රැකියාවේ හෝ වේවා, නිවසේ හෝ වේවා, සමය හා සමගියට අකමැති කවුද? ඇත්ත වශයෙන්ම, සාමය සහ සතුට සඳහා ක්‍රියා කරන්නේ බිත්ති හතර නොව එය සහතික කරන්නේ එහි වාසය කරන පුද්ගලයින් විසිනුයි. කෙසේ වෙතත්, යම් ස්ථානයක සමගිය ඇති වන්නේ එය ස්වභාවධර්මයට අනුගත නම් හා අනුකූල නම් පමණි. එම අලනුකූලතාව පෙන්වන වාස්තු රහස් කිහිපයක් බලමු.
දැව, ජලය, වාතය, අවකාශය සහ ගින්දර යන මූලද්‍රව්‍ය පහේ අන්තර්ක්‍රියාකාරිත්වය සහ මහවස්තු බලශක්ති කලාප 16කින් ඔබේ නිවස සමන්විත වන බව ඔබ දැන සිටියාද?
මෙහි වඩාත් සිත්ගන්නා කරුණ නම්, ඔබ ඔබේ නිවසේ පසුබිම මනාව සකස් කර වාස්තු ශාස්ත්‍රාණුකූලව වෙනස් කළහොත්, ඔබේ ජීවිතය ධනාත්මකව වෙනස් කළ හැකි වනවා.
නිවස හා පරිසරය තුළ ශක්තීන්ගේ සමබරතාවය සමගිය පවත්වා ගැනීම සඳහා සලකා බැලිය යුතු ප්‍රයෝජනවත් වාස්තු රහස් කිහිපයක් මේ:
- ගෘහයේ ප්‍රධාන දොරටුව නිවසේ ශක්තිය විශ්ව ශක්තිය සමඟ සම්බන්ධ කරන බැවින්, එය නිසි ස්ථානයේ ඇති බව ඔබ සහතික කළ යුතුය. N4 (උතුරු වාස්තු කලාපය (north vastu zone)) හි උතුරු පිවිසුම නිවැසියාට ඔහුගේ පවුල සමඟ ඇති සම්බන්ධතාවය ශක්තිමත් කරන අතර එමඟින් ඔහුට මුදල් උරුම වේ. ප්‍රධාන දොරටුව බටහිර දෙසින් W6 (බටහිර-වයඹ- බටහිර වාස්තු කලාපය), නිවැසියන් මානසික අවපීඩනයට මුහුණ දෙන අතර සබඳතාවල අසාර්ථකත්වයක් අත්දැකීමට ඉඩ ඇත.
- ඔබේ අන්තර් පුද්ගල පවුල් සබඳතා සතුටුදායක නොවේ නම්, නිරිතදිග මහ වාස්තු (South-West) කලාපය දෙස හොඳින් බලන්න. මෙම කලාපය ඕනෑවට වඩා දිගු කර ඇත්නම්, කෙටි කර ඇත්නම් හෝ එවන්නක් නොමැති නම්, හොඳ සබඳතා ඇති කර ගැනීමට හා පවත්වා ගැනීමට විශාල දුෂ්කරතා ඇති විය හැකිය. මෙම කලාපයේ මේසය මත තබා ඇති පෙම්කුරුල්ලන් (love-birds ) යුගලයක් තැබීමෙන් ඔබගේ සබඳතාවලට සෙනෙහස හා ආදරය ගෙන ඒමට එය උපකාරී වේවි.
- ඔබගේ බැංකු, සේවා සහකරු ඇතුළු වෙනත් ආධාරක පද්ධති සමඟ ඇති කරදර අවම කරගැනීම සඳහා වයඹදිග (North-West) වාස්තු කලාපය පරීක්ෂා කරන්න. උතුරු වාස්තු කලාපය ගනුදෙනුකරුවන් සහ සේවාදායකයින් සමඟ සබඳතා පාලනය කරයි. රජය සමඟ ඔබේ සම්බන්ධතාවය වැඩි දියුණු කිරීම සඳහා අශෝක කණුවක් (Ashoka pillar) මෙම කලාපයේ මේසයක් මත තබන්න. සූර්යයාගේ සිනහවෙන මෘදු සිතුවමක් මෙම කලාපයේ බිම සිට අඩි හතක් ඉහළින් එල්ලා තැබිය හැකිය.
- හොඳ, දිගු කාලීන ගෘහස්ථ උපකාර ලබා ගැනීමට, ගිනිකොනදිග වාස්තු කලාපය (south-east vastu zone) සුදුසු විය යුතුය. නිවසේ උපකාර ලබා ගැනීම සඳහා පින්තූරයක් හෝ මල් බඳුනක් හෝ මෙම ප්‍රදේශයේ රඳවා තබා ගන්න. ඊසානදිග මානසික පැහැදිලි බවක් ලබා දෙන අතර දිව්‍ය විශ්වීය ශක්තිය සමඟ හොඳ සම්බන්ධතාවයක් ප්‍රවර්ධනය කරයි. එමනිසා, ඔබේ නිවසේ ඊසානදිග (North-East) වාස්තු කලාපය පිරිසිදුව, නිරවුල්ව තබාගෙන භාවනා කර එහි යාච්ඤා කරන්න. ඔබේ නිවස සහ ඔබ හොඳ සබඳතා ආකර්ෂණය කර ගනු ඇත.
නිවසේ වාස්තු දෝෂ නිසා චිත්තවේගීය අස්ථාවරත්වයක් ඇති විය හැකි අතර එමඟින් වරදවා වටහාගැනීම් හා බිඳවැටීම් ඇති වේ.
ස්ථාවර, සාර්ථක හා ආදරණීය විවාහ දිවියක් නිර්මාණය කිරීම සඳහා පහත දක්වා ඇති වාස්තු රහස් සහ නොකළ යුතු දේ අනුගමනය කරන්න.
1. මහ දොර පිවිසුම:
නිරිතදිග දිශාවට (SouthWest direction) පිවිසෙන ස්ථානය සැක සහිත ස්වභාවයක් ඇති කරයි. එහි සුදු පටියක් පින්තාරු කිරීමෙන් තත්වය ලිහිල් කරගත් හැක.
2. නිදන කාමරය:
නැගෙනහිර-නිරිතදිග (East-SouthEast) වාස්තු කලාපයේ පිහිටි නිදන කාමරය, අවුල්සහගත හා කාංසාවෙන් යුත් පරිසරයක් ඇතිකරන අතර, සුළු කාරණා අතහැර දැමීමට ඔබට ඉඩ නොදේ.
මෙය සහකරුවන් අතර නිතරම පදනම් විරහිත තර්ක හා මත ගැටුම් ඇති කරයි. හොඳම දෙය නම් එය උතුරට හෝ නිරිතදිගට මාරු කිරීමයි.
ඔබගේ නිදන කාමරයේ දිශාවට අමතරව පාටට හා එහි ඇතුලත සැකසුමටද මේ සදහා වැදගත් කාර්යභාරයක් ඉටු කරන්න පුළුවන්.
ඔබේ නිදන කාමරය නිවසේ දකුණු හෝ ගිනිකොන දෙසින් පිහිටා තිබේ නම්, ඔබ එහි වර්ණ ලෙස නිල්, අළු සහ කළු වර්ණ භාවිතා කිරීමෙන් වැළකී සිටිය යුතුය.
ඒ හා සමානව, නිරිතදිග දිශාවට කාමරය පිහිටා ඇතිනම් රතු, රෝස සහ කොළ වර්ණ ඒ සදහා යොදා ගැනීමෙන් වළකින්න.
ඔබේ කාමරයේ දරුවෙකුගේ පින්තූරයක් තැබීමට ඔබ අදහස් කරන්නේ නම්, එය දකුණු හා නිරිතදිග දිශාව අතර ප්‍රදේශය භාවිතා නොකරන්න.
3. වැසිකිළිය: වාස්තු රහස්
නිවසේ නිරිතදිග කලාපයේ වැසිකිළියක් තිබීම සහකරුවන් අතර සමගිය කෙරෙහි බලපායි. එය ආදරය හා සබඳතාවල වාස්තු කලාපය වේ. විසඳුම වන්නේ වැසිකිළියේ බිත්ති කහ පැහැයෙන් පින්තාරු කිරීමයි.
4. මුළුතැන්ගෙය:
රෝස, රතු සහ තැඹිලි පාට තීන්ත වලින් බිත්ති පැහැ ගැන්වීමෙන් වළකින්න. එය උතුරු නැගෙනහිර (NorthEast) නම්, එය කෙටි කාලීන මානසික ආවේග වලට හේතු වේ.
5. කැඩපත:
හවුල්කරුගෙන් අපේක්ෂාවන් වැඩි කරන බැවින් කැඩපත නිරිතදිග (SouthWest) කලාපයේ බිත්තියක් මත තබා ගැනීමෙන් වළකින්න.
දැනටමත් එසේ තබා ඇත්නම්, එය රෙදි කඩකින් ආවරණය කිරීම පහසු සහ ප්‍රායෝගික වාස්තු විසඳුමක් ලබා දෙයි.
විවාහය හා සම්බන්ධ වාස්තු කලාපය ගැන සැළකීමේදී, බිත්ති රතු, රෝස සහ තැඹිලි පැහැයෙන් වර්ණ ගැන්වීම මගින් සහකරුවන් අතර උණුසුම් මත්ගැටුම් හට ගනී.
ඔවුන් කෙතරම් සුහද වන්නට හා ළං වන්නට උත්සාහ කර ආදරණීය අවස්ථා එකට ගත කිරීමට උත්සාහ කරන සෑම විටම උණුසුම් වාද විවාද ඇති වීමේ වැඩි ප්‍රවණතාවක් ඇත.
පරිපූර්ණ වර්ණය සුදු පැහැයක් ගනී. ආක්‍රමණශීලී හැසිරීම පාලනය කිරීම සඳහා, නිරිතදිග දිශා වාස්තු කලාපයේ කහ පැහැය පින්තාරු කරන්න.
වාස්තු ශාස්ත්‍රය හොඳින් ක්‍රියාත්මක වේ! ඔබේ නිවස පුදුමාකාර, සපුරාලන සබඳතා ආකර්ෂණය කර ගනු ඇත.
ප්‍රසාද් කුල්කර්නි මුම්බායි හි මහ වාස්තු හි වාස්තු විශේෂඥයෙක් සහ ප්‍රධාන විධායක නිලධාරියෙක් වේ.
ප්‍රසාද් කුල්කර්නි(Prasad Kulkarni) විසින් ලියන ලද ලිපියක් ඇසුරෙනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිලූෆ පෙරේරා
කවරයේ පින්තූර: indiatvnews.com
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
