ඔසප් චක්‍රය අක්‍රමවත් වීම කාන්තාවන් බොහොමයක් අත්විදින තත්වයකි. සමහර විට ඒ නිසා දරුවෙකු පිළිසිද ගැනීම පවා ප්‍රමාද වෙන්න පුළුවන්.
මේ ඒ හා සම්බන්ධ ප්‍රසව හා නාරි වෛද්‍ය සමන් හේවා මහතාගේ ලිපියකි.
මල්වර වීමේ සිට ආර්තවහරනය දක්වා ඔසප් වීම කාන්තාවන් චක්‍රයක් ලෙස සිදු වෙනවා.
මෙම කාලය දින 21 සිට 45 දක්වා වෙනස් වෙන්න පුළුවන්. නමුත් බොහෝ කාන්තාවන් හට මෙය දින 28ක් හෝ ආසන්න දිනකදී වෙනවා.
දින 21ට අඩුවෙන් හෝ දින 45ට වැඩියෙන් වීම සාමාන්‍ය තත්වයක් වන්නේ නැහැ.
ඔසප්වීම හදුනාගන්නේ යෝනිමාර්ගයෙන් රුධිර වහනය වීමත් සමගයි.
රුධිර වහනය ආරම්භ වූ දිනය චක්‍රයේ පලමු දිනයයි. මෙය පාලනය වන්නේ ශරීරයේ හෝමෝන මට්ටම වෙන්ස් වීම මගිනුයි.
හෝමෝන වල ප්‍රධාණ මද්‍ය්යස්ථානය වන්නේ හයිපොතැලමස කියය ප්‍රදේශයයි.
එමගින් නිපදවන GnRh කියන හෝමෝනය මහින් පිටියුටරි ග්‍රන්ථියේ හෝමෝන නිපදවීම පාලනය කරනවා.
මෙම හෝමෝන මට්ටම් චක්‍රාකාරයෙන් සිදුවම නිසා ඊට අනුරූපිව ඩිම්බ කෝෂ වල වෙනස් වීම් සිදු වෙනවා.
ඔසප් චක්‍රයේ මුල් දින 14 තුල ඩිම්බ කෝෂ වල ඩිම්බ මේරීම සිදු වෙනවා. මේ කාලය තුල ඩිම්බ කෝෂ වලින් ඊස්ට්‍රජන් නම් හෝමෝනය නිපදවනවා.
එමගින් ගර්භාෂයේ ඇතුලත බිත්තිය මත කලලයක් හට ගැනීමට සුදුසු ලෙස හැඩගැහෙනවා.
14 වන දිනය වනවිට ඩිම්බ කෝෂ වලින් ඩිම්බයක් පිටවෙනවා.
පසුව ඩිම්බ කෝෂයේ ඩිම්බය පිට්වූ ස්තානයෙන් දිගටම තව දින 10ක් පමන ප්‍රොජෙස්ටරෝන් හෝමෝන නිපදවිම සිදු වනවා.
පසුව මෙම සෛල හැකිලී යන අතර රුධිරයේ ප්‍රොජෙස්ටරෝන් හෝමෝන මට්ටම අඩු වෙනවා.
මේ නිසා ගර්භාෂයේ ඇතුලත බිත්තිය බිදවැටී රුධිර වහනය ආරම්භ වනවා.
ඔසප් චක්‍රය අක්‍රමවත් වීම සදහා හේතු
මෙම හෝමෝන චක්‍රය විවිධ හේතූන් හා සංකූලතාවයන් හේතුවෙන් හා ඔබේ නොසැලකිලිමත් බව නිසා වෙනස් වෙන්න පුළුවන්.
- අධික ලෙස ව්‍යායාම කිරීම හා මානසික ආතතිය නිසා මොලයේ හයිපොතැලමස ප්‍රදේශයේ හෝමෝන නිපදවිම අක්‍රමවත් වී ඔසප් චක්‍රය අක්‍රමවත් වෙන්න පුළුවන්.
- සිරුරේ බර අධික ලෙස වැඩිවුණොත් මේද ස්තර වලින් නිපදවන රසායන නිසාත් මෙම හෝමෝන ක්‍රියාකාරිත්වය අසමතුලිත වෙන්න පුළුවන්.
- ඒ වගේම ඩිම්බ කෝෂ හෝමෝන වලට ප්‍රතික්‍රියා නොදක්වන රෝග තත්වයන් polycystic ovarian syndrome වැනි තත්ව නිසාත් ඔසප්වීම වෙනස් වෙන්න පුළුවන්.
- ඩිම්බ කෝෂ වයසට කලින් අකර්මණ්‍ය වීම නිසාත් සමහර විට ඔසප්වීම වෙනස් වෙන්න පුළුවන්.
ඔබේ ඔසප් චක්‍රය අක්‍රමවත් නම් එය දරුවෙකු පිලිසිද ගැනීමට බාධාවක් වෙන්න පුළුවන්.
ඔබ දරුවෙක් අපේක්ෂාවෙන් සිටිනම් මෙයට අනිවාර්යයෙන් වෛද්‍යවරයකුගේ උපදෙස් ලබාගැනීම ඉතා වැදගත්.
නමුත් දරුවන් බලාපොරොත්තු නොවන තරුනියක්නම් ඔසප් චක්‍රයේ සුලු වෙනස්කම් පිලිබඳව බිය විය යුතු නැහැ.
මන්ද අසාමාන්‍ය ලෙස හැගීම් සිරකරගෙන සිටීම මෙයට බලාපාන්න පුළුවන්.
නමුත් ඔබට මාස තුනකට වඩා ඔසප්වීම ප්‍රමාදනම් සමහරවිට ගර්භාෂයේ පිලිකා තත්ත්වයක් වීමට ඉඩ තිබෙන නිසා එවන් අවස්තාවකදී ඔබේ යෝනිමාර්ගය වෛද්‍යවරයකු ලවා පරීක්ෂා කරගෙන අවශ්‍ය උපදෙස් ලබාගන්න.
සැ: යු . ප්‍රතිකාර ඔසප්වීම අක්‍රමවත් වීමට බලපා ඇති හේතුව අනුව වෙනස් වෙන්න පුළුවන්.
ඒ නිසා මෙන්සස් වෙන්න වෙනත් කෙනෙකු ගත් හෝ වෙනත් කෙනෙකු ගත් බව කියන ඖෂධ ගැනීම සුදුසු නැහැ.
ඖෂධ ලබාගැනීමට අනිවාර්යයෙන් වෛද්‍යවරයකුගේ උපදෙස් මත සිදු කිරීමට මතකයේ තබාගන්න.
පරීක්ෂා කිරීමෙන් තොරව ඖෂධ හිතුමතේ ලබාගැනීම අනතුරුදායකයි.
බොහෝවිට මේ සදහා නිර්දේශ කරන්නේ ප්‍රොජෙස්ටරෝන් හෝමෝන අඩංගු ඖෂධයක්.
එම ඖෂධ ගෙන නතර කල පසුව රුධිර වහනය වෙනවා.
නමුත් හෝමෝන ප්‍රතිකාර මගින් ඔසප් වීම නැවත අක්‍රමවත් වීම වලකාලීමට නොහැකියි. එම නිසා මෙයට මුල් වූ හේතූන් පරීක්ෂා කර ඒ අනුව ප්‍රතිකාර කිරීම වැදගත්.
වෛද්‍යතුමන්ගේ මුල් ලිපියට
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය
