දරුවන් ශාරීරිකව වර්ධනය හා හැදීම සිදුවෙනවා වගේම මානසිකව ඔරොත්තු දීම සදහා ඔවුන්ගේ මොළයේ පේශින්ද වර්ධනය වෙනවා. ඒ නිසා ළමා මනස ශක්තිමත් කිරීම සිදුුු යුතුයි.
සාමාන්‍යයෙන් දරුවන්ගේ ශාරීරික ශක්තිමත් භාවය වර්ධනය වීමට සාපේක්ෂව මනසින් සවිමත් දරුවන් හැදීම සදහා අවධානය යොමුවෙනවා අඩුයි.
නමුත් නිතර අවධානයට ලක් නොවන දෙය වන්නේ මනසින් සවිමත් දරුවන්ට ජීවිතය පහසුවෙන් ගත කිරීමට ඉහල හැකියාවක් ඇති බවයි.
සිංගප්පූරුවේ ළමා රෝග විශේෂඥයෙක් මෙන්ම මවක් වන වෛද්‍ය ෂැරන් පවසන අන්දමට දරුවන්ගේ ශාරීරික ගැටළු සම්බන්ධයෙන් තරුණ මව්වරුන් බොහෝ විට ඔවුන් වෙත ආවද, ඔවුන්ගේ ළමා මනසළමා මනස ශක්තිමත් කිරීම සම්බන්ධයෙන් විමසමක් කිරීම මදක් දුර්ලභ වේ.
සියල්ලටම පසු , ජීවිතයේ ප්‍රමා විද දරා ගැනීමේ ශක්තියක් නොමැතිව ප්‍රසන්න හා ශක්තිමත් වීමේ ඵලක් තිබේද?
ළමා මනස ශක්තිමත් කිරීම සඳහා දෙමාපියන්ට කලයුතු දේවල් මෙන්න
පහත පෙන්වා දී ඇති සුළු ක්‍රියා මගින් දෙමව්පියන්ට ඔවුන්ගේ දරුවන්ගේ මානසික ශක්තිය ගොඩනැංවිය හැකි බව විශේෂඥයින් පවසනවා.
1. යථාර්ථවාදීව සිතීමට දිරි ගන්වන්න.
දරුවන්ට ඔවුන්ගේ හැකියාවන් මෙන්ම සීමාවන් හදුනා ගැනීමට උදව් කරන්න.
යථාර්ථවාදී දැක්මක් තුලින් ඔවුන්ගේ පෞරුෂත්වය තේරුම් ගැනීම ඔවුන්ට තමන්වම තේරුම් ගැනීමට උදව් කරාවි. මෙය දරුවන්ට සාර්ථකත්වයේදී මෙන්ම අසාර්ථකත්වයේදීද සමබරව ප්‍රතිචාර දැක්වීමට දරුවන්ට උදව් කරාවි.
දෙමව්පියන් විසින් යථාර්ථයෙන් ඔබ්බට ගිය ඔවුන්ගේ අනුමාන හා නිගමන තේරුම් ගැනීමට දරුවන්ට සහය දැක්වීම අත්‍යාවශ්‍ය වෙනවා.
ඒ අතරම දරුවන්ට සත්‍ය වෙත ලගා වීමට උදව් කිරීම ඒ හා සමානව වැදගත් වෙනවා. මනසින් සවිමත් දරුවන් හොද සත්‍යවාදි වෙනවා.
දෙමව්පියන්ටත් මෙහිදී ලොකු කාර්‍යභාරයක් තියෙනවා. ඒ තමයි දරුවාව මෙහෙයවීම. ඒ වගේම ආදර්ශමත් වීම.
ආදර්ශමත් දෙමව්පියන්ගේ දරුවන් තම දෙමව්පියන්ව අනුගමනය කරනු ලබනවා.
2. ළමා මනස ශක්තිමත් කිරීමට ජයග්‍රහණයට වඩා ප්‍රයන්තය අරමුණු කර ගන්න.
දෙමාපියන් ඔවුන්ගේ දරුවන්ගේ ජයග්‍රහණය වෙනුවෙන් දිරිමත් කිරීමත්, ප්‍රසංශා කිරීමත් කරනවා වෙනුවට එය ඔවුන් යමක් සදහා ප්‍රයන්තයක් දැරිය යුතුයි. සෑම දෙයකම අවසානය ජයග්‍රහණය නොවන බව දරුවාට තේරුම් ගැනීමට දෙමාපියන් උදව් කල යුතුය. ජය පරාජය සම සිතින් විඳ දරා ගැනීමට දරුවන් කුඩා කල සිට පුරුදු පුහුණු කල යුතුයි.
- දරුවන් ප්‍රයන්ත දැරීමේ වැදගත් කම වටහා ගත් විට ඔවුන් පරාජයට බය නොවේ. ඔවුන් තව තව මනසින් ශක්තිනත් දරුවන් බවට පත් වේ.
ඒ වගේම අනෙක් අතට ජයග්‍රහණය පමණක් පමණක් අරමුණු කරගන්නා ප්‍රයන්ත නොදරන දරුවාගේ සාර්ථකත්වයට වගකීමක් නොලැබේ.
සමහර විට ඔවුන් ජයග්‍රහණය වෙනුවෙන් ඕනෑම වංචාවක් කිරීමට පෙළඹෙන්න පුළුවන්.
දෙමාපියන් දරුවන්ගේ ප්‍රයන්ත අගය කරන බව දරුවන්ට තේරුම් ගැනීමට සැලැස්වීමෙන් පසුකාලීනව ඔවුන්ගේ ජීවිතයේ අසීරූ අවස්ථා වල නොසැලී ඉන්නට එය උදව් වේ.
ළමා මනස ශක්තිමත් කිරීම ඵල දරන්නක් වන අතර කරුණාවෙන් හා ගෞරවයෙන් යුක්තව ප්‍රතිඵල පිළිගනියි.
හැම විටම ආදරණීය වචන වලින් ඔවුන්ගේ ප්‍රයත්න අගය කරන්න.
එවිට ඔවුන් හට ජීවිතයේ අසීරු අවස්ථා වලදී කෙලින් සිට ගෙන සිටීමේ ශක්තිය ලැබේ. එහෙමන්ම බාධක හමුවේ නොසැලෙන එඩිතර සිතක් ඇති වේ.
3. ඔවුන්ට හැගීම් කළමනාකරණය උගන්වන්න.
දරුවන්ට තමන්ගේ හැගීම් පාලනය කරන්නේ කෙසේද යන්න තේරුම් ගන්න උදව් කරන්න.
දරුවන්ගේ හැගීම් කළමනාකරණයට දෙමාපියන්ගේ මැදිහත් වීම සියල්ල නරක අතට හරවමින් දරුවන් යැපෙන්නන් බවට පත් කරයි.
ඔබේ දරුවාට තනිව අසීරු අවස්ථා හා ගණුදෙනු කිරීමේ හැකියාවන් ඇති කරගැනීමට උදව් කරන්න.
උදාහරණයක් ලෙස සමහර දරුවන්ට නර්තනය ඔවුන්ව සංසුන් කරන බව දැනෙන අතර අනෙක් දරුවන් ක්‍රීඩාවකට කැමැත්තක් දක්වන්න පුළුවන්.
නැත්නම් සමහර දරුවන් අසීරු අවස්ථ වල නිදා ගනී. ඒ කොයික උවත් දරුවාගේ තොරා ගැනීම අගයන්න.
ඒ අතරම දෙමාපියන් දරුවන්ව හැගීම් වලින් පීඩිත කිරීමට වඩා ඔවුන්ට සම්පුර්ණ හැගීම් පරාසය ඉගැන්විය යුතුය.
දෙමව්පියන් වශයෙන් සැම විටම තම දරුවා වෙනුවෙන් සිටින බව දැන්විය යුතු වේ. දරුවාගේ හඟීම් වලට වටිනාකමක් දිය යුතු වේ.
සුවපහසු නොවන හැගීම් වලට මුහුණ දීමට හා ඒ හා සමග කටයුතු කිරීමට ඉඩදීම මෙන්ම දිරිමත් කිරීම තීරණාත්මක වේ.
මව්වරුනි හා පියවරුනි , මනසින් සවිමත් දරුවන් ලොකු මහත් වී දක්ෂ වැඩිහිටියන් බවට පත්වේ.
ඔවුන්ගේ වර්ධනය වන අවධියේදී ලැබෙන ඔබේ සහයත් සමග මානසික ශක්තිය ලගා කරගනිමින් නිසැකවම ඔවුන්ට පසුකාලීන ජීවිතයේදී ඕනෑම අභියෝගයකට මුහුණ දීමට හැකිවේ.
මනසින් සවිමත් දරුවෙක් අනිවාර්යයෙන්ම දිනෙක ඔවුන්ගේ ජීවිතයට සාර්ථකව මුහුණ දේවී. මේ ආදරණීය මතක් කිරීම the Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
