කොත්තමල්ලි කියන්නේ අපේ ගෙදර නිතර ගැවසෙන වගේම ඉතා අඩු මුදලකට වෙළදපොලේ හොයාගන්න පුළුවන් දෙයක්.
අපි ආහර පිසගන්න තුනපහ සදහාද එක්වෙන කොත්තමල්ලි ගැන මේ දවස්වල නිතර කථාවෙනවා.
කොත්තමල්ලි වල ඇති ප්‍රති ඔක්සිකාරක ගතිග්‍රණ නිසා ඔබගේ සිරුරේ ප්‍රතිශක්තිකරණය වඩවන්න එයට පුළුවන්.
කොත්තමල්ලි වල විටමින් C හා විටමින් B අඩංගු වන අතර කොත්තමල්ලි කොළවල යකඩ, මැග්නීසියම්, මැංගනීස් සහ විටමින් ඒ, බී, සී අඩංගු වෙනවා.
ශ්‍රී ලාංකික අපි කොත්තමල්ලි ආහාරයට ගන්න ක්‍රම
- කුළුබඩුවක් ලෙස ආහාර පිසීමට භාවිතා කරමින්
- පානයක් විදියට
- ඖෂධයක් විදියට ඖෂධ සකස් කිරීමේදි
කොත්තමල්ලි වල ගුණ
- ආහාර ජීරණ පත් පද්ධතිය නිසි පරිදි ක්‍රියා කරවා ආහාර දිරවීමේ පහසු කරයි.
- උෂ්ණ කාලයට කායික සිරුර සිසිල් කරයි.
- ඊයම් ආසනික් රසදිය වැනි සිරුරට අහිතකර බැර ලෝහ වර්ග සිරුරින් ඉවත් කරයි.
- ආහාර රුචිය වැඩිකරයි.
- සෙම්ප්‍රතිශ්‍යාව,උණ,ඇගපත වේදනාව, අම්ල පිත්ත රෝග, බඩේ අජිර්ණය , උණ අතිසාරය, සමේ ඇතිවන කුෂ්ඨ සදහා සුවය සලසයි.
- පුරුෂයන්ගේ ධාතු ශක්තිය වැඩි කරවයි.
- කාන්තාවන්ගේ මාස්ශුද්ධියේදි සිදුවෙන අධික රැධිර වාහනය පාලනය කරයි.
- විෂ බීජ නාශකයක ගුණ සහිතයි.
- ආතරයිට්ස් රෝගය සුව කිරිමට උපකාරි වෙයි.
- අක්මාවේ පිත නිෂ්පාදනයට උපකාරි වෙයි.
- සමේ ඇතිවන කුරුලැ කළැල් නැති කරයි.
- මානසික ආතතිය දුරුකරයි
- සම පැහැපත් කිරිමේ හැකියාව සහිතයි.
- බඩ පුරවා දැමිම වළක්වයි.
- හෘද රෝග සමනය කරයි.
- දියවැඩියාව පාලනය කරයි.
- කොලෙස්ටරෝල් පාලනය කරයි.
- මුත්‍රා ආසාදන සදහා සුදුසුයි.
- මුඛයෙන් හමන දුගද නැති කරයි.
ශරිරයට අවශ්‍ය පෝෂණ ගුණාංග පවා ලබාදීමේ හැකියාවක් කොත්තමල්ලි සතුයි.
මවගේ මිය යෑම නිසා හෝ වෙනත් හේතුවක් නිසා මව්කිරි නොලැබී යන ළදරුවන්ට අතිතයේ දී ලබාදුන් ආහාරය වූයේ කොත්තමල්ලී තැම්බූ වතුරයි.
නිවසේ සිටින සිංහල හෙළ ඔසු
ඉස්සර ගම් වල අම්මලාගේ ගෙවල් වල ලිපේ නිතරම කොත්තමල්ලි මුට්ටියක් නටවනවාලු.
සමාජය දියුණුවත් එක්ක ගම්, නගර බවට පත් වෙද්දි කොත්තමල්ලී වැනි වටිනා ඖෂධ අපේ භාවිතයෙන් දුරස් වී ගියේ නියැතිනි.
කොත්තමල්ලි වල තිබුන ප්‍රතිශක්තිකරණය ඉහළ නංවන ගුණ නිසාමදෝ ඉස්සර ගෙවල් වල ළමයින් කිහිප දෙනෙක් හිටියත්, ඔවුන් අව්වේ, වැස්සේ හා පින්නේ දුවිල්ල එක්ක සෙල්ලම් කලත් නිතරම රෝගී වුනේ නැහැ.
දැන් අපේ ළමයි වගේ නිතරම ලෙඩ ගෙදර අරන් ආවෙත් නැහැ.
සනීපාරක්ෂාවත් එහෙමට දියුණු නොවු අතීතයේ සිටි දරුවන් පොඩ්ඩට හෑන්ඩ් වොෂ් දා අත පය සෝදා සිටින දැන් දරුවන්ට වඩා නිරෝගීව හිටියේ කොහොමද?
එයට ප්‍රධාන හේතුව වන්නේ අපි ගන්නා ආහාර රටාවේ වු ප්‍රධාන ගනයේ වෙනස්කම්.
ඉස්සර අම්මලා දරුවන්ට නිතර හදලා බොන්න දුන්න කොත්තමල්ලි අදුරන්නේ නැති සමාජයක අපි දරුවන්ගේ ප්‍රතිශක්තිකරණය වැඩි කරන විදි හා විටමින් වර්ග ගැන හිත හිත ලතැවෙනවා.
ආච්චිලා නම් කියන්නේ සතියට දෙතුන් වතාවක් බබාට කොත්තමල්ලි හදලා පොවනවා නම් එයාලා ලෙඩ වෙනවා අඩුයි කියලා.
වෙළද පොලේ පහසුවෙන් සොයා ගත හැකි මෙය ඉතාම ලාභදායකයි.
හොදින් පිරිසිදු කල කොත්තමල්ලි පිරිසිදු වතුර දමා නටවා ගන්න. ඉන්පසු එයට සිනී ටිකක් එකතු කල විට පානයට ගත හැකියි.
අවශ්‍ය නම් ඔබට මෙයට ඉගුරු කැබැල්ලක් එක් කර රසය මෙන්ම ගුණයද ඉහළ නංවාගන්න පුළුවන්.
බබාගේ කෑම එකට කොත්තමල්ලි අඩංගු තුනපහ යහමින් එකතු කරන්න.
මෙම කොත්තමල්ලි පානය බබාට පමණක් නොව වැඩිහිටියන්ටද ගුණදායක බව අමතක නොකරන්න.
ඔබට මේ සම්බන්ධව අදහස් දැක්වීමට අවශ්‍ය නම් හෝ ගැටලුවක් ඇතිනම් පහතින් සටහනක් යොදන්න.
මුලාශ්‍ර - Web MD, silumina , vidathanet, jeevithya
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
