පියවරුනි , මෙන්න ඔබේ ගැබිනි සමයේ ගැටලු ඇති බිරිඳට කවදාවත් නොකිය යුතු දේවල් 8ක්:
1. ඔයාට දැනෙන දේ මම දන්නවා. ගැබිනි සමයේ ගැටලුවක් වන එය ඔබ දන්නවා කීම හොඳම නෑ.
මාස 9 ක් ගර්භණීවගර්භණීව සිටින විට දැනෙන්නේ කොහොමද කියලා පිරිමි පක්ෂයට කිසි සෙත් දැනගැනීට ක්‍රමයක් නොමැත! ඉතින්, "ඔයාට දැනෙන දේ මම දන්නවා", පැවසීම වෙනුවට, "ඔයාට මෙසේ වේදනා දැනීම මට දුකක්," යැයි පවසන්න. එසේ නැත්තම් "මට ඔබට කළ හැකි දෙයක් තියෙනවාද?" යැයි අසන්න.
2. ඔයා තාම කෑම කාලා ඉවර නැද්ද?
ගර්භණී කාලය තුළ ඔබේ බිරිඳගේ ආහාර රුචිය ගැන අදහස් දක්වන්න එපා. ඔබේ බිරිද ඇයගේ කුසේ ඉන්න දරු පැටියාට පෝෂණය කරනවා. ඒ නිසා ඇය තවත් වැඩියෙන් කෑම කන්න පටන්ගනිවි.
"ඔයා තාම කෑම කාලා ඉවර නැද්ද?", කියා අසන විට ඔබේ බිරිඳට දුක හිතෙන්න පුළුවන්. මෙසේ අහනවා වෙනුවට ඔබේ බිරිඳට පෝෂ්‍යදායී කෑමපෝෂ්‍යදායී කෑම වේලක් පිළියෙල කරලා දෙන්න.
3. ඇයි ඔයා අඬන්නේ?
ගැබිනි සමයේ ගැටලු වලින් තවත් එක ගැටලුවක් වන්නේ කාන්තාවන් තමන්ගේ ශරීරයේ හෝර්මෝන නිසා වඩාත් හැඟීම්බර වීම. එයත් සාමාන්‍ය දෙයක් වෙනවා.
ඔබේ බිරිඳට සහයෝගය දක්වන්න, වඩා වැඩි අවබෝධයක් ලබා ගැනීමට උත්සාහ කරන්න.
ඇය අඬන විට එක් විඩම හේතු නොවිමසා ඇයව තුරුල් කර ගන්න. ඕනි දේකට ඔබ සිටින බව හඟවන්න.
4. සන්සුන් වෙන්න පුළුවන්ද?
ගර්භණී සමය මානසික ආතතියෙන් පිරී පවති. ඇයගේ ගර්භණී සමයේ දී ඉතා හැඟීම්බර වීම ඔබේ බිරිඳගේ වැරැද්දක් නොවේ. ඇය වෙනුවෙන් සිටින්න. ඉවසිලිමත් වීමටත් ඇයගේ හැගීම් තේරුම් ගැනීමටත් උත්සාහ කරන්න.
ඇය ඉක්මටනට තරහ ගනීවි. දුක සිතාවි. ඇය ගැන සානුකම්පිතව සිතන්න. ඇයට සහය වන්න. ඇයගේ ඇඟට කඩාගෙන පනින්නට එපා.
5. මට රාත්‍රියේ හොද නින්දක් ලැබුනා! ගැබිනි සමයේ ගැටලු ඇති ඇයට ඔබ ලොකු වරදක් කරන්නේ..
ගැබිනි කාන්තාවන්ට රාත්‍රියට සුවබර නින්දක් ලබා ගැනීම දුෂ්කරයි. ඔබේ බිරිද ඔබ ගැන තරහක් ඇතිකිරීමට ඔබට අවශ්‍ය නොමැති නම් ඔබ ඊයේ රාත්‍රියේ හොඳින් නිදා ගත් බව ඇයට පුරසාරම් දොඩවන්න එපා.
එයින් ඇයගේ හිත ගොඩක් රිදේවි.
6. අපේ දරුවන් අතර පරතරය අවුරුද්දක් තිබ්බොත් හොදයි නේද කියා ගැබිනි සමයේ ගැටලු වලට තව ගැටලු එක් කරන්න එපා.
ගර්භණීත්වය ඉතා අපහසුය. තවද, ඊලග දරුවා ලැබෙන්නේ කවදාදැයි තීරණය කිරීමට ඔබේ බිරිදට ඉඩ දිය යුතුය.
විශේෂයෙන්ම ඇය ඔබේ දරුවා කුස දරා සිටින්නිය බැවින් ඇය වෙනුවෙන් තීරණයක් නොගන්න.
7. ගැබිනි සමයේ ගැටලු පසු කර දරු උපතෙන් පසු ඔබට කෙට්ටු වෙන්න කොපමණ කාලයක් යයිද?
ඔබේ බිරිඳගෙන් මේ ප්‍රශ්නය අහන්න හිතන්න වත් එපා, එපමණයි!!
දරු උපතක් යනු ලෙහෙසි පහසු දෙයක් නොවේ. ශරීරය මාස 9ක් තිස්සේ විව්ධ වෙනස් වීම් වලට ලක් වේ. මාස 9ක වෙනසක් එක රැයකින් වෙනස් වන්නේ නැත. අනික මේ කාලයේ හෝමෝන වෙනස් වීම් නිසා ඔබ එසේ ඇසීමෙන් ඇයට අධික කනස්සල්ලක් ඇති වේවි.
8. මට කියන්න අමතක වුනා, මම මගේ දෙමව්පියන්ට ප්‍රසුතිකා ගාරයට ආරාධනා කළා
ඔබ කාට හෝ ප්‍රසුතිකා ගාරයට ආරාධනා කරන්නේ නම් ඔබේ බිරිඳගේ අවසරය විමසන්න.
දරු උපත ඉතා සමීප සහ අවදානම් සහිත අත්දැකීමක් වන බැවින් ඒ අවස්ථාවේදී එහි සිටිය යුත්තේ කවුදැයි තීරණය කරන්නා ඇය විය යුතුයි.
බිරිඳගේ අවසරය නැතුව ප්‍රසූතිකාගාරයට ඔබ ආරාධනා කරනවා නම් ඔබ ඇයගේ පෞද්ගලිකත්වයටද ගරු නොකරන්නෙක්.
ඇයගේ මනසද ඒ අවස්ථාවේ නිරවුල්ව තිබීම ඉතාම වැදගත්.
ඇය අකමැති කෙනෙක්ට නම් ඔබ ආරාධනා කරන්නේ ඇයව අපහසතුතාවයට පත් වේවි.
අසීරු වූ ගැබිනි සමය ඇය ගෙවන්නේ ඔබේ උරුමය ඔබට ලබා දෙන්නයි.
ඒ නිසා ඇගේ සිත වදනකින් වත් නොරිද වීමට මේ මග පෙන්වීම theAsianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
