බබාට බටර් දීම සුදුසුද? බටර් සහ මාජරීන් වල වෙනස කුමක්ද?
බබාට සුදුසු බටර්ද? මාගරීන්ද?
මව්කිරි වලින් පෝෂණය වුන පැටියාට ඝන ආහාර හදුන්වා දීමත් සමගම දරුවාගේ පෝෂණය ගැන අම්මලා කොයි කවුරුත් උනන්දුයි. ඒ අතර බබාට බටර් දීම සුදුසුද? ඒ කවදා සිටද යන්න අම්මලාට දැන ගන්න අවශ්‍ය වෙනවා.
පුංචිම බබාගේ ඉදන් ලොකුම බබා දක්වා කන්න ප්‍රිය මේ බටර් ලබා දීම ගැන අපි අද සොයා බලමු.
බබාට බටර් දීම
බබාට බත් , එළවළු , මස් හා මාළු මෙන්ම පලා වර්ග හදුන්වා දීම අපි කරනු ලබනවා. අනෙක් සියලුම පෝෂක මෙන්ම බබාගේ වර්ධනයට මේදයත් අත්‍යාවශ්‍ය වෙනවා.
ඒ නිසා අපි ඒ සම්බන්ධව ඔබේ හිතට නැගෙන පහත කාරණා පිළිබදව සොයා බලමු.
- බබාගේ ආහාර වලට මේදය / තෙල් හෝ බටර් එකතු කරන්නේ ඇයි සහ කෙසේද?
- බබාට මේදය අවශ්‍ය ඇයි?
- සුදුසු මේදය මොනවාද?
- බබාගේ ආහාරයට කොපමණ බටර් හෝ තෙල් එකතු කළ යුතුද?
- මහත බබාලට බටර් දීම සුදුසුද?
- කෙට්ටු බබාලාට බටර් දීය යුත්තේ කෙසේද?
1. බබාගේ වර්ධනය සදහා මේදයේ දායකත්වය
ඔබේ දරුවාගේ ශාරීරික සංවර්ධනය සඳහා මේදය ඉතා වැදගත් වෙනවා.
මේදය මොළයේ හා සුසුම්නාවේ ස්නායු වටා මයිලින් කොපුවක් සෑදීමට උපකාරී වෙනවා.
දරුවාගේ වර්ධනයට සහ මොළයේ වර්ධනයට මේදය වැඩි ආහාර වේලක් ලබා දීම සුදුසු වෙනවා.
මව්කිරි වල අධික මේද ලෙස මේදය අඩංගු වෙනවා. එයින් 4% ක් පමණ වන අතර DHA සහ AA වැනි ඔමේගා 3 මේද වලින් සමන්විතයි.
මව්කිරි වල ජලය නොලසකා හැර ඉතිරිය ගත් විට එයින් 50% ක් මේදයයි.
ඔබ බබාගේ ආහාර වේලට මේදය එකතු නොකරයි නම් දරුවාගේ වර්ධනයට ප්‍රමාණවත් මේද දරුවාට ලැබෙන්නේ නැහැ.
බබාට ඝන ආහාර හදුන්වා දී මද කලකින්ම ඔබට බබාට පොල්තෙල් හෝ බටර් හදුන්වා දීම සදහා මිඩ්වයිෆ් මිස් උපදෙස් දෙන්නේ අන්න ඒ නිසයි.
මේ පිළිබද උපදෙස් දරුවාගේ සෞඛ්‍ය වර්ධන සටහන් පොතේද අඩංගුයි.
අවුරුද්දට අඩු දරුවන්ට ලුණු රහිත බටර් වෙළද පොළෙන් ලබා ගන්න පුළුවන්.
අඩු මේද සහිත ආහාර ඔබේ දරුවා සාමාන්‍ය බරකින් පවත්වා ගැනීමට ප්‍රමාණවත් නැහැ.
2. බබාට මේද ලබා දිය හැකි ආකාර
- පොල් තෙල්
පොල්තෙල්වල මධ්‍යම දාම මේද අම්ල විශාල ප්‍රමාණයක් ඇත. එහි ලෝරික් අම්ල වලින් බහුලව ඇති අතර එය ප්‍රතිශක්තිකරණ ආරක්ෂාව වැඩි කරයි.
- ඔලිව් තෙල්
ඔලිව් තෙල් වල අධික මොනොසැටරේටඩ් මේද මෙන්ම මව්කිරි වල අඩංගු මේද අම්ල අඩංගු වෙනවා.
එය ඔබේ දරුවාගේ වර්ධනය ප්‍රවර්ධනය කිරීමට උපකාරී වෙනවා. ඒ, බී, සී, ඩී, ඊ සහ කේ වැනි වැදගත් විටමින් වර්ග කිහිපයක් ද එහි අඩංගුයි.
- බටර්
බටර් ඉතා පෝෂ්‍යදායී වන අතර අවශ්‍ය මේදය හා කොලෙස්ටරෝල් මෙන්ම විටමින් ඒ, සීඑල්ඒ සහ අත්‍යවශ්‍ය මේද අම්ල සපයයි.
* බබාට මාගරින් ලබා දීමෙන් වළකින්න
මාගරින් සකස් කරනුයේ රසායනික ක්‍රියාවලියක් හරහා වන අතර එහි ට්‍රාන්ස් මේද අම්ල, කල් තබා ගන්නා ද්‍රව්‍ය හා රසායනික ද්‍රව්‍ය බහුලව අඩංගු වෙනවා.
3. වැඩිහිටියන්ට මාගරින් භාවිතය ගැන අදහසක්
- බටර් 100% සත්ව මේදය වන අතර එහි සංතෘප්ත මේදය හා කොලෙස්ටරෝල් අධිකයි. මේ දෙකම විශාල වශයෙන් ආහාරයට ගන්නා විට වැඩිහිටියන් තුල හෘද රෝග හා ආඝාතය ඇතිවීමට අවදානම් සහිතයි.
- මේ හේතුව නිසා වැඩිහිටියන් මාගරින් භාවිතය සෞඛ්‍යසම්පන්න බව කල්පනා කරනවා.
- ඝන මාගරින් තීරු වල සංතෘප්ත හා ට්‍රාන්ස් මේද වලින් පිරී පවතිනවා.
- මේ අතරින් ට්‍රාන්ස් මේදය හෘදය ලෙඩ කරනවා පමණක් නොව ඔබ තුල ස්ථුලතාවයද ඇති කරයි.
- පෝෂ්‍ය පදාර්ථ එකතු කරන ලද, සෝඩියම් අඩු මෘදු මාගරින් කොලෙස්ටරෝල් මට්ටම අඩු කිරීමට උපකාරී වන අතර එය හදවත වඩාත් සෞඛ්‍ය සම්පන්න කරයි.
- බටර් හෝ මාගරින් (දිනකට 2-3 හැදි) ආහාරයට ගැනීම සුදුසු වෙනවා
4. කොපමණ ප්‍රමාණයක් බබාට බටර් දීම හෝ එකතු කිරීම කළ යුතුද?
බබාගේ කෑම අවුන්ස 2 කට ග්‍රෑම් නම් 60 කට පමණ තෙල් හෝ බටර් තේ හැදි ½ හෝ තේ හැදි 1 ක් එකතු කරන්න පුළුවන්
තෙල් දමා බදින ලද ආහාර බබාට නිර්දේශ නොකරන බැවින්, බබාගේ ආහාර ආහාර තම්බා එයට තෙල් හෝ බටර් එකතු කරන්න පුළුවන්.
එවිට මේද වල අඩංගු පෝෂණය විනාශ නොකර බබාට දෙන්න පුළුවන්.
බබාට ඝන ආහාර ලබා දීම ආරම්භයත් සමගම ඔවුන්ගේ ළදරු මේදය ඉවත් වෙනවා. ඒ වගේම ඔවුන් දුව පනින්න ගැනීමත් සමගම මේදය දහනය වෙනවා.
5. බබා තරුබාරු වීම හෝ කෙට්ටු වීම
නමුත් ටිකක් ලොකු බබෙක් එකවරම බර වැඩි කරගත්හොත් එතැන කුමක් හෝ ගැටළුවක් තියෙන්න පුළුවන්.
ඒ නිසා ඒ වගේ වේලාවට බබාගේ වෛද්‍යවරයා හමු වී උපදෙස් ලබා ගන්න.
බබා බරින් වැඩි වුවත් ඔබ ඇත්තටම අඩු කළ යුත්තේ බබාගේ වර්ධනයට අවශ්‍ය මේදය නොව සීනි මෙන්ම සුදු පිටි, ක්ෂණික ආහාර සහ පළතුරු යුෂ වැනි සරල කාබෝහයිඩ්‍රේටයි.
මේවා තරබාරු කහට හේතුවෙන බව පරීක්ෂණ වලින් සනාථ වී තියෙනවා.
මේ හිස් කැලරි ආහාර නිසා දත් කුහර ඇතිවීම මෙන්ම මන්දපෝෂණය ඇතිවීම පවා සිදුවෙන්න පුළුවන්.
- ඔබේ දරුවාට ඉහත විස්තර කර ඇති සෞඛ්‍ය සම්පන්න ලබා දෙන්න.
- දරුවා සමග දුව පනිමින් සෙල්ලම් කරන්න.
- ඔබේ දරුවාට ප්‍රමාණවත් නින්දක් ලබා දෙන්න.
ඔබගේ දරුවා කෘශ යැයි තැවෙන්න එපා.
ඔබේ දරුවා නිරෝගි නම් බර සටහන් පොතේ වයස අනුව බර ගැටළුවක් නොමැති නම් බබා චබී වෙන්නම අවශ්‍ය නැහැ.
ඒ වගේම බබාට ලබා දෙන ඕනෑම ආහාරයකට තෙල් හෝ බටර් එකතු කරන්න.
නමුත් ඔබේ දරුවා පමණට වඩා කෙට්ටු යැයි සැකයක් ඇති නම් දරුවාගේ වෛද්‍යවරයා ලබා ඔබේ දරුවා පරීක්ෂා කරගන්න.
6. සෞඛ්‍ය සම්පන්න මේද අඩංගු වෙනත් ආහාර
- අලිගැට පේර
- පූර්ණ මේද සහිත චීස්
- යෝගට්
වෛද්‍යවරයා ඔබේ දරුවාගේ බර හෝ වර්ධනයේ ගැටළුවක් නොමැති බව කියන්නේ නම් දරුවාගේ බර වැඩිකිරීමට උත්සහ කරන්න එපා.
බබාගේ ආහාර වේලට තෙල් මේද එකතු කිරීම ගැන වයස , තරුණ පිරිස් අතර විවිධ අදහස් තියෙන්න පුළුවන්.
නමුත් ඔබ ඒ අදහස් සියල්ල පිළිගෙන කටයුතු කරන්න නොගොස් ඔබේ වෛද්‍යවරයාගේ උපදෙස් පිළිපදින්න.
බබාගේ ආහාර සඳහා තෙල් හෝ බටර් එකතු කිරීමේදී වැරදි සිදුවීම අවම කර ගැනීමට මෙම ලිපිය වැදගත් වේවි යැයි සිතනවා.
මුලාශ්‍ර - investinginchildren.on.ca
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය
