වංචාකාර සැමියා බිරිදගේ අතට අසුවේ! දෝහා සිට බාලී දක්වා කටාර් ගුවන් සේවයේ ගමන් ගනිමින් සිටි ගුවන් මගීන් කම්පනයකට ලක්වේ.
"පිරිමියෙකු ගෙන් ප්‍රතික්ෂේප වු කාන්තාවක් කෝපයෙන් හා වෛරයෙන් පිරි සිටින්නට පුළුවන්. " යන ප්‍රස්තා පිරුල අනුව සියල්ල සිදුවිය.
නොවැම්බර් 5 දා දෝහා සිට බාලී දක්වා ගමන් කරමින් තිබු කටාර් එයාර්වේස් ගුවන් යානයේ මගින් මේ සදහා සාක්ෂි දරනවා.
පෙනුමෙන් මවක්ද වන මේ බිරිද සිය සැමියා හා දරුවා සමග දෝහා සිට බාලී කරා ගමන් කරමින් සිට ඇත. ඇයගේ සහජ බුද්ධිය ඇයට ඔහුගේ ජංගම දුරකථනය පරීක්ෂා කිරීමට දැනුම් දුන්නාය.
ඇය ඔහුගේ ඇඟිලි සලකුණ යොදා ගනිමින් ජංගම දුරකථනයේ අගුලු විවෘත කරගැනීමට සමත් විය.
ඇයගේ සැකය තහවුරු වූ විට, සියල්ල මිහිපිට අපායක් බවට පත් විය. ඇයගේ සැමියා ඇත්තෙන්ම ඇයට වංචා කර තිබුනේය.
අනතුරුව කෝපයට පත් බිරිඳ ඇයගේ ස්වාමිපුරුෂයාට පහරපිට පහර දුන්නා. මෙම කැලඹීම ඇසූ කාර්‍යමණ්ඩලය එයට මැදිහත් වීමට උත්සාහ කළ නමුත් එහි කිසිදු ප්‍රතිඵලයක් නොලැබිණි.
මෙලෙස තත්ත්වය උග්‍ර අතට හැරී ඇති පාලනයකින් තොර වු අතර, නියමුවන් ගුවන්යානය ආපසු හරවා දකුණු ඉන්දියාවේ චෙන්නායි නගරයට හදිසි ගොඩබැස්සවීමක් කිරීමට තීරණය කරන ලදි.
මේ ඉරාන පවුල ගුවන් යානයෙන් ඉවත් කර ඉන්දුනීසියාව බලා එහි ගමන නැවත පිටත් විය .
තත්වය ටිකක් සමනය වු විට මේ පවුලට ක්වලාම්පූර් වලට ගොස් දෝහා වෙත ගමන් කරන්නට පුළුවන් වුණා.
ඉන්දියාවේ මධ්‍යම කාර්මික ආරක්ෂක බලකායේ නිලධාරියෙකුගේ ප්‍රකාශයක් මෙම සිද්ධිය තහවුරු කල අතර "සිය සැමියා සහ දරුවා සමග සිටි කාන්තාවක් සහිත ඉරාන පවුලක් කටාර් ගුවන් සමාගම විසින් ගුවන් යානය තුල එහි කාර්‍යමණ්ඩලය ඉදිරියේ වැරදි සහගත ලෙස හැසිරීම හේතුවෙන් ගුවන් යානයෙන් ඉවත් කලා. " ඔහු ප්‍රකාශ කලා.
" ඔවුන්ව දෝහා වෙත යැවීම සදහා බටික් 6019 නැමති ගුවන් යානයෙන් ක්වලාම්පූර් වෙත යවන ලදි."
මේ අතර, කටාර් එයාර්වේස් විසින් ටයිම්ස් ඔෆ් ඉන්දියා පුවත්පතට මෙසේ පැවසීය. "අපේ පාරිභෝගිකයන්ගේ පෞද්ගලිකත්වයට ගරු කිරිමක් වශයෙන් අපි පුද්ගල සිද්ධින් ගැන අදහස් දක්වන්නේ නැහැ."
සැමියාගේ එක් රැවටීමක් කාන්තාවක් වියරු වට්ටවන්න සමත්, ඒ වියරුවට තැනක් නොතැනක් නැති වෙන්න පුලුවන්. ඒ ගැන මේ පුංචි කතාව ගෙන ආවේ the Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
