දරුවන් රැකබලා ගන්නන් කියන්නේ සුවිශේෂී පිරිසක්. බොහොමයක් විට දරුවන් රැක බලා ගැනීමේ කටයුතු කරන්නේ මව හෝ පියා වන නමුත් අද ලෝකයේ ඔවුන් දෙපොළම රාජකාරි කටයුතුවල නිරත නම් එම කටයුතු ආච්චිට, සීයාට පවරයි.
ඉන් ඔබ්බට යන සමහරුන් මුදල්ගෙවා දරුවන් රැක බලා ගන්නෙකුගේ සේවය ලබා ගැනීම හෝ දිවා සුරැකුම් මධ්‍යස්ථායක සේවය ලබා ගැනීම සිදු කරයි.කොයි කවුරු කොහොම කීවත් මව, පියා හෝ ආච්චි, සීයා දරුවන් රැක ගන්න තරම් ආදරයෙන්, සුරක්ෂිතව එම රාජකාරියේ යෙදෙන්නට කාටවත්ම බෑ.
ඒ වගේම දරුවන් රැකබලා ගන්නන් තුල තිබිය යුතු සුවිශේෂී ලක්ෂණ පහක් මෙන්න:
1. ආදරණීය සිතක්
දරුවන් රැකබලා ගන්නෙකුට ලස්සන ආදරණීය සිතක් තිබීම අනිවාර්යයෙන්ම අවශ්‍ය වෙනවා .දරුවන්ගේ හිත් මල් වගේ.
ඒ වගේම දරුවන් හරිම අහිංසකයි .එයාලාට ආදරය ගොඩාක් ඕන කරනවා.එයාලාගේ දග වැඩ වලට තරහා ගන්න හොද නෑ. වරදක් කලහම ආදරයෙන් කියලා දෙන්න ඕනි.
ඒ ගොල්ලන්ගේ වැඩ කරදරයක් කියලා හිතන්න හොද නෑ. ඒ හැම වැඩක්ම ආදරයෙන් කරන්න ඕනී. පුංචි හිත කවදාවත්ම තලන්නේ නැති ආදරණීය රැකවරණයක් අවශ්‍යයි.
2. තීක්ෂණ ඇස්
දරුවන් හරිම දගකාරයි. කොයි වෙලාවේ මොනවා කරයිද කියලා කාටවත්ම කියන්න .එයාලට ඕන වෙලාවක අනතුරක් වෙන්න පුලුවන්.
ඒ ගැන ගොඩාක් විමසිල්ලෙන් ඉන්න ඕනී.පොඩ්ඩන්ගේ දහසකුත් එකක් වැඩ අස්සේ අවධානය එක අරමුණක ඇස් දෙක රදවන්න අමාරුයි.
ඒත් නිවසක අනතුරුදායක තැන් කොච්චර තියෙනවාද?ඒ හැම එකක්ම ආරක්ෂිතයැයි ඔබ සිතනවා අති.නමුත් ෂොපින් කවරයකට වුව ඔබගේ දරුවාගේ ජිවිතය අනතුරට ඇද දැමිය හැකි බව මොහොතක් සිතුවාද? කොතරම් වැඩ අධික වුවත් ඔබේ දෑස් විමසිලිමත් වීම අනිවාර්යයෙන්ම අවශ්‍යයි .
3. කාරුණික හදවතක්
ඒ වගේම තමයි දරුවන්ට කාරුණික වෙන්න අවශ්‍යයි .දග පොඩ්ඩන්ව හික්මවා ගන්න පුලුවන් කරුණාවෙන්ම තමයි.
ඔබගේ කාරුණික කම වචනයෙන් හා ක්‍රියාවෙන් දරුවන්ට පෙන්වන්න. ප්‍රිය වචන වලට දරුවන් වුනත් කැමතියි. ඔබ දරුවන්ට සැර වෙයි නම් දඩුවම් කරයි නම් දරුවන් තව තවත් මුරණ්ඩු වෙනවා.
4. අනන්ත වු කැපවීම
දරුවන් රැක බලා ගන්නෙක් හදවතින්ම ඒ සදහා කැප වෙන්න අවශ්‍යයි. ගොඩාක් වෙලාවට තමන්ට තමාවත් අමතක වෙනවා.
පොඩ්ඩන්ගේ කාර්‍යබහුල කාලසටහන අනුව ඔබට කන්න, බොන්න වෙලාවක් හොයා ගන්න අමාරු වේවි. ඔබගේ අනන්ත වු කැප කිරීම අනිවාර්යයෙන්ම අවශ්‍යයි.
5. රුකක් සේ නොසැලී සිටීම
මෙයින් අදහස් කරන්නේ දරා ගැනීමේ ශක්තිය වේ.එනම් ඔබේ ඉවසීමේ හැකියාව වේ. දරුවන් හා කටයුතු කරද්දී බොහෝ විට ඔබගේ උපදෙස් ඉක්මවා ඔවුන් තම අභිමතය මත කටයුතුද කරන්න පුලුවන්.
එවිට ඔබ ඉවසා කටයුතු නොකලහොත් එසේ නැත්තම් දරා නොසිටිය හොත් කිසිම දිනෙක ඔවුන් ඔබට සවන් නොදේවි. දරුවන් ඉවසීමෙන් හික්මවා ගත යුතුය.
