මව් කිරි සතුන්ට දෙනවා අහලා තියෙනවද? මිනිස්කමේ සීමාව ඇත්තේ කොතනද?

lead image

මිනිස් අම්මලා සත්ව පැටවුන්ට කිරි දෙනවා ඔබ අහලා තිබුනද? එය සුලබ කතාවක්.

ඔබට දෙපාරක් මේ පින්තූරය දෙස බලන්න හිතෙයි. ඇත්තටම මමත් එහෙම කළා. එහි තායි අම්මා කෙනෙක් පුංචි බලු පැටවෙකුට එයාගේ දරුවා බලාගෙන ඉන්නකොට කිරි දෙනවා දකින්න තියෙනවා.

මේ පින්තූරය පිළිබඳ කතාව අන්තර්ජාලයේ හුවමාරු වීමෙන් පසු මේ පුංචි බලු පැටියාගේ අම්මා අනතුරකින් මරණයට පත්වී ඇති බව සැලවුණා. ඉන් පස්සේ මේ පින්තූරයේ ඉන්න කාන්තාව පැටියාට කිරි දෙන්න තීරණය කළා.

පුදුමයටත් අනුකම්පාවටත් පත් හුඟක් අය මේ ගැන සතුට ආදරය ප්‍රකාශ කර තිබුණා.

ආසියාවේ විතරක් නෙමෙයි ලෝකයේ අනෙක් රටවල් වල අම්මලා සත්ව පැටවුන්ට කිරි දෙන හැටි අසන්නට තිබෙනවා. හරියට ස්වීඩනයේ කාන්තාවන් දෙන්නෙක් දරුවන් වගේ පූස් පැටවුන් දෙන්නෙක් ඇති දැඩි කළ ආකාරය අසන්නට තියෙනවා. එක් අයෙක් කිරි උරන්නට පූස් පැටියාට දී තිබුණා. නමුත් මේ කාන්තාවන් දෙන්නා තායි අම්මා වගේ අසරණ පැටියෙකු තෝරාගෙන තිබුණේ නැහැ.

වාර්තාවන්ට අනුව මේ පූස් පැටවුන්ට ස්ට්‍රොලරයක ගමන් කරන්න, කෑම කන ළදරු මේස වල ඉඳගෙන හැන්දෙන් කැවීම වැනි දේවල් ඔවුන් කරලා තිබුණා. ඔවුන් සූප්පු ඉරිමත් කරලා තිබුණා.

ස්වීඩනයේ සත්ව ආරක්ෂක නිලධාරීන් පූස් පැටවු ඔවුන් භාරයෙන් අරගෙන ඔවුන්ට සුරතලුන් ඇතිකිරීම තහනම් කර තිබුණා.

මව් කිරි සතුන්ට දීම ආරක්ෂිතද?

මෙය මානුෂිකත්වයේ තවත් පැතිකඩක් වෙන්නට පුළුවන්. නමුත් අපි කතා කරන්නේ සත්වයන් ගැනයි. ඉතින් එහි සීමාව කුමක්ද?

තායි කාන්තාවගේ කතාව බලු පැටියා ඉතාම අසරණ තත්වයට පත්වූ නිසා ඇගේ කිරි ලබාදීම කරන්නට ඇති. නමුත් ස්වීඩනයේ කාන්තාවන්ගේ කතා ඊට වඩා හුඟක් වෙනස්.

අනෙක් අතට මෙලෙස මව්කිරි පෙවීම අම්මට වගේම සත්වයාටත් හානිකර වෙන්න පුළුවන්

සත්වෝද්‍යාන විශේෂඥයෙකු මව් කිරි දෙන මවක් සත්ව පැටියෙකුට කිරි දීම සෞක්‍යමය අතින් සුදුසු යැයි අනුමත නොකළ හැකි බව පවසනවා. ඉන් රෝගඛාරක හා විෂබීජ ශරීරයට ඇතුල්වීමේ අවධානමක් පවතිනවා. ඒ වගේම මිනිසුන්ගේ කිරි සතුන්ගේ පෝෂණයට සුදුසු නැහැ. ඉතාම සුළු කාලයකට එය කළ හැකි වුනත් එය දිගටම කිරීම අනුමත කරන්න බැහැ.

ඔබේ අදහසුත් අපිට කියන්න. ලෝකයේ මාතෘත්වය ඉස්මතුවෙන මෙවැනි අවස්ථාවන්ගේ සීමාවන් අපි දැන සිටීම වැදගත් නිසා මේ පණිවිඩය theAsianparent Sri Lanka ඔබට ගෙන ආවා.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ