මැලේසියාවේ අම්මා කෙනෙකුට මේ සිදුවීම වෙනකොට ඇගේ දරුවාට මාස 16 ක් පමණ වෙනවා. ඇය පැසිෆියර් එක දරුවාට දෙනකොට කිසිම මොහොතක ඉන් එයාගේ පුංචි පුතාට මරණය ළඟා වෙයි කියලා හිතන්න නම් නැතිව ඇති.
නමුත් එය සිදුවී හමාරයි. වාර්තාවෙන ආකාරයට මේ අවස්ථාවේ දරුවා තොටිල්ලෙන් එළියට එන්නට උත්සාහ කර තිබෙනවා. දරුවාගේ අම්මා එය දකිනකොට දරුවා සූප්පුවේ පටියට සිරවී කොටු වෙලා ඉඳලා තියෙනවා. ඒ මොහොතේ ඇගේ දරුවන් හතර දෙනාගෙන් එක්කෙනෙක් ඇය පාසලෙන් රැගෙන ආවා විතරයි. ඇය එතනට යනවිට නිල්පාට වූ දරුවාගේ සිරුර දැකලා ඇයට සිහි නැතිව ගියා.
නමුත් පැසිෆියර් එකකින් දරුවෙකුට මරු කැඳවයි කියලා කවුද හිතන්නේ. දරුවෙකු සනසන්න හදන සූප්පුව දරුවෙක් මරණයට පත් කරනවාද?
පැසිෆියර් එකකින් ඇති ප්‍රයෝජන
- නොසන්සුන් දරුවන් සන්සුන් කරයි
මෙය හැම දරුවෙකුටම අදාල කරන්න බැහැ. නමුත් සමහර දරුවන්ගේ තනිකම නැති කරන්න ඔවුන්ට ආරක්ෂාව දැනෙන්න ඔවුන් පැසිෆියර් එකට පුරුදු වෙනවා.
- පාවිච්චි කර විසි කරන්න පුළුවන්
ඔබේ දරුවා පැසිෆියර් එකට පුරුදු වුනත් එය විසිකර දමන්න පුළුවන්. නමුත් ඇඟිල්ල හෝ කකුලේ ඇඟිලි උරන්න හුරු වුනොත් එය විසි කරන්නවත් ඉන් ගැලවෙන්නවත් අමාරුයි.
- කෙටි කාලයකට අවධානය වෙනතකට යොමු කරන්න
දරුවාට ඇඳුමක් ඇන්ඳවීමට නැතිනම් එන්නතක් දීමට සූදානම් වන්න. මොහොතකට ඔහුගේ අවධානය වෙනතකට යොමු කරන්න මෙය යොදාගන්න.
පැසිෆියර් එකකින් වන පාඩු
- දරුවා එයට පුරුදු වෙන්න පුළුවන්
දරුවා නිදියන්නෙත් එය සමගම නම් නැවත නැගිට අඬන අවස්ථාවන් වල අවධානයෙන් සිටීම වැදගත්.
- දත්වල ගැටළු වලට පාර කපනවා
පැසිෆියර් එකක් නිසි කාලයේදී දරුවාගෙන් වෙන් නොකළහොත් ඔවුන්ගේ දත් ඉදිරියට ඒමට ඉඩ තියෙනවා.
පැසිෆියර් එකක් දෙන විට කළයුතු නොකළයුතු දේවල්
- හැම හේතුවකටම පැසිෆියර් එක දෙන්න එපා
සමහර විට හැමවිටම දරුවා එය ඉල්ලුවත් කිරි දීම අතර තුර එය නවත්වන විට පැසිෆියර් එක දෙන්න ඔබට පුළුවන්.
- නිසි පැසිෆියර් එකක් තෝරා ගන්න
සිලිකන් හා නිතර සේදීමට හැකි ඒවා තෝරා ගැනීම හොඳයි. නමුත් කෑලි දෙකකට ඇති ඒවා අනතුරුදායක වෙන්න පුළුවන්. එහි කොටස් දරුවාට සිරවෙන්න පුළුවන්.
- දරුවා එය නොසොයයි නම් දෙන්න එපා
දරුවා සතුටෙන් තැබීමට මෙය යොදා ගන්නවා. ඔහු ඊට එතරම් කැමැත්තක් දක්වන්නේ නැත්නම් ඊට බලපෑම් කරන්න එපා. දරුවා නින්දෙන් එය පැත්තකට වැටෙයි නම් නැවත එය දෙන්න එපා.
නිතර ජීවානුහරණය කර එය වසා තබන්න.
දරුවාගේ බෙල්ලේ එතෙන ලෙස දමා ගැනීමට ඉඩ ඇති නිසා ඒ ගැන නැවත හිතන්න.
මොහොතකට දරුවාට වන අනතුරු වගේම ඊට ඇබ්බැහි වීමත් දරුවාට හානිකර වෙන්න පුළුවන්. නමුත් වයස 2 න් පමණ පසුව දරුවාව පැසිෆියර් එකෙන් ඈත් කිරීම ඉතා හොඳයි.
අනතුරු ගැන අතවනන ද්‍රව්‍ය ගැන මුල සිටම හඳුනා ගැනීම ඔබට සැනසුම ළඟා කරනවා. ඒ වෙනුවෙන් theAsianparent Sri Lanka මේ ලිපිය සුදානම් කළා.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිසංසලා ලියනගේ
