ගර්භනී අවදියේ යෝනි ශ්‍රාව හා ඔබ සැලකිලිමත් විය යුතු අවස්ථා

ගර්භනී අවදියේ යෝනි ශ්‍රාව හා ඔබ සැලකිලිමත් විය යුතු අවස්ථා

ගර්භනී අවදියේ යෝනි ශ්‍රාව වල සාමාන්‍ය හා අසාමාන්‍ය අවස්ථා ඒවායේ විවිධ පැහැය හා සැළකිලිමත් විය යුතු අවස්ථා ආදිය ගැන වටිනා ලිපියක්

ගර්භනී සමය කියන්නේ සිතට සහ ගතට දෙකටම වයාකූලතා රැසක් ගෙන එන අවධියක්. ගර්භනී සමයේ යෝනි ශ්‍රාව ගැනත් ලිපියක් ලියන්න අදහස් කලේ මෙහි පුද්ගලික හා රහස්‍ය බව නිසා සාමාන්‍ය අසාමාන්‍ය බව ගැන බොහෝ විට දැනකියාගැනීම මව්වරුනට අභියෝගයක් වන නිසායි.

ගැබිනි සමයේ යෝනි ශ්‍රාවයන් සාන්ද්‍රතාව හෝ ඝණකම, සංඛ්‍යාතය සහ ප්‍රමාණය අනුව වෙනස් වන්නට පුළුවන්.

ගර්භනී අවදියේ යෝනි ශ්‍රාව සාමාන්‍ය බව පෙන්වන ලක්ෂණ

ලියුකෝරියා (leukorrhea) ලෙස හැඳින්වෙන සාමාන්‍ය යෝනි ශ්‍රාවය තුනී, පැහැදිලි හෝ කිරි සුදු මෙන්ම මෘදු සුවඳකින් යුක්ත වේ.

යෝනි ශ්‍රාවයේ වෙනස්වීම් සිදුවීම, පිළිසිඳ ගැනීමෙන් සති 1 - 2 ක් තරම් ඉක්මනින් ආරම්භ විය හැකිය.

ඔබේ ගැබිනි අවදියේ ඉදිරියට යත්ම, මෙම විසර්ජනය සාමාන්‍යයෙන් වඩාත් කැපී පෙනෙන අතර එය ඔබේ ගර්භනී කාලය අවසානයට ළඟා වත්ම වඩාත් තීව්‍ර විය හැකියි. ඔබට තුනී පෑඩ් එකක් තැනහොත් (panty liner) පළඳින්නටද සිදුවිය හැක.

ගර්භනී අවධියේ අවසාන සතිවලදී, ඔබේ යෝනියෙන් බැහැර වන ශ්‍රාව වල කුඩා ප්‍රමාණයක රුධිරයද වහනය වී තිබිය් හැකිය. මෙය ප්‍රසූතියේ මූලික සංඟාවක් විය හැකි අතර එය කලබල වීමට හේතුවක් නොවේ.

ගර්භනී සමයේ යෝනි ශ්‍රාව වල වෙනස්කම් ඇතිවිය හැකි අවස්ථා මොනවාද?

හෝමෝන මට්ටම්වල උච්චාවචනය වීම නිසා කාන්තාවකගේ ඔසප් චක්‍රය පුරාවටම යෝනි ශ්‍රාවය පවතින්නට පුළුවන්.

කාන්තාවක් ගැබ් ගත් පසුවද මෙසේ හෝමෝන මට්ටම් වල වෙනස්වීම්, යෝනි ශ්‍රාවයේ වෙනස්වීම් සඳහා දායක වනවා.

යෝනි ශ්‍රාවය කොළ හෝ කහ පැහැති, සැර ඝ්‍රාණයක් සහ/හෝ රතු පැහැයක් ඇති නම් හෝ එම ප්‍රදේශයේ කැසීම ඇති වුවහොත් ඔබට යෝනි ආසාදනක් විය හැක.

ගර්භනී සමයේ යෝනි ශ්‍රාව

ගර්භණී සමයේදී ගැබ්ගෙලෙහි සිදුවන වෙනස්කම්ද යෝනි ශ්‍රාවයට බලපානු ඇත. ගැබ්ගෙල සහ යෝනි බිත්තිය මෘදු වන විට, ශරීරය ආසාදන වැලැක්වීම සඳහා අතිරික්ත ශ්‍රාවය නිපදවයි.

ගර්භනී කාලය අවසන් වන විට දරුවාගේ හිස ගැබ්ගෙලට එරෙහිව තද විය හැකි අතර එය බොහෝ විට යෝනි ශ්‍රාවය වැඩි කරන බවයි.

ගර්භනී සමයේ යෝනි ශ්‍රාව මගින් ආසාදනයක් ගැන ඉඟි කළ හැකිද?

ගැබිනි අවදියේ යන්තම් පැල්ලම් ඇතිවීම හෝ රුධිර වහනයක් ඇති වීම සාමාන්‍ය දෙයක් විය හැකි නමුත් තුනී පෑඩ් එකක් ඇඳීමට අවශ්‍ය තරමට හෝ දවස පුරා මෙවන් තත්වයක් පවතී නම් වහාම වෛද්‍ය උපදෙස් වෙත යොමු විය යුතුය.

ගර්භණී සමයේදී බහුලව දක්නට ලැබෙන යෝනි ආසාදනවලින් එකක් වන්නේ කැන්ඩිඩියාසිස් (candidiasis) යීස්ට් ආසාදනය ලෙසද හැඳින්වේ. අසාමාන්‍ය ලෙස යෝනි ශ්‍රාවය ඇති වීමට තවත් හේතුවක් වන්නේ ලිංගාශ්‍රිත රෝගයකි.

ගර්භනී සමයේ යෝනි ශ්‍රාව ගැන වෛද්‍ය උපදෙස් ගත යුතු අවස්ථා මොනවාද?

සාමාන්‍ය යෝනි ශ්‍රාවයේ වෙනසක් සිදුවන ඕනෑම වේලාවක ඔබ වෛද්‍ය උපදෙ ලබා ගැනිම වඩාත් සුදුසු වනවා.

හිතූ මනාපෙට රෝග විනිශ්චය කර ප්‍රතිකාර කිරීමට උත්සාහ නොකරන්න.

සුදයාම

මන්ද, එය ආසාදනයක ලකුණක් හෝ ගර්භණීභාවය පිළිබඳ ගැටළුවක් විය හැකිය. අසාමාන්‍ය ලෙස යෝනි ශ්‍රාවය වීමේ සලකුණු කිහිපයක් මෙන්න:

  • කහ, කොළ හෝ අළු වර්ණය
  • ඝනකම සහ දුර්ගන්ධය
  • රතු පැහැය හෝ කැසීම හෝ යෝනි ප්‍රදේශයේ ඉදිමීම සමඟ

අසාමාන්‍ය ලෙස යෝනි ශ්‍රාව බැහැර වීම කිරීම ආසාදනයක සළකුණක් විය හැකිය. ගර්භණී සමයේදී යීස්ට් ආසාදන ඇතිවීමේ ප්‍රවණතාව බහුලව දක්නට ලැබේ.

ගර්භණී සමයේදී යීස්ට් ආසාදනයක් ඇති වුවහොත්, වෛද්‍යවරයා විසින් යෝනි ප්‍රදේශයේ ගැල්වීමට ක්‍රීම් වර්ගයක් හෝ උපස්ථරයක් නිර්දේශ කළ හැකිය.

ගර්භනී කාලයේ යෝනි ප්‍රදේශයේ යීස්ට් ආසාදන  වළක්වාගත හැක්කේ කෙසේද?

  • ලිහිල්, හුස්ම ගත හැකි ඇඳුම් අඳින්න
  • කපු යට ඇඳුම් අඳින්න
  • ස්නානය කිරීමෙන්, පිහිනීමෙන් හෝ ව්‍යායාම කිරීමෙන් පසු ඔබේ ලිංගේන්ද්‍රිය වියළා ගන්න
  • සෞඛ්‍ය සම්පන්න බැක්ටීරියා ප්‍රවර්ධනය කිරීම සඳහා යෝගට් සහ වෙනත් පැසුණු ආහාර ඔබේ ආහාරයට එක් කරගන්න

ලිංගිකව සම්ප්‍රේෂණය වන රෝගයක් (ලිංගාශ්‍රිත රෝග) නිසා අසාමාන්‍ය ලෙස යෝනි ශ්‍රාවය සිදුවිය හැකිය.

ගර්භනී කාලයේ යෝනි ශ්‍රාව වල විවිධ වර්ණ මගින් විවිධ සෞඛ්‍ය ගැටලු පෙන්නුම් කරයි. මේවාට ඇතුළත් වන්නේ:

ගර්භනී අවදියේ යෝනි ශ්‍රාව හා ඔබ සැලකිලිමත් විය යුතු අවස්ථා

1. පැහැදිලි හෝ කිරි සුදු

මෙම වර්ණය සාමාන්‍ය පෙර සටහන් කළ පරිදි ලියුකෝරියා නමැති සාමාන්‍ය යෝනි ශ්‍රාවයයි.

කෙසේ වෙතත්, එහි ප්‍රමාණයේ හෝ සං‍යුතියේ කිසියම් වෙනසක් ඇති වුවහොත් කල්පනාකාරී විය යුතුය.

ගර්භනී කාන්තාවකට නිරන්තරයෙන්ම ගර්භනී කාලයේ යෝනි ශ්‍රාවය සිදු වේනම්, ඝනක්මැති ජෙලි වැනි පැහැදිලි විසර්ජන වැඩිවීමක් අත්විඳින්නේ නම් වෛද්‍යවරයකු හමුවිය යුතුය.

මෙම වෙනස්කම් නොමේරූ දරු ප්‍රසූතියක පෙර සළකුණක් විය හැකියි.

2. සුදු සහ ගැටිති

චීස් හා සමාන සුදු පැහැයෙන් යුත් යෝනි ශ්‍රාවයෙන් යීස්ට් ආසාදනයක් පෙන්නුම් කළ හැකිය.

යීස්ට් ආසාදන බහුලව දක්නට ලැබෙන අතර ගර්භණී සමයේදී ශරීරය ඔවුන්ට විශේෂයෙන් ගොදුරු වේ.

කැසීම, පිළිස්සීම සහ වේදනාකාරී මුත්‍රා කිරීම හෝ සංසර්ගය වෙනත් රෝග ලක්ෂණ වේ.

3. කොළ හෝ කහ

කොළ හෝ කහ යෝනි ශ්‍රාවය සෞඛ්‍ය සම්පන්න නොවන අතර ක්ලැමීඩියා හෝ ට්‍රයිකොමෝනියාසිස් (chlamydia or trichomoniasis) වැනි ලිංගිකව සම්ප්‍රේෂණය වන ආසාදනයක් (STI) යෝජනා කරයි.

ලිංගේන්ද්‍රියේ රතු පැහැය හෝ කැසීමක් ඇතිවිය හැකි වීම අනෙකුත් රෝග ලක්ෂණ වේ.

ලිංගාශ්‍රිතව බෝවන රෝග සමහර විට කිසිදු රෝග ලක්ෂණයක් ඇති නොකරයි.

4. අළු

අළු යෝනි ශ්‍රාවය මගින් යෝනි ආසාදනයක් බැක්ටීරියා වජිනෝසිස් (බීවී) ලෙස දැක්විය හැක, විශේෂයෙන් මාළු සුවඳක් ඇත්නම් එය සංසර්ගයෙන් පසුව ශක්තිමත් වේ.

BV යනු යෝනි මාර්ගයේ බැක්ටීරියා අසමතුලිතතාවයේ ප්‍රතිපලයකි. දරු ප්‍රසූතියේදී බහුලව දක්නට ලැබෙන යෝනි ආසාදනය වන බීවී සඳහා අවදානම් සාධක වන්නේ බහුවිධ ලිංගික සහකරුවන් සිටීමයි.

5. දුඹුරු

ශරීරයෙන් පිටවන පැරණි රුධිරය නිසා විසර්ජනය සාමාන්‍යයෙන් දුඹුරු වේ, එය ගර්භනීභාවයේ මුල් රෝග ලක්‍ෂණයක් විය හැකිය.

ගර්භණී සමයේදී දුඹුරු විසර්ජනය සාමාන්‍යයෙන් සැලකිලිමත් වීමට හේතුවක් නොවේ.

කෙසේ වෙතත්, තද දුඹුරු යෝනි ශ්‍රාව අත්විඳින ගර්භනී කාන්තාවන් වෛද්‍ය උපදෙස් පැතිය යුතුය.

6. රෝස

ගර්භණී සමයේදී රෝස පැහැයෙන් යෝනි ශ්‍රාව බැහර වීම  සාමාන්‍ය දෙයක් විය හැකිය. ශරීරය දරු ප්‍රසූතියට සූදානම් වන විට රෝස පැහැයක් සහිත විසර්ජනය බොහෝ විට සිදු වේ. එය ගබ්සා වීමට පෙර හෝ අස්ථි ගැබ් ගැනීමකදී ද සිදුවිය හැකිය.

7. රතු

ගර්භණී සමයේදී රතු යෝනි ශ්‍රාවයක් ඇති වුවහොත් වාහාම  වෛද්‍යවරයෙකුගේ ක්ෂණික අවධානය යොමු කිරීම අවශ්‍ය වේ. විශේෂයෙන් ලේ ගැලීම අධික නම්, කැටි ගැසීම් හෝ කැක්කුම සහ උදර වේදනාව සමඟ සිදු වේ.

 

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත.

ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.

පින්තූර හා මූලාශ්‍ර: healthline.com, hmedicalnewstoday.com, americanpregnancy.org

 

Written by

Niloufer Perera