සැපට, සනීපෙට හිස සේදීම රස විඳින මේ පැටියාව හැකිනම් හිනා නොවී බලන්න

lead image

මේ අලුත උපන් බිලිඳාගේ හිස සෝදන වීඩියෝව නැවත නැවතත් බලන්න පුළුවන් නේද?

දින කිහිපයක් පමණක් වයසැති මේ චුටියා වතුර නා ෂැම්පු ගෑම රස විඳින අපුරුව ඇයගේ විසි හැවිරිදි තාත්තා මහත් ආඩම්බරයෙන් රුගත කලේ පැටියාගේ මවට එය පෙන්වීම සඳහායි.  මෙම වීඩියෝව එක් රැයකින් මෙතරම් ප්‍රචලිත වුයේ මේ පැටියාගේ ප්‍රතිචාරය එතරම්ම රසවත් බැවිනි.

src=https://lk admin.theasianparent.com/wp content/uploads/sites/5/2017/01/newborn bath featured.jpg සැපට, සනීපෙට හිස සේදීම රස විඳින මේ පැටියාව හැකිනම් හිනා නොවී බලන්න

ටවියොන් ග්ලෙන්  (Taveon Glenn) ඔහුගේ අලුත උපන් දියණියගේ මුල්ම හිස සේදීම ෆේස්බුක් වීඩියෝවකින් මුදා හැරියේ තම මව ඇතුළු පවුලේ අයත්, මිතුරන් සමගත් එය බෙදා ගැනීමේ අරමුණින් පමණයි. ඒ පුංචි අමීරා සෑම තත්පරයකම හිස සේදීමේ සතුට, සනීපය විඳගන්න ආකාරය සැබවින්ම මනස්කාන්ත යැයි ඔහු සිතු නිසා.

20 හැවිරිදි ටවියොන් ග්ලෙන් Dayton.com වෙත පැවසු පරිදි. “මම සතුටු කඳුළු හෙලුවා. ඇය හරිම සුන්දරයි. ඇය මගේ පළමු දරුවායි.”

පුංචි අමිරා ඉවෝන් ග්ලෙන්ට මෙවන් ප්‍රතිචාරයක් ලැබේ යයි ටවියොන් ගලෙන් කිසි සේත්ම බලාපොරොත්තු වුනේ නැහැ. එහෙත්, එය එතරම් පිරිසිදු හා උද්යෝගිමත් මොහොතක් නිසා මිනිසුන් එයට ප්‍රතිචාර දැක්වූ බව ඔහු සිතනවා.

"මිනිස්සු කියන්නේ ඒක හොඳයි කියලයි. ටික කාලෙකට පස්සේ ධනාත්මක දෙයක් කියා දුටු අය කියනවා" කියා 20 හැවිරිදි පියා පැවසුවා.

අමීනාගේ මිත්තනිය ටීනා නිව් ටවියෝන්ගේ අදහසට එකඟ වෙමින් පැවසුවේ, "දැන් මේ රටේ සෑම දෙයක්ම විනාශයට පත් වී ඇති නිසා මෙවන් සතුට ගෙන දෙන වීඩියෝ පට බැලීමට එදිනෙදා පීඩනයෙන් ජිවත් වන මිනිසුන් හුඟක් කැමතියි."

ග්ලේන් රුගත කළ මේ විඩියෝපටය මිලියන 30 කට වඩා වැඩි ගණනක් දැක ඇති අතර 231,000 කට වඩා ප්‍රතිචාර දක්වා ඇත.  එය 414,000 වාරයක් ද බෙදාගෙන ඇත.

බබාගේ මේ ප්‍රතිචාරයට දායක වූ දරුවාගේ හෙදියගේ හිස සේදීමේ විශේෂ කුසලතාවත් අගය කල යුතයි.

බිලිඳා නැහැවිමේදී සැලකිලිමත් විය යුතු කාරනා කිහිපයක්

අලුත උපන් බිලිඳා නැහැවීම අභියෝගයක් ලෙස පෙනෙන්නට තිබුණත්, ඔබ නොසන්සුන් විය යුතු නැහැ. සන්සුන්ව ඊට සුදානම් වීමෙන් මෙම ක්‍රියාදාමය ඔබ දෙදෙනාටම විනෝදජනක අත්දැකීමක් වනවා නියතයි. පහසුවෙන්ම බිලිඳා නහවා ගන්නට උදව් වන කරනා කිහිපයක් ටෙස්කෝහි දෙමාපිය උපදෙස් ආශ්‍රයෙන් ඔබ වෙත ගෙනහැර පාමු.

1. නහවන වේලාව බිලිඳාගේ වෙලාවයි

හැම බබෙක්ම වෙනස්. බබාව නහවන වෙලාව කුමක්දැයි බබාගේ දෛනික ක්‍රියාකාරකම් හඳුනන ඔබට තීරණය කරන්න පහසුයි. ඔබ දෙද්නේඅටම පහසු උදෑසන කාලයේ වෙල්ලවක් මේ සඳහා ඔබට තෝරාගත හැකියි. එකම වෙලාවට මෙය හුරු කිරීමෙන් ඔබ දෙදෙනාටම මෙම ක්‍රියාදාමය මහත් පහසු එකක් වනවා නොඅනුමානයි.

2. දිනපතාම බිලිඳා නැහැවීම අත්‍යවශ්‍ය නැහැ

ඔබේ දරුවාගේ මුහුණ, අත් සහ පසුපස පිරිසිදු කිරීම සඳහා උණුසුම් රෙද්දක් භාවිතා කළ හැකිය. නමුත් දිනපතා ස්නානය කිරීම අත්‍යවශ්‍ය නොවේ.

3. උෂ්ණත්වය නිවැරදිව ලබා ගන්න

පළමුව සීතල ජලයෙන් බබා නහවන බේසම පුරවා ඉන්පසු සුවදායක උෂ්ණත්වයකට ජලය ලං වන තෙක් උණුසුම් ජලය එකතු කරන්න. උෂ්ණත්ව පරීක්ෂාව සඳහා ඔබට ඔබේ වැලමිට (ඔබගේ අත් වලට වඩා සංවේදී වන) භාවිතා කළ හැකිය.  

4. බිලින්දාට පහසු ලෙස වතුරෙහි බහාලන්න

ඔබේ දරුවාගේ ඇඳුම සහ ඩයපර් ඉවත් කළ පසු, ටිකෙන් ටික වතුරෙහි ඉන්දවන ආකාරයෙන් පටියා වතුර බේසමේ රඳවා ගන්න. 

5. කඩිනම් වන්න, නමුත් ප්‍රවේශමෙන්

පුංචි බිලිඳාට පහසුවෙන් සිතල ඇති වන්න පුළුවන්. ඉතින් බොහෝ වෙලාවක් වතුරේ නොතබා කඩිනම් කරන්නට ඕනේ. බබාට යම් අපහසුතාවක් ඇත්තේ යයි හැඟෙන්නේ නම් ගීයක් ගයා හෝ සෙල්ලම් බඩුවක් නාද කොට සෝදා අවසන් කරන තුරු ඇගේ අවධානය බිඳිය හැක.

6. මෘදු නිෂ්පාදන භාවිතා කරන්න

අලුත උපන් බිලිඳාට සබන් පාවිච්චි කිරීම අත්‍යවශ්‍ය නැතත් බිලිඳු සැමට ඔබින මෘදු ආකෘතියක් භාවිතා කරන බවට වග බලා ගත යුතුය.

7. බිලිඳා පිස දමා ගන්න

සේදු පසු බබාව තුවායකින් හෝ බ්ලැන්කට්ටුවකින් ඔතන්න. බබාව මෘදුව පිස දමා ඉක්මනින් සුදුසු ඇඳුම් අන්දවාගන්න.

TheAsianparent හි අනුමැතිය ඇතිව පරිවර්තනය කර ප්‍රකාශිතයි. පරිවර්තනය: නිලුෆ පෙරේරා