කුස තුල සිටින දරුවාගේ මොලයේ වර්ධනය සදහා අම්මාට කල හැකි දේ

කුසතුල දරුවාගේ මොළය වර්ධනය ගැන අපි බොහොම උනන්දුයි. සෑම ගැබිනියක්ම දරුවාගේ මොළය වර්ධනය ඇතුළු සමස්ථ වර්ධනයටම හැකි උපරිමයෙන් කැප වෙනවා.

ඇත්තටම ගැබිණි මවකට දරුවාගේ මොළය වර්ධනයට කරන්න පුළුවන් දෙවල් තියෙනවාද? එහෙනම් ඒ මොනවාද?

අපි අද ඒ ගැන බලමු.

ඩිප්ලෝමාධාරී පෙර පාසල් ගුරුවරියක් හොෂීණි මහේශිකා මහත්මිය විසින් මුහුණු පොතට රචිත ලිපි පෙලක පලමු පියවර ඇයගේ අවසරය සහිත අපි ඔබ වෙත ගෙන එනවා.

කුසතුල දරුවාගේ මොළය වර්ධනය ගැන දැනුවත් වෙමු

දරුවා කුසතුල සිටින අවදියේ දී දරුවාගේ මොලයේ වර්ධනය  ( babies brain development in the womb) සදහා සිදු කල හැකි දේවල් මොනවාද?

1. මවගෙ නිසි පෝෂණය

දරුවා කුස තුළ සිටින කාලයේ දරුවාගේ මොලයේ වර්ධනය සහ ස්නායු වල වර්ධනය සඳහා අනිවාර්ය වන්නේ මවගේ පෝෂණයයි.

ඒ නම් ෆෝලික් ඇසිඩ්( දරුවාගේ ස්නායු වර්ධනය සඳහා බොහෝ වැදගත් වේ) ,යකඩ ,කැල්සියම් ඔමේගා 3 සහ විටමින් ඩී.
ෆෝලික් ඇසිඩ් ,යකඩ සහ කැල්සියම් ශ්‍රී ලංකාවේ නම් ගර්භනී මව්වරුන්ට සායන වලින් ලබා දෙනවා.

ඒවා නියමිත ආකාරයට නියමිත කාල සීමාව තුළ ලබා ගැනීම අනිවාර්යයි

දරුවා පිළිසිඳ ගත් දින පටන් හා දරුවා ලැබී අවම මාස 6ක්)මීට අමතරව අපි අනිවාර්යයෙන් ලබා ගත යුතු ආහාර වර්ග කීපයක් සඳහන් කරන්නම් .

පරිප්පු, කිරි, cheese,බිත්තර,කොස් ඇට ,කොස් හා පොලොස්, වට්ටක්කා ඇට,ආමන්ඩ්,මාලු,කොල පැහැති එලවලු, කොල වර්ග නිවිති, ධාන්‍ය වර්ග බෙහෙත් නෙල්ලි. දෙලුම්.මේ වගේ ආහාර ගැනීම තුළින් දරුවාට අවශ්‍ය නිසි පෝෂණය ලැබෙනවා.

2. මව කරන රැකියාව සහ මව ගේ මානසිකත්වය

මව නියුතු රැකියාව දැඩි පීඩනයක් (stressed) ගෙන දෙන රැකියාවක් නම් කුස තුල සිටින දරුවාද ඔබ නොදැනුවත්වම පීඩනයට ලක්වේ.

වර්තමානයේ ඕටිසම්, කථනය ප්‍රමාද සහ අධි ක්‍රියාකාරී දරුවන් ඇති වන්නේ මේ හෙතුව නිසයි.

3. මවට තම සැමියාගෙන් ලැබෙන ආදරය කරුනාව

ගර්භනී මවක් වශයෙන් ඔබටබ් අනිවාර්යයෙන් සැමියාගේ උදව් උපකාර සහ ආදරය ලැබිය යුතුයි.

මීට අමතරව දරුවාගේ මොළය වර්ධනය සඳහා මව සහ පියා යන දෙදෙනාම කළ යුතු අනිවාර්ය දෙයක් වෙන්නේ නිතරම කුස පිරි මදිමින් දරුවාට ආදරයෙන් කතා කිරීමයි.

එය අනිවාර්ය අංගයක් කර ගත් මවකට දක්ශ දරුවන් උපදී.

4. මව අසන දේ කියන දේ සහ දකින දේවල් 

මව අසන දේ කියන දේ සහ දකින දේවල් තුලින් කුස තුල සිටින දරුවාගෙ මානසික වර්ධනයට බලපෑමක් ඇති වේ.

මෙහි දී අපිට පුළුවන් බෞද්ධ මවක් වශයෙන් පිරිත් ඇසීම පන්සල් යාම සිදු කල හැක.

ඊට අමතර ව මිහිරි ගීත ගායනය ළමා ගීත ඇසීම, ළමා කතන්දර කියවීම, ළමා චිත්‍රපට නැරඹීම මේ වගේ දේවල් තුළින් මවගේ මානසික එකක් ඒකාග්‍රතාවය සන්සුන් වන බැවින් ඒ හරහා දරුවාගේ ස්නායු වලට ලේ ගමනාගමනය නිසියාකාරව සිදුවෙ.

ඒ හරහා දරුවාගේ ස්නායු සහ මොළයේ වර්ධනය නිසි ආකාරයෙන් සිදු වේ. විශේෂයෙන්ම දැන් youtube එකේ එකේ තියනවා brain development music for babies කියලා ඒවා අහන්න පුළුවන් නම් ගොඩක් හොඳයි.

නමුත් දුරකතනය බඩට කිට්ටුව තබා ගැනීම අහිතකරයි.

දුරකථනයෙන් නිකුත් වන තරංග එක එල්ලෙ බඩ තුලට නිරාවරණය වීම තුලින් බබාගෙ ස්නායු වර්දනය අඩාල වේ.

එම නිසා බඩ උඩ දුරකථනයට තබා ගැනිම කිසිසේතම සුදුසු නොවේ.
5. මව කරන ක්‍රියාකාරකම්
6. මවට අන් පාර්ශවයන් තුලින් අසන්න දකින්නට ලැබෙන දෙවල් හා ඔවුන්ගෙන් ලැබෙන ප්‍රතිචාර
මේ සියලුම කරුනු දරුවාගෙ මොලයේ වර්දනයට සෘජු ලෙස බලපෑමක් ඇති කරයි.
7. මවගේ නිදහස හා නින්ද

මව ලබන නිදහස සහ සුවබර නින්ද කුස තුල සිටින දරුවා නීරොගිමත් සහ බුද්ධිමත් කරයි.

ඒ නිසා මව සුවබර නින්දක් ලබා ගැනීම අනිවාර්යයයි.

ඔබත් දැනටමත් ගර්භණී මවක් නම් ඉහත කරුණු සැලකිල්ලට ගත්තොත් ඔබටත් පුළුවන් කුස තුල සිටින දරුවාගේ මොළය වර්ධනය කරගන්න.

මාස 0 සිට අවුරුදු 1 දක්වා දරුවන්ගේ මොලය වර්ධනය සහ ඒ සදහා කල හැකි ක්‍රියාකාරකම් සහිත ලිපියක් ඊලගට බලාපොරොත්තු වෙන්න.

දරුවාගේ බුද්ධි වර්ධනය ගැන ඔබේ අදහස් අප හා බෙදාගන්න.

මුල් ලිපියට 

හොෂීණි මහේශිකා
ඩිප්ලෝමාධාරී
පෙර පාසල් ගුරුවරියක්.

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය