බබා නිරෝගිද කියලා මේ ලක්ෂණ 8 බලන්න
බබාගේ නිසි වර්ධනය හා සෞඛ්‍යය පෙන්වන සලකුණු 8 ක්
හරියට කථා කරන්න බැරි නිසා අපට අලුත උපන් දරුවාගේ සෞඛ්‍යය ගැන දැන ගන්න වෙනත් ක්‍රම අවශ්‍ය වෙනවා.
එය පහසු කටයුත්තක් නෙමෙයිත එහෙත් ඔබේ දරුවා සමීපව නිරීක්ෂණය කළහොත් ඒ සදහා ඉගි ලබාගන්න ඔබටම පුළුවන්.
ඒ සදහා මෙම ලක්ෂණ 8 ගැන ඔබට සැලකිලිමත් වෙන්න පුළුවන්.
දරුවාගේ සෞඛ්‍යය ගැන කියා පාන ලක්ෂණ 8 ක්
1.ඔබේ කටහඩ හා ස්පර්ශයෙන් දරුවා සංසුන් වෙනවා නම්
ගර්භාෂයේ සිටි කාලයේ සිට ඔබේ දරුවා ඔබේ කටහඩ අදුරනවා. ඒ වගේම ඔබේ උණුසුම දරුවා සංසුන් කරනවා.
ඔබව අවට දැකීම පමණක් හුරතල් කර , ඔතා හා ඔබේ උණුසුම් සිරුරට සමීපව තබා ගැනීම තරම් දරුවාට සැනසීමක් ලබා දෙන්නේ නැහැ.
එය ඔබ දෙදෙනා අතර ඇති බැඳීම පිළිබඳ ලකුණක්ද වෙනවා.
ඔබේ දරුවා මෙම සලකුණ පෙන්වයි නම් ඔහු හෝ ඇය නිරෝගී බවට සලකුණක් වෙනවා.
2.ඔබේ දරුවාගේ බර වැඩිවන අතර නිතර නිතර ඩයපර් වෙනස් කිරීම අවශ්‍ය වෙනවා නම්
ඔබ මාසික සායන වලට ගිහින් බබාගේ බර මනිනවා නේද? ඒ බර ළදරු වර්ධන සටහනේ නියමිත කලාපයේ සලකුණු වෙන විට බබාාගේ බර වැඩිවීම ඔබගේ සිතට සතුටක් ලබා දෙනවා.
ඔබේ දරුවාට දිනකට අවම වශයෙන් මුත්‍රා වාර අටක් හෝ දහයක් පිට කල යුතුයි.
එනම් තෙත් ඩයපර් වාර අටක් හෝ දහයක් මාරු කල යුතුය.
ඔබේ දරුවා නිතර නිතර ආහාර ඉල්ලන විට වර්ධන වේගයෙන් සිදුවෙනවා. එවිට ඔබේ දරුවාට නිතර පෝෂණය කළ යුතුය.
3.ඔබේ දරුවා හොදින් සවන් දෙනවා නම්
දරුවා ඔහුට අලුත් සෑම ශබ්දයකටම හැරී බලනවා නම් ඔහුගේ ශ්‍රවණය වර්ධනය වෙමින් තියෙනවා.
ඒ වගේම ඔහු විවිධ ශබ්ද හඳුනාගෙන වෙන්කර හඳුනා ගැනීමට උත්සාහ කරනවා.
ළදරුවන්ට උපතට පෙර සිටම ඇහුම්කම් දෙන්න පුළුවන් වුනත් මවගේ ගර්භාෂයෙන් පිටත එදිනෙදා ඇසෙන විවිධ ශබ්ද හඳුනා ගැනීමට ඔවුන්ට කාලය ගතවෙනවා.
සමහර ශබ්ද වලට ඔබේ දරුවා කැමති නැති වෙන්න පුළුවන්. ඔබේ දරුවා ප්‍රිය කරන ශබ්ද තියෙන්නත් පුළුවන්.
කෙසේ වෙතත් ඔබේ දරුවා නව ශබ්දයක් නිකුත් වන ප්‍රභවය දෙස හැරී බලනවා නම් එය සෞඛ්‍ය සම්පන්න ලකුණකි.
4.ඔබේ දරුවා චලනයන්, වර්ණ සහ රටා දෙස බලනවා නම්
ඔබේ දරුවා චලනය වන සෙල්ලම් බඩු, විදුලි පංකා, දීප්තිමත් හා වර්ණවත් වස්තූන් දෙස බලන්නේ නම්, එය ඇස් පෙනීම තියුණු වන බවට ලකුණක් වෙනවා.
ළදරුවන්ට ඇස් පෙනීම 20/100 ක් පමණ වන අතර අඟල් අටක් හා 12 ක් දුරින් තිබෙන දේවල් දකින්න පුළුවන්.
එනම් බබාට ඔබ මව්කිරි දෙන විට ඔබ හා දරුවා ඇති දුර ප්‍රමාණයයි.
ඔබේ දරුවාට මාසයක් පමණ වන විට අඟල් 18 ක් ඈතින්ඇති දේවල් දකින්න පුළුවන්.
දෙවන මාසය වන විට, බොහෝ ළදරුවන්ට දීප්තිමත් වර්ණ, රටා, භ්‍රමණය වන වස්තූන් ආදිය දෙස බලන්න පුළුවන්.
සාමාන්‍යයෙන්, වර්ණ පිළිබඳ අවබෝධය ගැඹුරු වීමට පෙර එකිනෙකට වෙනස් වර්ණ ඔවුන්ගේ අවධානයට ලක් වෙනවා.
මෙලෙස දරුවාගේ පෙනීම හොද තත්වයක ඇත්නම් එය හොද සලකුණකි.
5.ඔබේ දරුවා අවධානයෙන් හා නිශ්ශබ්දව සිටී නම්
එනම් ඔබේ දරුවා වටපිටාව නිරීක්ෂණය කරමින් ඉගෙන ගන්නා බවයි.
දරුවා නිශ්ශබ්ද නම් ඇය නව තොරතුරු එහි වටපිටාවෙන් ලබාගැනීමට උත්සාහ කරනවා.
උපතින් පසු ආරම්භක සතිවලදී, ඔබේ දරුවාට පෙනෙන්නේ බොඳ වු දසුන්ය.
දරුවාගේ ඇස් ඉලක්කයක් වෙත අවධානය යොමු කිරීමට පෙර අක්ෂි මාංශ පේශි පාලනය කිරීමට ක්‍රමයෙන් පටන් ගන්නවා.
6.ඔබේ දරුවාට නිතිපතා නිදාගැනීමේ රටාවක් තියෙනවා නම් හැඩීම හා නොසංසුන්වීම අඩු නම්
මේ ලක්ෂණ ඔබේ පුංචි පැටියාගේ ස්නායු පද්ධතිය වර්ධනය වන බව පෙන්වනවා. සිව්වන මාසය වන විට, බොහෝ ළදරුවන්ට නිදාගැනීමේ රටාවක් තියෙනවා.
බාධා කිරීම් අඩුයි. එනම් රාත්‍රී කාල මව්කිරි බීම අතර පැය හතරක් හෝ ඊට වැඩි කාලයක් නිදාගන්නවා.
සමහර ළදරුවන් මෙම නිදාගැනීමේ රටාව අනෙක් ළදරුවන්ට වඩා ඉක්මනින් ඇති කරගන්නවා.
නමුත් ඔබට මෙම රටාව අනුගමනය කිරීමට සැලසුම් කර නොමැති වැඩිහිටි දරුවෙකු සිටී නම්, ඔහු නියමිත රටාවකට සකස් කල යුතුයි.
7.දරුවාගේ සෞඛ්‍යය: ඔබේ දරුවාටතම සිරුරේ බර දරා ගන්න පුළුවන් නම්
ඔබේ කුඩා දරුවාට පස්වන මාසය වන විට කිසිදු සහායක් නොමැතිව හිස ස්ථාවරව තබා ගන්න පුළුවන්.
පළමු හා තෙවන මාස වලදි බබාගේ හිසට සහයක් අවශ්‍ය නැති බව ඔබට දැනුනද එසේ සහයක් නොමැතිව තැබීමෙන් දරුවා අනතුරේ දමන්න එපා.
දරුවා බිම මුනින් අතට සිටින විට ඔහුගේ මාංශ පේශි වර්ධනයට ව්‍යායාම ලැබෙනවා.
8.ඔබේ දරුවා සමාජශිලි නම්
ඔබේ දරුවා මිනිසුන් සමඟ ඇස වලින් සම්බන්ධ වේ නම්, ඔවුන් දෙස බලා සිනාසෙයි නම් එය ඔබේ දරුවා නිරෝගි සහ සතුටින් ඉන්නා බවට ලක්ෂණයකි.
බබාට පළමු මාසයේදි අක්ෂි ස ම්බන්ධතාවය සිදුවෙන්න පුළුවන්.
දෙවන මාසය වන විට දරුවා සිනහ වීමට පටන් ගන්නවා.
තුන්වන මාසය වන විට ඇය මෘදු ශබ්ද නිකුත් කරනවා. සිව්වන මාසය වන විට ඇය සිනාසෙනවා.
පස්වන මාසය පමණ වන විට, ඔබ දරුවා දෙස
සිනාසුණහොත් ඇය පෙරළා ඔබ වෙත සිනාසෙනවා. මේ ඇය නියමිත ලෙස වර්ධනය වෙන බවට සලකුණු වෙනවා.
දරුවා නිරෝගිව නියමිත ලෙස වර්ධනය වෙනවා කියන්නේ හැම අම්මා කෙනෙක්ම අහන්න කැමති දෙයක් නේද?
ඉහත සලකුණු 8 එලෙස ඔබේ දරුවා නිරෝගිව නියමිත ලෙස වැඩෙන බව පෙන්වන සලකුණු 8 කි.
ඔබේ දරුවාගේ වර්ධනයේ සුළු පමාවක් දුටුවහොත් එකවර කලබල වෙන්න එපා.
සෑම දරුවෙකුම තමන්ගේ වේගයෙන් වර්ධනය වෙන අතර ඔවුන් වර්ධන සංධිස්ථාන වලට ලගා වෙන වේලාවන් වෙනස් විය හැකි බව මතක තබා ගන්න. නමුත් ඔබගේ දරුවාගේ වර්ධනයේ කැපී පෙනෙන වරදක් හෝ පමාවක් ඇති නම් වහාම වෛද්‍යවරයා හමුවෙන්න.
මේ ලිපිය ඔබට වැදගත් වේවි කියා අප හිතනවා.
ඔබගේ දරුවාගේ වර්ධන හා නිරෝගි බව පෙන්වන මෙවන් සලකුණු තවත් තියෙනවාද?
ඒ තොරතුරු හා ඔබගේ අදහස් අප හා බෙදාගන්න පහලින් ඇති තීරය භාවිතා කරන්න.
මුලාශ්‍ර - www.momjunction.com
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
