පර්යේෂණයකින් පෙන්වා දී ඇත්තේ සහෝදරියන් නොමැති පුරුෂයන්ට වඩා සහෝදරියන් සිටින පුරුෂයන් හැගීම් අතින් වඩා සුරක්ෂිත බවයි. ඒ වගේම, සහෝදරියන් සිටින කාන්තාවන්ට සමාජ සැකසුම් තුළ වඩා විශ්වාසනීය වන බවක් පෙනේ.
ඔන්න දැන් ඔයාගේ සහෝදරියව වැළදගන්න එපා. පර්යේෂණයේදී සහසම්බන්ධය හේතුවක් ලෙස අදහස් නොවේ. එනම් සහෝදරියක සිටින අය හැගීම් වලින් සුරක්ෂිතව සිටින පුද්ගලයන් බව ඔප්පු වී නැත. එයින් අදහස් වන්නේ ඒවා අතර සම්බන්ධතාවයක් ඇතිවීමට හොද ඉඩක් ඇති බවයි.
කෙසේ වෙතත් පර්යේෂණය පැහැදිලි නමුත් අධ්‍යනය වලින් පෙන්වා දෙන්නේ සහෝදරියක් සිටිමෙන් ඔබේ සමස්ත මානසික සෞඛ්‍ය කෙරෙහි ධනාත්මක බලපෑමක් ඇති වන බවයි. දිගුකාලීනව එය කාරුණික ගුණාංග ඇති කරනවා.
සහෝදරියන් සිටින පුරුෂයන් වැඩි වැඩියෙන් විවෘත වේ.
අධ්‍යනයකදී ඔල්ස්ටර් විශ්ව විද්‍යාලයේ මනෝවිද්‍යාඥයින් විසින් වයස අවුරුදු 17 සිට 25 දක්වා පිරිසකගේ මානසික සෞඛ්‍ය පරීක්ෂා කර ඇත.
අඩුම තරමින් එක් සහෝදරියක් සමඟ හැදී වැඩුණු පුදගලයින් අඩු කනස්සල්ලක් සහිත අභියෝගවලට හොඳින් මුහුණ දෙන සහ සතුටින් සිටින අය බව අධ්‍යනය සොයාගත්තා.
එක් පර්යේෂකයෙකු පවසන පරිදි, සන්නිවේදනය නංවාලීමට සහෝදරියන් සහය වෙනවා මෙන්ම ඔවුන්ගේ හැඟීම් වලින් ඔවුන්ගේ සහෝදර සහෝදරියන්ට වැඩි සැනසිල්ලක් ලබාදෙනවා.
සහෝදරියන් සිටින පුද්ගලයන් මිනිසුන් සමග හොද සහසම්බන්ධතාවයක් පවත්වන බවත් ඔවුන් පැහැදිලි ඉලක්ක ඇති ස්වාධීන පුද්ගලයන් බවත් පෙනේ.
පර්යේෂකයන්ගෙන් එක් අයෙකු වන මහාචාර්ය ටෝනි කැසිඩිට අනුව , "සහෝදරියන් වැඩි වැඩියෙන් විවෘත සන්නිවේදනයට සහ පවුලේ සංහිඳියාවට දිරිගන්වන බව පෙනී යයි."
සහෝදරියන් සිටින පුරුෂයන්: හොඳ මානසික සෞඛ්‍යය
"කෙසේ වෙතත්, සහෝදරයන්ට විකල්ප බලපෑමක් ඇති බවක් පෙනේ. හොඳ මානසික සෞඛ්‍යය සඳහා හැඟීම් ප්‍රකාශය මූලික වන අතර සහෝදරියන් සිටීමෙන් මෙය පවුල තුල ප්‍රවර්ධනය කරයි" යයි කැසිඩි පැවසුවා.
"පිරිමි ළමයින්ට දේවල් ගැන කතා කිරීමට ස්වාභාවිකව ප්‍රවණතාවක් නැති වුවත් , පිරිමි ළමුන් සමඟ එකට හිටියත් කතා නොකර නිහඩව ඉන්නවා වුනත් ගැහැනු ළමයින් සිටින විට එම නිහඩතාවය බිද වැටෙනවා."
මෙම සොයා ගැනීම දෙමව්පියන් වෙන් වු පවුල්වල වඩා වැඩියෙන් දක්නට ඇති බව කැසිඩි පැවසී ය. දුෂ්කර අවස්ථාවලදී එම පවුල් හා දරුවන්ට උපකාර කරන පුද්ගලයන් විසින් මෙම සොයා ගැනීම් භාවිතා කළ ඇති අතර, බොහෝ පිරිමි ළමුන් සිටින පවුල් සමඟ කටයුතු කරන ආකාරය පිළිබඳ අප සැලකිලිමත් විය යුතුය. "
සහෝදරියන් සිටින පුරුෂයන්: හොඳ සන්නිවේදකයන්.
පර්යේෂණයට අනුව සහෝදරියන් සිටින පුරුෂයන් කාන්තාවන් සමඟ කතා කිරීමේදී දක්ෂ වේ. සාමාන්‍ය ව්‍යවහාරයට අනුව අවම වශයෙන් එක් සහෝදරියක සිටින අය දික්කසාද වීමට ඇති ඉඩ අඩු වේ.
එක් දරුවෙකුට වඩා වැඩි ප්‍රමාණයක් සිටි පවුල් 395 ක් සමග බ්‍රිග්හම් යන්ග් විශ්ව විද්‍යාලයේ මෙවැනි අධ්‍යනයකට අනුව සහෝදරියක් සිටීමෙන් අනාදරය, තනිකම, අනාරක්ෂිතබව, වරදකාරිත්වය සහ බිය වැනි ඍනාත්මක හැඟීම් සමඟ සටන් කළ හැකි බවයි.
සහෝදරියකගේ සෙනෙහස ලැබීම තුලින් පරාර්ථකාමි හා ත්‍යාගශීලී වීමට වැඩිහිටියන් වශයෙන් පුද්ගලයන් දිරිමත් කරන බව අධ්‍යනය පෙන්වා දුන්නා.
ඒ වගේම සහෝදරයෙක් සිටීමද වාසිදායක වන බව පර්යේෂණයෙන් පෙන්වා දුන්නා . නමුත් ඒ සම්බන්ධතාවය සටන් අඩු වී හා වඩා ආදරණීය වන තාක් කල් පමණි.
අඩු මානසික පීඩනය
මෙම අධ්‍යනයේ ප්‍රධාන කතුවරයෙක් වන ලෝරා පඩිලා වෝකර් මෙසේ පැවසුවා, "සහෝදරියක් සිටීමෙන් පමනක් මානසික පීඩනය අඩු වේ."
"ස්ත්‍රී හෝ වේවා පුරුෂ හෝ වේවා සහෝදර සෙනෙහස සමග අඩු වැරදි හැසිරීම් හා කරුණාව හා ත්‍යාගශීලී බව, ස්වේච්ඡා සේවය හා අනිත් අයට උදව් කිරීම වැනි වැඩි පුර්ව සමාජීය හැසිරීම් සම්බන්ධ වෙනවා," ඇය පැවසුවා.
සහෝදරියන් නිතරම විශ්වාස කල හැකි නිසා ඔවුන් සහෝදරත්වයේ කාර්යභාරය මනාව ඉටු කරයි. ඔවුන් අවසානයේදී යෞවනත්වයේ සිට වැඩිහිටි විය දක්වා විශ්වාසවන්ත උපදේශකයන් බවට පත් වෙයි.
සහෝදර සහෝදරියන් අතර සියල්ල හොදින් සිදුවේ නම් සහෝදරියන් ස්වභාවයෙන් විශ්වාසවන්තයින් හා දිගුකාලීන මිතුරන් විය හැකිය.
සහෝදරියන් සිටින පුරුෂයන් ගැන මේ ලිපිය ඔබ වෙත ගෙන ආවේ the Asianparent Sri Lanka විසිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
