කුස්සියේ කබඩ් හැඩි වෙලාද. කොච්චර අස් කලත් කුස්සිය අස් වෙන්නේ නැද්ද?
කුස්සිය ලස්සනට තියාගන්න අගනා වීඩියෝවක් සමඟම ඔබ වෙත ගෙන එන්නේ අප සමඟ නිතර නිර්මාණශීලි අදහස් බෙදාගන්නා කුසලතාපුර්ව මවක් වන අනූෂා ජීවනී විසින් අපට කුස්සිය ලස්සනට තියාගන්න කියා දෙන කදිම අදහස් කිහිපයක්.
ශ්‍රී ලන්කන් මම්ස් සමුහයේ සමූහයෙන් අප හඳුනාගත් අනූෂා ජීවනී ඇගේ නිර්මාණශීලී ලිපි ඇයගේම Anu kitchen & home ෆේස්බුක් පිටුව හරහා ඇයගේ රසිකයින් සමඟ බෙදාගන්නවා.
ඉතින් ඇගේම වචන වලින් ඇගේ කුස්සියේ කබඩ් අස් පස් කර කුස්සිය අලංකාරවත්ව මෙන්ම පිරිසිඳුව තබාගත හැකි රහස් කිහිපයක් ඔබ හා බෙදාගන්නේ සතුටින්.
කුස්සිය ලස්සනට අස්පස් කරගෙන කුස්සියේ කබඩ් පිරිසිඳුව තියාගත හැකි ක්‍රම ංංක්
1. තුනපහ බෝතල්
මම Amazon ඒකෙ තුනපහ දාන්න බොක්ස් එකක් ගත්තා. ඔයාලත් ඒ බොක්ස් එක ගැන දන්නවා ඇති මම විඩියෝ එකක දැකලා මට ආස හිතුන නිසා මම ගත්තා.
ඒකෙ තුනපහ වර්ග 7 දාන්න පුළුවන් පියනකුත් තියනවා හරීම ලස්සනයි. ඔයාලටත් ඔන්ලයින් ගන්න පුළුවන් වෙයි.
මම තුනපහ වර්ග ටික ටික තමයි හදගන්නෙ.
මිරිස් කුඩු විතරයි ටිකක් වැඩිපුර හදලා ෆ්‍රිජ් එකෙ දාලා තියනවා.
බෝතලේට ටිකක් වෙන්න තමයි දාලා පාවිච්චි කරන්නෙ.
මාස 6 කට කලින් හදපු මිරිස් කුඩු අද හැදුවා වගෙ සුවඳ. Zip lock බෑග් එකෙ දාලා ෆ්‍රිජ් එකෙ දැම්මම මොකුත් වෙන්නෙ නෑ.
2. තෙල් ජාති ඇසිරීම
තෙල් ජාති මම විදුරැ බෝතල් වල තමයි දාලා තියන්නෙ. විදුරැ බෝතල් වල දැම්මම පිරිසිදු කරන්නත් ලේසි. මගෙ තෙල් ජාති ලිප ලඟ තමයි මම තියලා තියෙන්නෙ.
මගෙ කුස්සියෙ බඩු ගොඩාක් අඩු කරලා තමයි මම තියගන්නෙ. එතකොට උයන්න ගොඩාක් ලේසි. හැමදෙයක්ම කබට් වල දාලා තියලා තියනවා.
3. කිචන් ටවල් ස්පොන්ජ් ආදිය ඇසිරීම
කිචන් ටවල් ස්පොන්ච් වගෙ දේවල් මම ප්ලාස්ටික් බාස්කට් වල දාලා තියෙන්නෙ එතකොට මට ලේසියෙන්ම මට ඕනෙ දෙ මට ලේසියෙන්ම හොයගන්න පහසුයි.
ඇත්තටම මම හැමදෙයක්ම බාස්කට් වල තමයි දාලා තියෙන්නෙ. එහෙම දාන නිසා ලොකු පිලිවෙලක් තියනවා..
4. කෑම මේසය පිළිවෙලට මෙන්ම පිරිසිඳුව තබාගැනීම
මගෙ කෑම මේසය මම හැමවෙලෙම පිරිසිදුව තියන් ඉන්නෙ එකට හේතුව මගෙ දුව.
මම මේසය පිරිසිදු කරන්න විනාකිරි වලින් ස්ප්‍රෙ එකක් හදන් ඉන්නෙ මම ලියන්නම් ඒකත්.
කෑම කාලා ඉවර වුනාම මෙසය අනිවාර්යයෙන් පිරිසිදු කරන්න ඕනෙ ලමයි කන බොන නිසා.
මම මෙ විනාකිරි ස්ප්‍රෙ එකෙන්ම තමයි මගෙ කුස්සිය පිරිසිදු කරන්නෙත්.
එදිනෙදා උයනකොට තෙල් විසි වුනාම මම මෙ විනාකිරි ස්ප්‍රෙ එකෙන් තමයි පිරිසිදු කරන්නෙ.
5. කුස්සියේ සින්ක් එක
මගෙ සින්ක් එක මම කොහොමද පිරිසිදු කරගන්නෙ? මගෙ යාලුවෝ දෙන්නා තමයි මට උදව් කරන්නෙ.
විනාකිරි සහ බේකින් සෝඩා තමයි. මෙ දෙක දාලා විනාඩි 5 වගෙ තියලා හොඳට මදින්න. මම මාසෙකට සැරයක් වගෙ මදිනවා.
රෑට නින්දට යන්න කලින් අනිවාර්යයෙන් පිඟන් කෝප්ප ටික හෝදලා සින්ක් එක පිරිසිදු කරලා වතුර නැතුව පිහදාලා තමයි මම නිදාගන්නෙ.
එහෙම පිරිසිදු කරලා නිදාගත්තාම උදෙන්ම ලමයට කෑම හදන්න කුස්සියට ආවම කෑම හදන්නත් ආසයි.
පිඟන් කෝප්ප හෝදන ස්පොන්ච් එක වතුර පිටින්ම තියනවාද?
එහෙම නම් කරන්න එපා හෝදලා ඉවර වෙලා ස්පොන්ච් එකත් හෝදලා වතුර හොඳට මිරිකලා තමයි තියන්න ඕනෙ.
වතුර පිටින් තියලා ආයෙත් එ ස්පොන්ච් එක පාවිච්චි කඑනකොට කොච්චර අපිරිසුදුද?
6. කුස්සියේ කබඩ්
මගෙ පැන්ට්‍රි කබට් පිහදාන්නෙත් විනාකිරි ස්ප්‍රෙ එකෙන්මයි. අපි තෙත අත පිටින්ම කබට් අරිනවා එ පැල්ලම් එහෙමම හිටිනවා.
සති දෙකතුනකට සැරයක්වත් පිරිසිදු කරන්න. උයනකොට අනිවාර්යයෙන් අත පියන්න ලඟ ටවල් එකක් තියාගන්න.
මම වැඩි දෙයක් කියනවාට වඩා ෆොටො ටික බලන්නකො.. අවුරැදු 13 ගියත් අද හදුවා වගෙම මගෙ කුස්සිය මම තියන් ඉන්නවා.
කෑම හදලා එදිනෙදා පිරිසිදු කරනම් ඔයාලටත් ලේසි.. මගෙ කුස්සිය මම මෙ විදියට තමයි තියන් ඉන්නෙ මොකද කියන්නේ.
කුස්සියේ කබඩ්, සින්ක් බිත්ති ඔනෑම දෙයක් පිරිසිඳු කිරීමට අද්විතීය විනාකිරි ස්ප්‍රේ එක
ඔයාලා ගෙදර දොඩම් කලා පොත්ත විසිකරනවා නේද? එහෙනම් මින්පසසෙ එහෙම කරන්න එපා.
- දොඩම් පොතු හරි දෙහි පොතු හරි නාරං පොතු වුනත් කමක් නෑ. පොතු ටික විදුරැ බෝතලේකට දාලා ඒකට පුරවලා විනාකිරි දාන්න.
- ඊටපස්සෙ රෝස්මරි ටිකක් දාලා වහලා දවස් 5 තියන්න. (රෝස්මරි නැති අයට පුළුවන් කුරැඳු ලොකු කෑලි දෙකතුනක් දාන්න)
- දවස් 5 පස්සේ මෙ දොඩම් පොතු වෙන පාටක් වෙනවා. දැන් මෙ දොඩම් විනාකිරි ටික පෙරලා ස්ප්‍රෙ කරන්න පුළුවන් බෝතලෙකට දාලා වතුර බාගයක් දාන්න. එ කිව්වේ 200 ml විනාකිරි නම් වතුර 200 ml වගෙ දාලා පාවිච්චි කරන්න.
මේ ස්ප්‍රේ එකෙන් ගොඩාක් පිරිසිදු වෙනවා විනාකිරි කියන්නේ ගොඩාක් හොඳ දෙයක්.
මේ Blossom වෙතින් ගෙනෙන අපුරු වීඩියෝව නරඹා ඔබේ ගෙදර දොරේ කුස්සියේ කබඩ් ඇතුලත අපුරුවට අස්පස් කරගන්න.
ඉතින් ගෙදර ලස්සනට පිළිවෙලට තියාගන්න උදව් වන මේ දැනුම බෙදාගත්තු අනූෂාට අපගෙ අවංක ආදර ස්තුතිය පුද කරන්වා. ඇය විසින් නිර්මාණය කෙරෙන තවත් අගනා මෙන්ම වටිනා ලිපි රැසක් ඔබ වෙත ගෙන එන්නට බලාපොරොත්තු වනවා.
කවරයේ පින්තූරය: homesthetics.net
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය
