Hubby's kitchen වෙතින් හවස තේ වේලාවට රසවත් රෙසපි 4 ක්

1. හවසට කෙටි කෑම: Burrito

නම අහපු ගමන් දන්නවා ඔයාලා taco bell එකේ burrito එකේ රස. මේක මම මස් මාලු නොදා හදන්නේ ඔනිම කෙනෙක්ට කන්න පුලුවන් විදියට.

ඔයාලට ඕනි නම් චිකන් එහෙමත් ෆිලින් එකට දාලා හදන්න පුලුවන්.

චිකන් grilled කරලා එහෙමත් දාන්න පුලුවන්. මික්ස්චර් එක ඕනිම විදියකට හදාගන්න නිදහස තියෙනවා

මුලින්ම පාන් පිටි 300g බදුනකට දාගන්න. ඒකට ලුණු කුඩු 3g, දාලා කලවම් කරගන්න.

තරමක් උණුසුම් වතුර වරින් වර එක් කරමින් අතින් අනමින් soft dough එකක් හදාගන්න.

ඒ dough එක cling wrap එකකින් ආවරණය කරලා විනාඩි 20ක් තියෙන්න අරින්න.

ඒ විනාඩි 20 තුල අපිට කරගන්න වැඩ ගොඩාක් තියෙනවා.

රොටිය ඇතුලට දාන ෆිලින් එක හදාගන්න ඕනි නෙ. හරි එහෙනම් අල ගෙඩියක් අරන් පොතු ඇරලා ඒක රවුම් සිහින්ව පෙති කපාගන්න.

නැවත ඒ පෙති ටික ඉතා සිහින්ව දික් අතට පටි ලෙස කපා ගන්න. දැන් ඒ ටික සීතල වතුරේ දාලා හෝදලා අරන් බදුනකට දාගන්න.

ඊට පස්සේ කැරට් අලයකින් බාගයක් අරන් ඒ ආකාරයටම ඉතා සිහින් දිග පටි කපාගෙන ඒ ටිකත් වෙනම බදුනකට දමාගන්න.

කොළ පාට බෙල් පෙපර් ගෙඩියක් අරන් ඒකත් සිහින්ව පටි ලෙස කපාගෙන බදුනකට දමාගන්න.

දැන් non-stick saucepan එකකට තෙල් මේස හැදි 2-3 වගේ දාලා රත් වෙනකොට මුලින්ම අර කපාගත්ත කැරට් ටික දාලා කලවම් කරමින් ෆ්‍රයි කරගන්න.

ටික වේලාවක් පිසෙනකොට කපාගත්ත අල ටික ඒකටම එකතු කරලා කලවම් කරමින් පිසගන්න.

ලුණු කුඩු 2g වගේ එකතු කරලා නැවත කලවම් කරගන්න.

Soy sauce තේ හැදි 2, ඔයිස්ටර් සෝස් තේ හැන්දකුත් එකතු කරලා හොදින් කලවම් කරමින් ෆ්‍රයි කරගන්න.

දැන් ඒකට විනාකිරි තේ හැන්දකුත් එකතු කරගෙන ඉන්පස්සේ අර කපාගත්ත බෙල් පෙපර් ටිකත් දාලා හොදින් පිසගන්න

ඒ විදියට පිසගත්ත ෆිලින් එක වෙනම බදුනකට එකතු කරලා පසෙකින් තියාගන්න නිවෙන්න.

දැන් අර විනාඩි 20ක් තිබ්බ ඩෝ එකේ වෙලාව හරි.

දැන් dough එක එලියට අරන් නැවත වරක් අනලා දිග පතෝල කරලක් වගේ මහතට knead කරගන්න.

ඊටපස්සේ පිහියකින් කොටස් වලට වෙන් කරගන්න. දැන් එහෙම වෙන් කරගත්ත එක කොටසක් රවුම් බෝලයක් වගේ ගුලි කරගෙන ඒක මත රෝලින් පින් එක තියලා ගොඩාක් තුනී රවුම් හැඩයේ රොටි හදාගන්න.

ඔක්කොම එහෙම හදාගෙන ඉවර වෙලා, එක රොටියක් අරගෙන උඩ පෘෂ්ඨයෙ තෙල් ආලේප කරලා තව රොටියක් අරන් ඒක උඩින් තියන්න.

ඒකෙත් උඩ තෙල් ආලේප කරලා තව එකක් තියන්න. ඔය විදියට රොටි 3 හෝ 4 එකමත එක තියලා හදාගන්න.

ඒත් අවසානයට තියෙන රොටියේ උඩ පෘෂ්ඨයෙ තෙල් ආලේප කරන්න එපා. දැන් එහෙම හදාගත්ත ඝනකම් රොටියේ උඩින් රෝලින් පින් එක තියලා තුනී කරගන්න.

අනිත් ඒවයිනුත් ඒවගේ රොටි හදාගන්න ඔයාලට පුලුවන්.

කොහොමහරි ඔහොම තුනී කරගත්ත රොටි ටික හුමාලයට ඔරොත්තු දෙන පිගානක් මත තියලා හුමාලයෙන් තම්බාගන්න ඕනි විනාඩි 10 විතර.

ඊට පස්සේ ඉවතට අරන් රොටි සියල්ල එකමත එක සිටින සේ තියෙද්දී සෝස් පෑන් එක ඒ රොටි මත තියලා ඒකේ ගානට පිහියකින් කපලා වටේ ඉවත් කරගන්න.

ඊට පස්සේ රොටි ටික ගලවලා එකින් එක වෙන් කරගන්න නිකන් පරාටා වගේ.

ඒත් ඊට වඩා ගොඩාක් තුනී. දැන් එක සමාන තුනී රොටි 8-10 විතර ඔයාලා ලග තියෙනවා.

දැන් එක රොටියක් අරන් ඒකේ එක කෙලවරකට වෙන්න අර කලින් අපි හදාගත්ත ෆිලින් එකෙන් ටිකක් දාලා, රොටියේ ෆිලින් එක දාපු side එකෙන් එක වටයක් රෝල් කරලා, රොටියේ දෙපැත්තෙන් ඇතුලට නවන්න.

ඉන්පස්සේ ඉදිරියට රෝල් කරගන්න. ඔය විදියට හැම රොටියකටම ෆිලින් එක දාලා රෝල් කරගන්න.

රොටි ටික ෆිලින් දාලා හදාගත්තාට පස්සේ non-stick sauce pan එකකට තෙල් මේස හැදි 2-3 දාලා (deep fry කරන්න නෙමෙයි නිසා පොඩ්ඩක් ඇති) අර රෝල් කරගත්ත රොටි සියල්ල හරව හරවා ෆ්‍රයි කරගන්න

2. හවසට කෙටි කෑම: කරස් ගාලා රසට හැපෙන්න Vegitable Spring Rolls

කරස් ගාලා රසට හැපෙන්න Vegitable Spring Rolls ලෙහෙසියෙන්ම ගෙදරදී හදාගමු.

මේක හදන වෘත්තීමය ආකාර නම් ගොඩාක් තියෙනවා. ඒත් මේ ක්‍රමයට ලේසියෙන්ම ගෙදරදී හදාගන්න පුලුවන්.

බොහෝ දෙනෙකුගේ ඉල්ලීම නිසාම මේ රෙසිපිය ගෙනාවේ වෙජිටේරියන් අය වෙනුවෙන්මයි. Fab එකේ තියෙන Vegitable Spring Rolls වගේම රසයි මේකත්.

හරි මුලින්ම non-stick pan එකකට තෙල් මේස හැදි 2 දාගන්න.

තෙල් ටික රත් වෙනකොට සිහින්ව කපාගත් බීළුණු මේස හැදි 2ක් පමණ දාලා විනාඩි දෙකක් පමණ රන් වන් පාට වෙනකම් බැදගන්න.

ඉන්පස්සේ ඒකටම සාමාන්‍ය ප්‍රමාණයේ කපාගත් තක්කාලි ගෙඩියක් එකතු කරගන්න.

කුඩා කොටස් වලට කපාගත් අල කප් 1/4 කුත් එකතු කරගන්න. ඒ විතරක් නෙමෙයි සිහින්ව ලියාගත් කැරට් කප් 1/4, කපාගත් අමුමිරිස් කරලක් එහෙමත් දාලා හොදින් කලවම් කරමින් පිසගන්න.

ඒකට ගාර්ලික් පවුඩර් තේ හැදි 1/4, ජින්ජර් පවුඩර් තේ හැදි 1/4, කහකුඩු, මිරිස් කුඩුත් ඒවගේම ප්‍රමාණයක්, රස අනුව ලුණු කුඩු ටිකකුත් එකතු කරලා, ආහ් තව ගම්මිරිස් කුඩු ස්වල්පයකුත් එක් කරගෙන හොදින් කලවම් කරමින් පිසගන්න.

ඉගුරු, සුදුළූණු පවුඩර් හොයන්න නැත්නම් තලලා පේස්ට් එක දාගන්න පුලුවන් මම කියපු ප්‍රමාණවලින්. මේ මිශ්‍රණයටම අවසානයේ green peas තේ හැදි 2, එකතු කරලා තවත් විනාඩි 10 පමණ පිසගන්න ඕනා.

ඒකටම සිහින්ව කපාගත් කොත්තමල්ලි කොල මේස හැන්දක් එකතු කරලා කලවම් කරගන්න. හරි අපි දැන් ෆිලින් එක හදලා ඉවරයි.

ඊලගට අපිට තියෙන්නේ ශීට්ස් ටික හදාගන්න. ඒකට බදුනක් අරන් ඒකට පිටි කප් 1/2, කෝන් පිටි කප් 1/4, ලුණුකුඩු ටිකක්, දාලා හොදට කලවම් කරගන්න.

ඉන්පසු වතුර කප් 3/4, අවස්ථාවන් කිහිපයකදී එකතු කරමින් කලවම් කරමින් උකු මිශ්‍රණයක් හදාගන්න.

ඒ හදාගත්ත පාන්පිටි මිශ්‍රණයෙන් මේස හැදි 3ක් කුඩා දීසියකට එකතු කරගෙන තියාගන්න වෙනම.

දැන් Non-Stick Rounded shape Pan එකක් අරන් තෙල් ටිකක් ආලේප කරගන්න.

තෙල් ආලේප කරපු පින්සලෙන්ම අර හදාගත්ත උකු මිශ්‍රණයෙන් pan එක මත රවුමට ආලේප කරගන්න.

ආලේප කරනවා මිසක් මිශ්‍රණය pan එකට වක් කරන්නේ නෑ. මොකද අපි මේකට හදාගන්නේ විනිවිද පේන තරම් තුනී ශීට්ස්.

ඒකයි පාන්පිටි මිශ්‍රණය පින්සලකින් ආලේප කරන්නේ. ආලේප කරන අතරතුර pan එක මද ගින්නේ තමයි තියෙන්න ඕනා.

තත්පර කීපයක් යනකොට ඔයාලට ශීට් එක ගලවාගන්න පුලුවන් වෙයි. එතකොට ඔයාලට ලැබෙන්නේ ඉතාමත් තුනී ශීට් එකක්.

ඔය වගේ ඔයාලට අවශ්‍ය ප්‍රමාණයට ශීට්ස් හදාගෙන වෙනම තියාගන්න.

දැන් ඒ ශීට් එකක් මතට අර ෆිලින් එකක් ටිකක් කොනකට වෙන්න දාලා දෙපසින් ඇතුළට නවලා ඉදිරියට රෝල් කරන්න ඔයාලා රෝල්ස් හදනකොට නවන විදියටම.

නවන්න කලින් ශීට් එක මත කලින් වෙන්කරගත් පාන් පිටි මේස හැදි 3න් ශීට්ස් මත ආලේප කර ගත්තාම නවනකොට පහසුවෙන් අලවාගන්න පුලුවන්.

එතකොට ගැලවෙන්නේ නෑ. ඊට පස්සේ deep fry කරගන්න. සෝස් ටිකක් එක්ක පිලිගන්වන්න පුලුවන්.