යටි පතුල් වේදනාව සහ එය නිවසේදීම සමනය කල හැකි ක්‍රම

lead image

යටි පතුල් වේදනාව යනු බොහෝ මව්පියවරුන් අතර බහුල තත්වයක්. මෙය ඇති වීමට තුඩු දෙන හේතු මෙන්ම ගෙදරදීම එය සමනය කල හැකි ආකාර ගැන පැහැදිළි කිරීමකි මේ.

යටි පතුල් වේදනාව යනු බොහෝ මව්පියවරුන් අතර බහුල තත්වයක්. යටි පතුල් වල වේදනාව හැඳින්වෙන තවත් නමක් නම් පාදුක කවලිකා ප්‍රදාහයයි (Plantar fasciitis).

යටි පතුල් වේදනාව ඇති වන අයුරු;

අපගේ පාදයේ ඇඟිලි සහ විළුඹේ අස්ථිය සම්බන්ධ කරන ඝණ පටකයක් ඇති අතර යටිපතුල වක්‍ර ස්වභාවයක් ගැනීමට එය හේතු වනවා.

මිනිස් පාදය හෙවත් විළුඹේ සිට පා ඇඟිලි දක්වා ඇති කොටස සෑදී තිබෙන්නේ ඇටකටු බොහෝ ගණනකින්. ශරීරයේ බර දරාගෙන සිටීම, දිවීම, ඇවිදීම, සමබරතාව පවත්වා ගෙන යාම ආදියට මෙම ඇටකටු ගොඩක් එකට එකතු වී පාදය නිර්මාණය වී තියෙනවා.

මේ ඇටකටු පාදයේ යටි පතුල ප්‍රදේශයේ එක සම්බන්ධක පටකයකින් (Connective tissue)  සම්බන්ධ වී පවතිනවා. මෙය යටිපතුල් සම්බන්ධක පටකය හෙවත් Plantar fascitis නමින් හඳුන්වනුවා. මෙම පටකය තද, ශක්තිමත් ද්‍රව්‍යයක් ලෙස පවතිනවා.

ඉතිං යටිපතුල් වේදනාවට තුඩු දෙන යටිපතුල් ප්‍රදාහය ලෙස හඳුන්වන්නේ ඉහත විස්තර කළ පටකය තුළ සිදුවන “ප්‍රදාහය” තත්ත්වයයි.

ප්‍රදාහය යනු කුමක්ද?

ප්‍රදාහය යනු අප ශරීරය ඇතුලේ කිසියම් ස්ථානයක හෝ අවයවයක කිසියම් හේතුවක් නිසා, ඒ කියන්නේ විෂබීජයක් ආගන්තුක ද්‍රව්‍යයක්, සමහරවිට ඇඟේම කොටසක් ආගන්තුක ද්‍රව්‍යයක් කියලා වරදවා වටහා ගැනීමක් නිසා.

නිරතුරුවම ගෙවීම් හා ගර්ෂණය වීම් ආදිය නිසා ඇතිවන වෙනසට ප්‍රතිචාරයක් ලෙසත් ශරීරය තුළ සිදුවන ක්‍රියාවලියටයි. මෙම ක්‍රියාවලිය Calcaneus ලෙස හඳුන්වනු ලබනවා. මෙහි ප්‍රතිඵලයක් ලෙස එම ස්ථානය හෝ අවයවය වේදනාව සහිත වීම, ඉදිමීම, රත්පැහැ ගැන්වීම, උෂ්ණත්වය වැඩිවීම හෙවත් රත්වීම හා එම ස්ථානයේ ක්‍රියාකාරීත්වයට බලපෑම ආදිය සිදුවෙනවා.

යටි පතුල් වේදනාව දෙන යටි පතුල් ප්‍රදාහයට තුඩු දෙන හේතු;

* ශරීරයේ බර වැඩි වීම.

* දිගටම සිටගෙන සිටීම

* වැරදි ආකාරයට ඇවිදීම

* වැරදි පාවහන් භාවිතා කිරීම

යටි පතුල් වේදනාව සමනය කර ගත හැකි ක්‍රම

වෛද්‍ය උපදෙස් භාවිතා කර යටිපතුල් වේදනාවට ප්‍රතිකාර කල යුතු අතර මෙම වේදනාව සමනය කරගැනීම නිවසේ දීම කළ හැකි දේ කිහිපයක් ඔබ වෙත ගෙන එමු.

යටි පතුල් වේදනාව සමනය කල හැකි ක්‍රම 

1. ජල නල සඳහා භාවිතා කරන (PVC) බට කැබැල්ලක් යටි පතුළ මඟින් පෑගීම හෙවත් රෝල් කිරීම එක් ව්‍යායාමයක් ලෙස හැඳින්විය හැකි වෙනවා. ඒ වාගේම ඉතාමත් සිනිඳු, මෘදු පතුලක් සහිත සෙරෙප්පු හා පාවහන් භාවිතයද වැදගත් වෙනවා.

2 තද මතුපිටක් සහිත පොළොව හා පාවහන්, රෝග තත්ත්වය උග්‍ර කරනවා. නින්දට යනවිට පාදය පිටුපසට පටියක් වැනි දෙයක් යොදවා තමන් දෙසට ඇදීම මඟින් Streching ව්‍යයාමද රෝග ලක්ෂන පාලනයට උදව් වෙනවා.

3 තදට වේදනාව ඇතිවිට තරමක් උණුසුම් ජලයේ පාද ඔබාගෙන සිටීමත් ඉතා වැදගත් වෙනවා. රෝග ලක්ෂණ උග්‍ර වූ විට බෙහෙතක් එන්නත් කිරීම සිදු කරනු ලබනවා. නමුත් නිතර නිතර එන්නත් කිරිම එතරම් සුදුසු වන්නේ නැහැ. රෝග ලක්ෂණ පාලනය වුණත් මෙහිදී පටකය ඉරීයාමක් සිදුවිය හැකිවනවා. කෙසේ වෙතත් මෙම රෝග තත්ත්වය සඳහා ප්‍රතිකාර ඔබගේ වෛද්‍යවරයා හා සාකච්ඡා කිරීම ඉතාමත් වැදගත් වනවා.

යටි පතුල් වේදනාව

ඉතින් අප අතර ඉතා බහුල තත්වයක් වන යටි පතුල් වේදනාව ගැන මේ ලිපිය තුලින් පෙරට වඩා ඔබ දැනුවත් වුවා යයි විශ්වාස කරමු.

අප ලිපි අතුරින් දරුවන්ට යටිපතුල් නිල තෙරපුම මගින් ලැබෙන ප්‍රයෝජන ලිපියද ඔබට වැදගත් එකක් වේවි. 

මුලාශ්‍රය top10homeremedies.com වෙතිනි.