ඔබේ යෝනීයට කවදාවත් නොකල යුතු දේවල් 7 ක්

ඔබේ යෝනීයට කවදාවත් නොකල යුතු දේවල් 7 ක්

ඔබේ යෝනීයට මේ අනිසි දේවල් කරන්න පෙළඹෙන්න එපා

සෑම කාන්තාවක්ම සිය අනෙක් අවයව මෙන්ම තම යෝනීයේ පිරිසිදුකම ගැනත් උනන්දු වෙනවා.  නමුත් යෝනියට නොකළ යුතු දේවල් ද තියෙනවා.

හුමාලය ඇල්ලීමේ සිට දිය විදිනය දක්වා බොහෝ දේවල් ඔබේ යෝනීයේ සෞඛ්‍යයට  හානි කල හැකි බව ඔබ නොදන්නවා වෙන්න පුළුවන්.

ඔබේ යෝනීයට නොකල යුතු දේවල්

ස්වයංවින්දනය

යෝනීය යනු කාන්තාවන් සතු ඉතා සංවේදී අවයවයක්. ඒ නිසාම ආසාදනයන්ට ගොදුරු වෙන්න තියෙන ඉඩකඩ වැඩියි.

යෝනී ඊස්ට් ආසාදනය නැතිනම් යෝනි කැන්ඩිඩියාසිස් තත්වයක් ඇතිවෙන්න පුළුවන්.

ඔබේ යෝනීයේ නිරෝගීතාවය අතිශයින්ම වැදගත් වෙනවා. එය ඔබට නිරෝගි දිවියක් ලැබදෙන්න මෙන්ම දරු පිලිසිද ගැනීම සදහා ඔබට යෝග්‍යතාවය දෙන්නත් හේතු වෙනවා.

ඒ නිසා කාන්තාවක් ලෙස පහත සදහන් අවදානම් සහගත දේවල් ඔබ නොකළ යුතුයි. මේ එවන් නොකළ යුතු ක්‍රියාවන් 7 ක් ගැනයි.

1. යෝනියට නොකළ යුතු දේවල් : ඇතුලට දියර විදීම

මෙහිදි  කාන්තාවන් ජලය සහ විනාකිරි මිශ්‍රණයකින් යුතු දියර ද්‍රාවණයකින් යෝනි මාර්ගය සෝදා ගනු ලබනවා.

ඈත අතීතයේ සිට කාන්තාවන් භාවිතා කල මේ ක්‍රමයේ හොද හා නරක පිළිබද විවිධ කතා පැවතුනා.

නමුත් ඇලබාමා විශ්ව විද්‍යාලයේ පර්යේෂණයන් පෙන්වා දෙන්නේ ඩිම්බ මෝචනය වීමේදී ගැබ්ගෙල ඈත් වී ශ්ලේෂ්මල තුනි වෙන බැවින් වන ඒ වේලාවේදි මෙය කිරීමෙන් ඇතිවෙන පීඩනයෙන් ආසාදන ඇති වීමේ විසල් අවදානමක් තියෙනවා.

තවද මෙය කිරීම මගින් යෝනි බැක්ටීරියා ප්‍රමාණය අඩු විය හැකි නමුත් අනෙක්  රෝගකාරක බීජ වේගයෙන් ව්‍යාප්ත වීමට හේතු වෙනවා.

ඒ නිසාම ආසාදන ඇතිවීමේ අවදානම වැඩි වෙනවා.

2. යෝනිය වාෂ්ප කිරීම

යෝනිය වාෂ්ප කිරීමේදි  කාන්තාවන්ගේ යට ඇඳුම් ගලවා විශේෂ පුටු මත හිඳගෙන යෝනි මාර්ගයට  ඖෂධ පැළෑටි වලින් සකස් කල  වාෂ්ප ඇතුල් වීමට සලස්වනවා.

හෆින්ටන් පෝස්ට් පුවත්පතට අනුව, මෙම ක්‍රියාවලිය මගින් යෝනී මාර්ගයේ වෙසෙන  ස්වාභාවික බැක්ටීරියා වර්ධනයට හානි පමුණවනවා.

ඒ නිසා එමඟින් ආසාදන ඇතිවීමේ අවදානම ඉහළ යනවා.

3. යෝනියට නොකළ යුතු දේවල්: සිදුරු කිරීම

සමහර කාන්තාවන් සිය  යෝනි මාර්ගයේ සිදුරු කිරීම කලද  එය අනවශ්‍ය සංකූලතා ඇති කරන්නක් වෙන්න පුළුවන්. 

එක්සත් රාජධානියේ ශාන්ත මරියා රෝහලේ වෛද්‍යවරු විසින්  යාේනිය සංවේදී ප්‍රදේශයක් බව මතක් කර සිටිනවා.

එය මෙසේ සිදුරු කිරීමෙන්  වේදනාව මෙන්ම  ස්නායු වලට හානි වීම සිදුවෙන්න පුළුවන්.

ඒ විතරක් නොවේ  මෙලෙස  සිදුරු කිරීම මඟින් ශරීරය ආසාදනවලට විවෘත වීමද සිදුවෙනවා.

4. ඔබේ යෝනි මාර්ගයට පිටස්තර  වස්තූන් ඇතුල් කිරීම

ඕනෑම පිටස්තර  වස්තුවක් යෝනී මාර්ගයට ඇතුල් කිරීමෙන්  ආසාදනයක් ඇතිවීමේ හැකියාව ඇති බව මිචිගන් විශ්ව විද්‍යාලයේ පර්යේෂණයකින් හෙළි වී තිබෙනවා.

මෙලෙස පිටස්තර  වස්තුවක් නිසා ඇතිවන ආසාදනයක වඩාත් පොදු රෝග ලක්ෂණ වන්නේ යෝනි ශ්‍රාවයේ වෙනසක් ඇතිවීම  සහ අප්‍රසන්න සුවඳක් ඇතිවීමයි.

ඔබේ යෝනී මාර්ගයේ එවන් පිටස්තර  වස්තුවක් සිර වී ඇත්නම් වහාම වෛද්‍යඋපදෙස් ලබා ගන්න.

5. යෝනියට නොකළ යුතු දේවල්:  සුවඳැති සබන් හෝ සුවඳ විලවුන් භාවිතා කිරීම

යෝනීයෙන් සුළු ගන්ධයක් වහනය වෙන්න පුළුවන්. එය එහි ස්වාභාවික ගන්ධයයි.

ආසාදනයන් නිසා  නරක ගන්ධයක් ඇති වෙන්න පුළුවන්. නමුත් ඒ සදහා  සුවඳැති සබන් හෝ සුවඳ විලවුන් භාවිතා කිරීම හොද අදහසක් නම් නොවේ.

යෝනි මාර්ගය නිශ්චිත pH අගයක්  සහිත සංවේදී අවයවයක් බව ජෝන්ස් හොප්කින්ස් විශ්ව විද්‍යාලයේ පර්යේෂණයකින් හෙළි වී තියෙනවා.

ඕනෑම සුවඳක් හෝ රසයක් මගින් මෙම   pH අගය වෙනස් කරන්න පුළුවන්. ඒ නිසා ඔබේ යෝනීය ආසාදනයන්ට ගොදුරු වීමට තියෙන ඉඩකඩ වැඩිවෙනවා.

6. තද යට ඇඳුම් ඇඳීම

vaginal douching

යට ඇඳුම් ඔබ අදිනු ලබන්නේ ඔබේ ලිංගික අවයව වල ආරක්ෂාවටයි. ඒවා  සුවපහසු ඒවා විය යුතුයි.

රළු ලෙස නිෂ්පාදිත යට ඇදුම් ඔබට ගොඩාක් නරක විපාක ලබා දෙන්න පුළුවන්. 

එවැනි යට ඇඳුම් ඉතා තදින් ඝර්ෂණයක් ඇති කිරීමෙන් ඒ මගින්  ඔබට අපහසුතාවයක් ඇති කරන්න පුළුවන්.

යෝනි ප්‍රදේශය තුළ උෂ්ණත්වය  හා තෙතමනය වර්ධනය වෙන්න පුළුවන්. එවන් පරිසරයක්  බැක්ටීරියා ආසාදනය කිරීම ඉහළ නංවනවා.

7. අමුතු ලිහිසි ද්‍රව්‍ය භාවිතා කිරීම

සමහර ලිංගික සම්බන්ධතා වලදී යම් ලිහිසි කිරීමක් අවශ්‍ය වෙන්න පුළුවන්.

නමුත් ඔබ කිසි විටෙකත් සම්මත ලිහිසි ද්‍රව්‍ය හැර වෙනත් කිසිවක් භාවිතා නොකළ යුතුය.

වෙනත් ලිහිසි ද්‍රව්‍ය මගින්  ආසාදන ඇති වෙන්න පුළුවන්.

ඒ වගේම තෙල් සහිත  ලිහිසි ද්‍රව්‍ය ඝනකමින් යුක්ත වන අතර ඒවා යෝනී මාර්ගයෙන්  ඉවත් කිරීම වඩාත් අපහසු වෙනවා.

කාන්තා ඔබට යෝනී මාර්ගයේ නිරෝගීතාවයේ වැදගත් කම

කාන්තා රුධිර වහනය

කාන්තාවකට සිය ලිංගික ජිවිතය සාර්ථක කරගන්න වගේම දරු පිළිසිද ගැනීම් වලදීද නිරෝගී යෝනී මාර්ගයේ සෞඛ්‍යයක් අවශ්‍ය වෙනවා.

ඒ නිසා ඔබේ යෝනී මාර්ගය තුවාල විය හැකි හෝ එයට විෂබීජ ඇතුල්  විය හැකි ක්‍රියාකාරකම් අවදානම් බව අමතක නොකරන්න.

ඔබේ යෝනී මාර්ගය තුලින් යම් අමුතු ගන්ධයක් වහනය වේ නම් හෝ නැතිනම් අමුතු ස්‍රාවයක් පිට වේ නම් වහාම වෛද්‍ය උපදෙස් ලබා ගන්න.

යෝනී මාර්ගය පිරිසිදු ජලයෙන් නිතර පිරිසිදුව තබා ගන්න.

මුලාශ්‍ර - www.health24.com

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය

කතන්දර ලිපි