ගර්භනී සමයේ විටමින් ගැනීම පිළිබ්ඳව ගැබිනි මව්වරුනට මනා දැනුවත් කිරීමක්
ගොඩාක් අම්මලට ගැබිනි සමයේ විටමින් ගන්නේ කොයි වෙලාවටද කියන එක ගැටලුසහගත වෙන්න පුලුවන්. ඒ ඒවිටමින් වර්ග ගැනීමට හොඳම වේලාව ගැන දැන ගමු අපි මේ ලිපියෙන්.
ගර්භනී සමයේ විටමින් වර්ග ගන්න ඕනි කියලා අම්මලා හැමෝම වගේ දන්නවා. නමුත් මේ විටමින් වර්ග ගන්න ඕනි විදිය දැනුවත් වෙන්න පුලුවන් නම් වටිනවා නේද?
ගොඩාක් අම්මලට මේ විටමින් ගන්නේ කොයි වෙලාවටද කියන එක ගැටලුසහගත වෙන්න පුලුවන්. ඒ ඒවිටමින් වර්ග ගැනීමට හොඳම වේලාව ගැන දැන ගමු අපි මේ ලිපියෙන්.
ගර්භනී සමයේ විටමින් නිසි ලෙස ගැනීම
ඔබේ විටමින් ගැනීමට හොඳම කාලය රඳා පවතින්නේ ඔබ ගන්නා වර්ගය මතය. සමහර විටමින් ආහාර වේලකට පසුව ගත හැකිය.
අනෙක් ඒවා ආහාර ගැනීමට පෙර හිස් බඩ ගැනීම වඩාත් සුදුසුය. සෑම දිනකම එකම වේලාවක විටමින් ගැනීම පුරුද්දක් කර ගැනීම සෞඛ්‍ය සම්පන්න පුරුද්දක් වනු ඇත.
එය ඔබේ විටමින් අතිරේකය උපරිමයෙන් සිරුරට ලබා ගැනීමට ද උපකාරී වේ. ගර්භනී සමයේ විටමින් ලබා ගැනීම හරිම වැදගත්.
සෑම විටමින් වර්ගයක්ම ඔබේ ශරීරයේදී එකම ආකාරයකට උරා ගන්නේ නැත.
එම හේතුව නිසා, ඔබ දිනකට වරක් ඔබේ විටමින් නියමිත වේලාවක ගන්න අවශ්‍යයි. එය ඔබට වඩාත්ම ප්‍රතිලාභ ලබා දෙනු ඇත.
දරුවෙක් බලාපොරොත්තු වන හා ගර්භණී කාන්තාවක් සඳහා ගර්භනී සමයේ විටමින් ගැනීමට හොඳම කාලය
දරු ප්‍රසූතියට පෙර විටමින් බහුකාර්යයක් කරනු ලබයි. දිවා ආහාරයට පෙර ඒවා ගැනීම ඒවායේ අඩංගු සියල්ල අවශෝෂණය කර ගැනීමට උපකාරී වේ. ගර්භනී සමයේ විටමින් විටමින් ගන්න එක වැදගතේ නිසයි.
ප්‍රසව හා නාරිවේදය පිළිබඳ ඇමරිකානු සම්මේලනය (ACOG) මෙසේ පවසයි. ප්‍රසව කාලයේ ගත හැකි හොඳ, ගර්භනී සමයේ විටමින් වර්ග ඇත.
කැල්සියම්, යකඩ සහ ෆෝලික් අම්ලය ඇතුළත් විටමින් මේ කාලයේ ගත යුතු වේ.
යකඩ කියන සංඝටකය ආහාර ගැනීමට පෙර එනම් කුස හිස්ව පවතින විට වඩාත් හොඳින් සිරුරට අවශෝෂණය වෙනවා.
ඔබ කිරි ආශ්‍රිත ආහාරයක් හෝ පානයක් අරගෙන පැයක් ගත වී නොමැති නම් මොකද වෙන්නේ?
යකඩ නිසි ලෙස සිරුරට අවශෝෂණය කර ගන්න බැරි වෙනවා. යකඩ අඩංගු විටමින් වර්ග හෝ යකඩ පෙති ගන්නා විට මෙය මතක තබා ගන්න.
දොඩම් යුෂ වැනි විටමින් සී අඩංගු පානයක් සමඟ ගතහොත් යකඩ වඩාත් හොඳින් අවශෝෂණය වේ
1. ගර්භනී සමයේ විටමින් ගත්තාම ලෙඩ හැදෙනවාද?
මෙම විටමින් වර්ග සමහර කාන්තාවන් සඳහා ඔක්කාරය හා මලබද්ධය වැනි රෝග ලක්ෂණ ඇති කරන බව සොයාගෙන තියනවා.
ගර්භනී සමයේ විටමින් ගන්න විට එය කුස හිස්ව තිබියදී හෝ වතුර වීදුරුවක් සමඟ ගැනීම නිර්දේශ කරයි.
විටමින් උදෑසන අවදි වූ විට හෝ ආහාර ගන්නට පෙර ගත් විට අසනීප බවක් පෙනේ නම් මෙහෙම කරන්න.
ඒවා ඔබ නින්දට යාමට පෙර ඒවා ගැනීමට උත්සාහ කරන්න. ගර්භනී සමයේ විටමින් වල වැදගත් කම ඉතා ඉහලයි. ඒ නිසා වඩාත් වැදගත් දෙය නම් ඔබ ඒවා දිනපතා ගැනීමයි.
2. මේ ගර්භනී සමයේ විටමින් දිනපතාම ගන්න ඕනිද?
සමහර විටමින් ශරීරයේ ගබඩා කරන්නට බෑ. ඒ නිසා ඒවා දිනපතා ආහාර ලෙස හෝ ආහාර අතිරේකයක් ලෙස හෝ ගත යුතුය.
ගර්භණී සමයේදී ෆෝලික් අම්ලය ගැනීම ස්පයිනා බිෆීඩා සහ අනෙකුත් ස්නායුක නල දෝෂ වලින් දරුවාව ආරක්ෂා කරන්නට හැකියාවක් තිබේ.
හැකි නම්, ගැබ් ගැනීමට පෙර වසරකට ෆෝලික් අම්ලය සමඟ ගර්භනී සමයේ විටමින් ගැනීම වඩාත් සුදුසුය.
3. ගැබිනි සමයේ විටමින් ගනිද්දි මේද -ද්‍රාව්‍ය විටමින් ගැනීමට හොඳම කාලය
මේද-ද්‍රාව්‍ය විටමින් ගැනීම සඳහා ප්‍රශස්ත කාලය ඔබේ හවස් වරුවේ ගන්නා යම් ආහාරයක් සමඟ ය.
මේද ද්‍රාව්‍ය විටමින් අපි ගන්නා ආහාර වල ඇති මේද වලින් අපේ ශරීරයදී දිය වේ. ඉන්පසු ඒවා අපගේ රුධිරයට ගෙන ගොස් අත්‍යවශ්‍ය කාර්යයන් ඉටු කරයි.
මෙම විටමින් වලට විටමින් ඒ, විටමින් කේ, විටමින් ඊ සහ විටමින් ඩී ඇතුළත් වේ.
අපේ ශරීරයට මේද ද්‍රාව්‍ය විටමින් වැඩිපුර ලැබෙන විට ඒවා අක්මාව තුළ ගබඩා වේ.
මෙම විටමින් වඩාත් සුදුසු වන්නේ සංතෘප්ත මේද හෝ තෙල් අඩංගු ආහාර වේලක් සමඟ ගැනීමයි. එමඟින් ඒවා අවශෝෂණය කර ගැනීමට උපකාරී වේ.
4. ගැබිනි සමයේ විටමින් ගන්නකොට, ජලයේ ද්‍රාව්‍ය විටමින් ගැනීමට හොඳම කාලය
ජලයේ ද්‍රාව්‍ය විටමින් කුස හිස් විට ගත්තාම වඩාත් හොඳින් අවශෝෂණය කරයි. ඒ කියන්නේ උදේ පාන්දරින්ම, කෑමට මිනිත්තු 30 කට පෙර හෝ කෑම වේලකට පැය දෙකකට පසුව.
ජලයේ ද්‍රාව්‍ය විටමින් ජලයේ දියවන බැවින් ඔබේ ශරීරයට කෙලින්ම ඒවා භාවිතා කළ හැකිය. විටමින් සී, සියලුම බී විටමින් සහ ෆෝලේට් (ෆෝලික් අම්ලය) ජලයේ ද්‍රාව්‍ය වේ.
ඔබේ ශරීරයට අවශ්‍ය විටමින් ප්‍රමාණය ගෙන ඉතිරි කොටස මුත්‍රා හරහා පිට කරයි. ඔබේ ශරීරය මෙම විටමින් ගබඩා නොකරයි.
එබැවින් ඒවා ඔබේ ආහාර වේලට ඇතුළත් කිරීම හෝ අතිරේකයක් ලෙස ගැනීම හොඳ අදහසකි.
5. බී විටමින් ගැනීමට හොඳම කාලය
ඔබේ දවසට හොඳ ආරම්භයක් සඳහා මෙසේ කරන්න. ඔබ උදේ අවදි වන විට කුස හිස්ව පවතින විටම බී විටමින් වර්ගයක් ගන්න. ඒක උචිතයි.
බී විටමින් යනු ජල-ද්‍රාව්‍ය විටමින් වලින් සමන්විත විශේෂ විටමින් පවුලකි. එය මඟින් ශක්තිය වැඩි කරන අතර ආතතිය දුරු කරයි. වඩාත් ජනප්‍රිය බී විටමින් සමහරක් වන්නේ බී -2, බී -6 සහ බී -12 ය.
බී විටමින් මඟින් ඔබට දැනෙන ආතතිය අඩු කර ඔබේ මනෝභාවය වැඩි දියුණු කළ හැකි බව සායනිකව තහවුරු කරද ඇත. ගර්භනී සමයේ විටමින් ඔබට මහඟු ප්‍රතිපල ලබා දෙයි.
6. ගැබිනි සමයේ විටමින් ගන්නා විට නොකළ යුතු දේ
- විටමින් අතිරේක ඔබේ සමස්ත සෞඛ්‍යයට ප්‍රයෝජනවත් වේ. නමුත් ඔබට ඇතැම් විටමින් වැඩිපුර පානය කළ හැකි අතර සමහර ඒවා වැඩිපුර ගත්තොත් අතුරු ආබාධ ඇති කරයි.
- ඔබේ විටමින් සහ ඔබ ගන්නා බෙහෙත් අතර ඇති විය හැකි අන්තර්ක්‍රියා ගැන සැලකිලිමත් වන්න. උදාහරණයක් ලෙස, ඔබ විටමින් K අතිරේක රුධිර ලේ කැටි ගැසීම සම්බන්ධයෙන් ගන්නා වෝෆරින් (කොමාඩින්) සමඟ එකට නොගත යුතුය.
- එසේම, ඔබේ විටමින් අතිරේකයේ නිර්දේශිත ප්‍රමාණයට වඩා ගන්න එපා. හොඳින් එය මතක තබා ගන්න.
7. ගර්භණී සමයේ විටමින් දෙගුණයකින් ගන්න ඕනිද?
ඔබ ගර්භණී නම්, ඔබ ගන්නා ගර්භනී සමයේ විටමින් ප්‍රමාණය දෙගුණ නොකරන්න.
උදාහරණයක් ලෙස, ඔබට අමතර යකඩ අවශ්‍ය නම්, ඔබේ ප්‍රසව විටමින් සහ අතිරේක යකඩ අතිරේකයක් ගන්න.
ඔබ දරු ප්‍රසූතියට පෙර විටමින් දෙගුණ කළහොත් ඔබට විටමින් ඒ (රෙටිනෝල්) ශරීර ගත විය හැකි අතර එය දරුවාට හානිකර විය හැකිය.
8. ආහාර වල විටමින් නැද්ද?
ඔබ අනුභව කරන අනෙක් ආහාර ගැන සැලකිලිමත් වන්න. එවිට ඔබට කිසිදු අනවශ්‍ය විටමින් ප්‍රමාණයක් නොලැබේ.
මෙය ඔබේ ශරීරයේ සමබරතාවයෙන් රකින්නට ඉවහල් වේ.
බොහෝ ධාන්‍ය වර්ග, කිරි සහ ධාන්‍ය නිෂ්පාදන විටමින් වලින් ඉතා පොහොසත් වේ.
ඔබ ගර්භණී කාලයේ හා බබාට කිරි දෙන කාලයේ ඔබ සිරුරට එකතු කර ගන්නා දේ ගැන නිතරම සැලකිලිමත් වන්න.
බොහෝ අතිරේක ළදරුවන්ගේ ආරක්ෂාවට තර්ජනයක්ද නැද්ද යන්න සනාථ කර නෑ. වෛද්‍ය උපදෙස් නිරතුරුව පිළිපදින්න.
වෙනත් ඖෂධ වල මෙන් පිරිසිදුකම, ගුණාත්මකභාවය හෝ ආරක්ෂාව ගැන FDA මඟින් අධීක්ෂණය කරනවා.
නමුත් විටමින් සහ ආහාරමය අතිරේක සඳහා FDA විසින් විශේෂ අධීක්ෂණයක් නොකරන බැවින් සෑම විටම විශ්වාසදායක ප්‍රභවයකින් අතිරේක තෝරා ගන්නට වග බලා ගන්න.
සටහන :- ඈන් නිර්මාණි අත්තනායක
මූලාශ්‍ර: healthline.com
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
