පවුල් ජීවිතය - සැමියා බිරිඳට නොකිය යුතු කතා

සැමියා ජීවත් වෙන්න කාසි හොයන්න නැහෙද්දී ජීවිතය ජීවත් කරන්නී බිරිදයි. සමහර කාන්තාවන් සැමියා හා උරෙනුර ගැටෙමින් ආර්ථිකය ගොඩ නගා ගැනීමටද වෙහෙස වෙයි. දෙන්නා දෙමහල්ලෝ එකිනෙකා හා නොයෙක් දේ කතා කරනවා. කිව යුතු දේ මෙන්ම සැමියාට, බිරිඳට නොකිය යුතු කතා වුනත් කියවෙනවා. 

රැකියාව, නිවසේ කටයුතු , දරුවන් හා ඔවුන්ගේ අධ්‍යාපනය යන සියල්ලම සමබර කරමින් ඕ නොවිදිනා දුක් උසුලයි.

මේ ජීවත සටන තුල අනිවාර්යයෙන්ම ඇයට වරදින තැන් තිබිය හැක.

සැමියා කලයුත්තේ ඇයගේ දුර්වලකම් උපහාසයට ලක් කිරීම නොව එම දුර්වලකම් වලින් මිදීමට තම බිරිදට ශක්තියක් වීමයි.

අහසට උසට වැඩ කරලා හුස්ම ගන්නවත් විදියක් නැතුව ඉන්න කොට කවුරු හරි ඇහුවොත් ඔයා ඔච්චරද වැඩ කලේ කියලා මොනවාද නොහිතෙන්නේ ,

බිරිද උදේ ඉදන් රෑ වෙනකම් මැෂින් එකක් වගේ ,  ඉතින් ඔයා ඔච්චරද වැඩ කලේ අහනවාට වඩා ඔයා මෙච්චර වැඩ කලේ කොහොමද අහන්න. පුළුවන් නම් ඇයගේ වැඩට සහය වෙන්න ඇයට විවේකයක් ගන්න අවස්ථාවක් දෙන්න.

සමහර කටයුතු කරන්න බිරිද ටිකක් පමා නම් ඔයාට ඕකවත් කරන්න බැරිද කියලා අහන්න සමහර සැමියන් පැකිලෙන්නේ නැහැ .

බිරිදට වැඩකටයුතු දාහක් මැද්දේ සමහර වැඩ කරන්න අතපසු වෙන්න, මග හැරෙන්න පුළුවන් . ඒ ගැන ටිකක් අනුකම්පාවෙන් හිතන්න .

බිරිදට අමතක වෙන දේවල් ආදරයෙන් මතක් කරන්න සැමියාට පුළුවන් .ඒක හදිසි වැඩක් නම් බිරිද කරන කම් බලා නොඉද ඒ වැඩ සමහර විට සැමියාටත් කරන්න පුළුවන්.

නිවස ,රැකියාව යන කටයුතු අතර දරුවන් රැකබලා ගැනීම බිරිදකගේ ප්‍රථම කාර්‍යය බව අවිවාදයෙන්ම පිළි ගන්නවා .

නමුත් දරුවන් ඇස් පිල්ලන් ගසන ක්ෂණයෙන් අනතුරක් කර ගන්න පුළුවන්.

කොච්චර ඇහේ තියාගෙන හැදුවත් පුංච් දෙයක් වෙන්න යන්නේ මොහොතක් විතරයි. අම්මා කෙනෙක් තරම් දරුවන් ගැන වද වෙන කෙනෙක් මේ ලොකේ නැහැ.

එක තමයි ඇත්ත, පුංචි දෙයක් නිසා  ළමයි බලා ගන්න දන්නේ නැද්ද ඇහුවාම අම්මා කෙනෙක් විදියට බිරිදගේ හිත කොච්චර රිදෙයිද?

හොදම දේ වෙන්නේ සැමියා පුළුවන් වේලාවට දරුවන් බලාගන්න උදව් කිරිමයි. ඒ තුලින් පවුල් සංස්ථාව තුල ආදරය, බැදීම වැඩි වෙනවා.

ඉස්සර ලස්සනට ඇන්ද ගැහැණිය අද අදිනනේ පිලිවෙලකට නොවේ. ලස්සන කොණ්ඩ මොස්තර දාපු කොණ්ඩේ යන්තමින් කට්ටකින් රදවලා.

ඔයා ඉස්සර ලස්සනට ඇන්දා දැන් මොකද වෙලා තියෙන්නේ කියන ඒක අහනවට වඩා ඇයි ඒහෙම වුනේ කියලා හිතන ඒක වටිනවා.

මවක් ලෙස බිරිදකගේ කාලය වැඩිපුර වැය වෙන්නේ දරුවන් වෙනුවෙන්,

බිරිදට හැඩවැඩ වෙන්න තමන්ගේ ලස්සන ගැන හිතන්න අවශ්‍ය දේවල් වගේම කාලයත් ඇයට ලබා දෙන්න සැමියාට පුළුවන්.

ඉස්සර තිබුන ලස්සන ගැන කියනවාට වඩා ඇයට දැන් ලස්සන වෙන්න දිරිමත් කරන්න.

දරුවොත් එක්ක නිවස නිතර හැඩි වෙනවා. සැමියාට අවුල් වු නිවස දකින එක හිසරදයක් වෙන්න පුළුවන්. ඒත් ඔබ බිරිද ගෙන් ගේ අස් කලේ නැද්ද අහන ඒක කොයි තරම් රුදුරුද?

බිරිද සමහර විට දවසට දහ පාරකට වඩා ඔය නිවස අස් කරනවා ඇති, ඒත් පොඩ්ඩන්ට ගේ හැඩි කරන්න තත්පරයක් වත් යන්නේ නැහැ. ඒක කවුරුත් දන්න ඇත්ත,

ගේ හැඩැවෙලා කියලා සැමියා හිතෙනවා නම් එයාට පුලුවන් ගේ ටිකක් අස්පස් කරන්න. හැකි නම් දරුවන් ඒ සදහා සහභාගී කරගන්න. එය දරුවන්ට අනාගතයේදි වටිනා පුරුදු ලබා දේවි.

විවාහ වෙලා ටික කාලයක් ගියාට පස්සේ විශේෂයෙන් දරුවන් ලැබුනට පස්සේ සැමියාට හිතෙනවා බිරිද තමන් ගැන බලනවා මදි කියලා.

ඇත්තටම වෙන්නේ බිරිද කාර්යබහුල වෙන ඒක, ඒත් සැමියට හිතෙන්නේ ඇය හිතාමතා මග හරිනවා කියලා.

බිරිදකගේ ජිවිතය වගකීම් එක්ක කාර්යබහුල වෙනවා කියන එක සැමියා අනිවාර්යයෙන්ම තේරුම් ගන්න ඕනී.

ඒ වගේම සැමියාට පුළුවන් බිරිදකගේ වගකීම් , කාර්යයන් බෙදා ගන්න. ඉන් ඔබේ බිරිදට පහසු වෙනවා වගේම ඔබ දෙදෙනාට ඒකට ඉන්න කාලයක් ලැබෙනවා.

මෙතැන තමයි ගොඩාක් පිරිමින්ට වරදින තැන. ජීවිතයේ කවමදාකවත් ගැහැණු දෙන්නෙක් සසදන්න යන්න ඒපා.

ඒක තමයි ජිවිතයේ කරන්න පුළුවන් ලොකුම මොඩකම, විශේෂයෙන් නැන්දම්මා , ලේලී සසදන්න හිතන්නවත් ඒපා.

බොහො කාලයක්  කෑම උයලා පළ පුරුදු අම්මාගේ කෑම තරම් බිරිදගේ කෑම රස නැතිව ඇති,  ඔයාගේ කෑම රසයි තව පොඩ්ඩක් ලුණු වැටොනොත් හොදයි නේද වගේ ආදරයෙන් වැරුද්ද කියා දෙන්න.

සැමියන් තමන්ගේ මවගේ දැක්මෙන් කවදාවත්ම තම බිරිද දිහා බලන්න ඒපා. සැමියා ස්වාධීන පුද්ගලයෙකු විය යුතුය.

තමන්ගේ අම්මා වැරදි යැයි කියන දෙය සීයට සීයක්ම වැරදියයි කියන්න බැහැ.  

පුද්ගලයෙක් විදියට හරි වැරැද්ද තමන්ගේ නුවණින් දකින්නත් ඒය බිරිදට කරුණාවෙන් වටහා දෙන්නත්  සැමියෙක් දක්ෂයෙක් විය යුතුය.

වැඩක් පමා වෙන කොට බිරිද හිතාමතා වැඩ පමා කරනවා කියලා හිතන්න ඒපා.

දවස තිස්සේ පවුල මත්තෙම නහින කෙනෙක්ට ඔයා වැඩ අතගානවා කියන කොට කොච්චර කලකිරීමක් ඇතිවෙයිද?

එහෙම නොකියා පුළුවන් නම් බිරිදට ඉක්මනට වැඩ කරගන්න උදව් කරන්න. ඒක තමයි කරන්න පුළුවන් හොදම දේ.

මේ වගේ බිරිද අධෙෙර්‍යට පත් කරන කතා වෙනුවට ඇය දිරිමත් කරන ,ඇයට ආදරය දැනෙන දේවල් විතරක් කියන්න. ඒක බිරිදට ඔබ දෙන වටිනා තෑග්ගක් වේවි.