ගෙදර පිරිසිදු කිරීම එතරම් පහසු දෙයක් නෙමෙයි. එක් වරක් පිරිසිදු කර බලන විට නැවතත් අපිරිසිදු වෙලා ඉවරයි. ඒ වගේම නිවස හරියට පිරිසිදු නොකළොත් එය ඉතා අමිහිරි වන්න පුළුවන්.
ඔබත් ඒ තත්වයට පත්වන තුරු ඉන්නවද?
සමහර පිරිසිදු කිරීම් ප්‍රමාද කිරීම හෝ නිසි ලෙස සිදු නොකිරීම නිසා ඔබේ නිවසේ ජනෙල් පිරිසිදු කිරීම වැනි දේවල් කල් දැමීම ඔබ අතින් සිදු වෙනවද? ඒ වගේ ඊට හොඳ පිරිසිදුම් ඛාරක ඊට ඕනෑ දැයි ඔබ සිතනවද?
නමුත් මේවාට පිළිතුරු ලැබුණු පසු ඔබේ විසඳුම් සැබවින්ම වෙනස් වන්නට පුළුවන්. පෙර පුරුදු එවිටම වෙනස් වන්නට පුළුවන්.
ගෙදර පිරිසිදු කිරීම: වැරදි නිවැරදි කරමු
පෙන වැඩිපුර ඇත්නම් වඩා හොඳයි
පෙන වැඩිපුර ඇතිවිට ඉන් ඇති බලපෑම වැඩියැයි සිතීම වැරදි විශ්වාසයක්. වැඩිපුර සබන් පෙන ඇති විට මතුපිට පිරිසිදු කිරීම අපහසුයි. සේදීම හෝ මොප් කිරීම කරන විට හැකි තරම් පෙන අඩුවෙන් තැබීම තමයි වඩාත් සුදුසු.
ස්පොන්ජ් එක තමයි අපිරිසිදුම
ස්පොන්ජ් එක මිලියන ගණන් විෂබීජ අතර ඉතාම අපිරිසිදුවන දෙයක්. මොප් එක නම් ඊට වඩා හුඟක් සුදුසුයි. කාමරයෙන් කාමරයට පිරිසිදු කරන විට නැවුම් ලෙස පිරිසිදු කරන්නත් අවසානයේ උණු වතුරෙන් සෝදා පිරිසිදු කර ගැනීමත් වැදගත්.
ජනෙල් පිරිසිදු කරන්න හිරු එළිය උවමනාද?
හොඳින් හිරුඑළිය ඇතිවිට ජනෙල් වීදුරු වල පැල්ලම් පැහැදිළිව පෙනෙන නිසා එකවර දුහුවුලි කුණු හඳුනාගෙන පිරිසිදු කිරීම පහසුයි. නැතිනම් එය හරියට පිරිසිදු කිරීම කරන්න බැරි වෙන්න පුළුවන්.
වැකියුම් ක්ලීනර් එකත් බෑග් එකත් පිරිසිදු කිරීමෙන් පසු පිස දමන්න
වැකියුම් ක්ලීනර් එකේ බෑගය උවමනාවට වඩා පිරෙන තුරු ඉන්න එපා. මේ නිසා කුණු දූවිලි පිරීමෙන් නිසි ලෙස පිරිසිදු වීම සිදු නොවන්න පුළුවන්. ඒ වගේම කෑම කැබලි වැනි දේවල් උණුසුමට නරක් වෙන්නත් පුළුවන්. ඒ නිසා වැකියුම් කිරීමේදී දුගඳක් හමන්න පුළුවන්. එය 1/3 ක් පමණ පිරුණු පසු පිරිසිදු කිරීම හා සති 5-6 කට සැරයක් පිරිසිදු කිරීම වැදගත්.
රබර් ග්ලවුස් භාවිත කිරීමෙන් විෂබීජ වලින් ආරක්ෂා වෙන්න
රබර් ග්ලවුස් දෙකක් පාවිච්චි කිරීමෙන් විෂබීජ අත්වල තැවරීම වළක්වා ගන්න පහසුයි. නමුත් ඉන් හරි ආරක්ෂාව ලැබෙන්නේ කොහොමද? තෙත සහිත පරිසරය තුළ විෂබීජ ඉක්මනින් ශරීරයේ ගැටෙන නිසා පාවිච්චියට ග්ලවුස් වල ඇතුලත පිටි ටිකක් තැවරීමෙන් විෂබීජ අත් මත රැඳීම අඩු කරගන්න පුළුවන්. පාවිච්චියෙන් පසු කණපිට හරවා සුළඟේ වියළෙන්නට හරින්න.
හැම වාරයකම රෙදි සෝදන යන්ත්‍රය පිරිසිදු වෙනවා
හැම සේදුම් වාරයක් අවසානයේම වොෂින් මැෂින් එකත් ඩ්‍රම් එකත් ඉතා පිරිසිදුව ඇති බව පෙනුනත් එය එතරම් පිරිසිදු නැහැ. ඉඳහිට රෙදි නොමැතිව බේකින් සෝඩා 50g ක් හා සේදුම් ඛාරක දමන භාජනයට විනාකිරි 50ml එක්කර මැෂින් එක ක්‍රියාත්මක කරන්න. මේ මගින් එහි ඇති ඇතුලත රැඳෙන විෂබීජ විනාශකර හරින්න පුළුවන්.
තෙත රෙදි කැබැල්ලකින් දූවිලි පිහ දමන්න
තෙත රෙදි කැබලි වලින් දූවිලි පිහදැමිමෙන් නැවත දූවිලි බඩු මත තැන්පත් වෙනවා. මොකද තෙතමනය නිසා දූවිලි එක්ක ඇලෙනවා. ෆැබ්රික් සොෆේනර් ටිකක් වතුරට මුසු කර මතුපිට පිරිසිදු කිරීම මගින් මේ තත්වය අවම කරගන්න පුළුවන්. මේ නිසා ඉක්මනින් ලීබඩු මත දූවිලි රැඳීම අඩු කරගන්න පුළුවන්.
අධි සීතලට විෂබීජ නැසෙනවා
ඔබ නිතරම ශීතකරණය පිරිසිදු කළත් අධිශීතකරණය එසේ කරනවද? අංශක ඍණ 18 දී බැක්ටීරියා විනාශ වුවත් නැවත උණුසුම් වන විට එම බැක්ටීරියාවන් වර්ධනය වෙනවා. මේ සඳහා ශීතකරණය නිවා එහි බඩු ඉවත්කර එයට තුවායක් වැනි දෙයක් දමා වසා එක රාත්‍රියක් තබා පසුව විනාකිරි වලින් ඇතුලත පිස දමා පිරිසිදු කර බැක්ටීරියා විනාශ කිරීමට කටයුතු කරන්න.
ඉතා පහසු පියවරවල් කිහිපයකින් ඔබට පිරිසිදු කිරීම් පහසු කරගන්නත් පවුලේ හා දරුවන්ගේ සෞක්‍ය වෙනුවෙනුත් theAsianparent Sri Lanka මේ පණිවිඩය ගෙන ආවා.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිසංසලා ලියනගේ
