හදන විට ඒ සදහා ඔබගේ ප්‍රතිචාරය බැලීමට ඔහු ඔබ දෙස බලයි. ඔබේ ස්වාමියා ඔහුව ඔසවා ගන්නට උත්සහ කරන  විට ඔහු සතුටින් දුව පැන සිටිවි යැයි මින් අදහස් කරන්නේ නැහැ. නමුත් ඔබ සිනාසෙනවා නම් ඔබ සුවපහසුවෙන් බව පෙනෙනවා නම් ඔහු බොහෝ විට එසේ කරන්නට ඉඩ තියෙනවා.

3. ඇය ඔබ දෙස බලා සිටිනවා

ඉතා කුඩා වයසකදී සිට පවා පුංචි දරුවන් ඔවුන්ගේ දෙමාපියන් දෙස බලා ඉන්න හරිම ආසයි. හිතාමතාම එසේ අයෙක් දෙස බලාසිටීම ඔවුන් අපහසුතාවයට පත් කරන බව ( සැබැවින්ම එසේ නොවුනත් ) පැවසීමට තරම් ඔබට හිතෙන්න ඉඩ තියෙනවා. අලුත උපන් දරුවන්ගේ දෘෂ්ටි පථය දියුණු වෙමින් පවතින නිසා වුවත් ඔවුන් වයසෙන් වැඩෙද්දී පවා ඔවුන්ට යමක් වඩා හොදින් දැන ගැනීමට අවැසි වු විට මෙසේ එක එල්ලේ බලා සිටීමට ඉඩ තියෙනවා.

4. ඔබ දැකුමෙන් ඔහු සතුටට පත්වෙනවා.

සති හයක් තරම් වු මුලික අවධියේදී ඔබට පුංචි පැටියාගේ මුහුණේ ශක්තිමත්  හැගීම්  ප්‍රකාශ කිරීම් දකින්නට පුළුවන්. දත් නැති පුංචි කට ඇරලා ඔවුන් ඔබට සිනාසෙන විට ඔබත් සිනාසී ඔවුන්ව දිරිමත් කලහොත් ඔබට තවත් පුළුල් සිනාවක් ලැබේවි.

මාස දෙකක් වනවිට ඔවුන් ඔබ සමග කතා කරන්න උත්සහ දරාවි. මාස කිහිපයක ඉදලා ඔබ පුංචි බබාට බොහෝ කථා කිරීමෙන් , ඔබේ දරුවාට  ශබ්ද කරමින් ප්‍රතිචාර දැක්වීමෙන් ඔබේ පුංචි පැටියාට ඔබත් සමග සංවාදයක යෙදෙනවා වගේ හැගීමක් ඇතිවෙනවා.

5.ඇය ඔබව සිපගන්නවා.

මව්වරුනි, ඔහු ඔබට ලබා දෙන එක සිපගැනීමකින් ඔබේ හදවත මුදුමොලොක් වෙනවා කියලා අපි දන්නවා. ඔබ ඔහුත් ඔබේ සහකරුත් සිපගෙන ආදරය ප්‍රකාශ කරනවා  දැකීමෙන් ඔබේ පුංචි පැටියා එය ආදරය ප්‍රකාශ කරන ක්‍රමයක් ලෙස දකිනවා. ඇයට සිපගෙන ආදරය ප්‍රකාශ කරන්න අවැසි වන්නේ  අන්න ඒ නිසයි.

පුංචි පැටියා මේ ලෝකෙන් විශ්වාස කරන්නේ අම්මාව, ඒ නිසා ඔබට ඒ විශ්වාසය අත්විදින්න පහසුවෙන මේ තොරතුරු ඔබ වෙත ගෙන ආවේ ඔබේ ලගම හිතවතිය theAsianparent Sri Lanka වෙතිනි.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණී