දරුවන්ට අත්‍යවශ්‍ය විටමින් වර්ග සහ ඒවා සපයන ආහාර වර්ග

දරුවන්ට අත්‍යවශ්‍ය විටමින් වර්ග සහ ඒවා සපයන ආහාර  වර්ග

සත්‍ය කතාව නම් සෑම දරුවෙකුටම විටමින් අතිරේක සැපයීම කොහෙත්ම අත්‍යාවශ්‍ය නැහැ. දරුවාට සමබල අහාර වේලක් සකසා දෙන්නේ නම් සිරුරට අවශ්‍ය සියලු අත්‍යවශ්‍ය විටමින් වර්ග ඉන් සැපයෙනවා.

දෙමාපියන් ලෙස දරුවන්ට අවශ්‍ය විවිධ විටමින් වර්ග ගැන කියවෙන විවිධාකාර අතිරේක බීම වර්ග හා අහාර පැකට්ටු වර්ග ගැන රුපවාහිනී දැන්වීම්, පුවත්පත් දැන්වීම් ආදිය නිරන්තයෙන්ම ඔබේ නෙත ගැටෙනවා ඇති.

මෙවන් අතිරේක විටමින් වර්ග අඩංගු විවිධ දෑ දරුවන්ට ඇත්තෙන්ම දිය යුතුද? දරුවන්ට අත්‍යවශ්‍ය විටමින් වර්ග මොනවාද?

දරුවන්ට අත්‍යවශ්‍ය විටමින් වර්ග සහ ඒවා සපයන ආහාර  වර්ග

 

සියලුම දරුවන්ට විටමින් අතිරේක අවශ්‍යද?

සත්‍ය කතාව නම් සෑම දරුවෙකුටම විටමින් අතිරේක සැපයීම කොහෙත්ම අත්‍යාවශ්‍ය නැහැ. දරුවාට සමබල අහාර වේලක් සකසා දෙන්නේ නම් සිරුරට අවශ්‍ය සියලු අත්‍යවශ්‍ය විටමින් වර්ග ඉන් සැපයෙනවා.

කෙසේ නමුත් සැම දරුවකුටම මෙවන් සමබල අහාර වේලක් ලැබීමේ අවකාශය හිමි වන්නේ නැහැ. ඇතැම් දරුවන් බහුල ලෙස තෝරා බේරා අහාර ගන්නා බැවින් ආහාර වල සමබරතාව දරුවාට ඇත විඳින්නට න්හකි වනවා. මෙවන් අවස්ථා වලදී දරුවාගේ සිරුරට අවශ්‍ය සියලුම විටමින් වර්ග දරුවාට නොලැබෙන්නට පුළුවන්.

විටමින් අතිරේක අවශ්‍ය විය හැකි දරුවන් කවුද?

* ප්‍රමාණවත් ලෙස එළවලු සහ පළතුරු අඩංගු සමබල අහාර වේලක් නොලබන දරුවන්

* තෝරා බේරා අහාර ගන්නා දරුවන් (එළවලු පළතුරු ආදිය ප්‍රතික්ෂේප කරන දරුවන්)

* අසාත්මිකතා ඇති දරුවන් සහ ඇදුම වැනි දිගු-කාලින අසනීප සඳහා ඖෂධ ලබා ගන්නා දරුවන්

* බහුල ලෙස ක්ෂණික ආහාර සහ සකස් කල අහාර අහාරයට ගන්නා දරුවන්

* නිර්මාංශ ආහාර පමණක් අනුභව කරන දරුවන් (මොවුන් සමහරුන්ට යකඩ හෝ කැල්සියම් අතිරේක අවශ්ය වේ).

* අධික ලෙස සෝඩා අඩංගු බීම පානය කරන දරුවන්

ප්‍රතිපත්තියක් ලෙස දරුවාට අතිරේක විටමින් වර්ග මිළදී ගැනීමට පෙර වෛද්‍ය උපදෙස් ලබාගැනීම වඩාත්ම සුදුය.

දරුවන්ට අත්‍යවශ්‍ය විටමින් වර්ග සහ ඒවා සපයන ආහාර  වර්ග

දරුවන්ට අත්‍යවශ්‍ය විටමින් වර්ග

දරුවාගේ සෞඛ්යයට සියළු විටමින් වර්ගයක්ම උපකාර වන බව සත්යයක් වුවත්, දරුවන්ට අත්‍යවශ්‍ය ලෙස සැලකෙන විටමින් වර්ග 6 ක් තිබේ:

  1. විටමින් A

විටමින් A මගින් නිරෝගී ඇස් සහ සමක් පවත්වාගෙන යාමට දායක වන අතර එමගින් ප්‍රතිශක්තීකරණ ප්‍රතිචාරය වර්ධනය කෙරෙනවා.

වට්ටක්කා, දොඩම්, කහ හෝ තැඹිලි පැහැති එළවළු වර්ග, කිරි, චීස් සහ බිත්තර ආදී අහාර වල විටමින් A බහුල ලෙස අඩංගු වනවා.

2. විටමින් B වර්ග

විටමින් B නම් B2, B3, B6, සහ B12 වැනි ප්‍රභේද කිහිපයකින් යුක්ත වනවා. B විටමින් මගින් පරිවෘත්තීය ශක්තිය, සිරුරට අවශ්‍ය ශක්තිය නිෂ්පාදනය වීම, සෞඛ්ය සම්පන්න සංසරණ පද්ධතියක් සහ ස්නායු පද්ධතියක් ඇති කිරීමට ආදිය උපකාර වනවා. මාළු, කුකුල් මස්, නට් වර්ග (ගෙඩි), බිත්තර, කිරි, චීස්, බෝංචි සහ සෝයා බෝංචි වැනි අහාර වල B විටමින් අඩංගු වනවා.

3. විටමින් C

දරුවාගේ මාංශ පේශි ශක්තිමත් කරන්නට විටමින් C උපකාර වන අතර ආසාදනවලින් වැළකී සිටීමටත් සෞඛ්ය සම්පන්න සමක් පවත්වාගෙන යාමටත් මෙම විටමිනය උපකාර වනවා. දොඩම් කුලයේ පළතුරු, කිවි, තක්කාලි සහ කොළ පැහැති එළවළු වල විටමින් C අඩංගු වනවා.

4. විටමින් D

විටමින් D මගින් දරුවාගේ දත් හා ඇටකටු ශක්තිමත් කරනු ලබන අතර එමගින් ශරීරයේ කැල්සියම් අවශෝෂණයටද උපකාර කරනවා. කිරි, මාළු, සැමන් සහ මැකරල් වැනි මේද සහිත මාළු වල විටමින් D අඩංගු වන අතර මෙම විටමිනය සැපයීමේ මූලික ප්‍රභවයක් වන්නේ උදෑසන හිරු එළියයි. මේ නිසා දරුවාට ප්‍රමාණවත් ලෙස හිරු එළියට නිරාවරණය කිරීම ඉතාම වැදගත් වනවා.

runny nose milk and cookie disease

5. කැල්සියම්

කැල්සියම් යනු දරුවාගේ ඇටකටු ශක්තිමත් කරගැනීමට උපකාර වන විටමිනයකි. විටමින් ඩී මෙන්ම, කිරි, චීස්, යෝගට්, ටෝෆු වැනි කිරි නිෂ්පාදන වල බහුල ලෙස කැල්සියම් අන්තර්ගත වනවා.

6. යකඩ

යකඩ මගින් දරුවාගේ රතු රුධිරාණු සෛල සෞඛ්ය සම්පන්නව තබාගන්නට මූලික ලෙස දායක වන විටමින් වර්ගයකි. දරුවන් තුළ යකඩ ඌනතාවයන් ඇතිවීම අවදානම් සහිත වන අතර විශේෂයෙන්ම ගැහැනු දරුවන්ගේ ඔසප් වීම ආරම්භ වීමටත් යකඩ වැදගත් වනවා.

මේ නිසා යකඩ යනු දරුවන්ට ඉතා වැදගත් විටමිනයක් නොහොත් පෝෂකයක් වනවා. රතු මස්, අක්මාව, ඌරු මස්, ටර්කි, නිවිති, බෝංචි සහ පෘන් වැනි අහාර යකඩවලින්පෝෂිත අහාර වේ.

TheAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිලුෆ පෙරේරා

කතන්දර ලිපි