මුහුණේ අනවශ්‍ය රෝම ඉවත් කල හැකි ‌වේදනාව අඩු ක්‍රම 9  ක්

කොච්චර ලස්සනට ඉන්න උත්සහ කලත් මුහුණේ වැවෙන අනවශ්‍ය රෝම මුහුණේ තියෙන පැහැපත් බව අඩු කරනවා. ලස්සනට ඉන්න කැමති වුනත් වේලාව අඩු අම්මලාට පහසුවෙන් හා අවම වේදනාවකින් යුතුව  මුහුණේ අනවශ්‍ය රෝම ඉවත් කිරීම කරන්න පුළුවන් ස්වාභාවික ක්‍රම තියෙනවා.

මේවා සරලයි වගේම පහසුයි. සමහර විට මේ ගොඩාක් දේවල් ඔබට ඔබේ මුළුතැන් ගෙයින්ම පහසුවෙන්ම සොයා ගන්න පුළුවන් වේවි.

අපි අද ඒ ගැන බලමු.

*අවවාදයයි - ඔබ අසාත්මිකතාවයන් ගෙන් පෙලෙන හෝ එසේ වේයැයි සිතන කෙනෙක් නම් මේවා භාවිතා කිරීමට පෙර වෛද්‍ය උපදෙස් ලබාගන්න.

ඒ වගේම කන පිටුපස ආලේපනය මදක් ගල්වා අසාත්මිකතාවයක් ඇතිවේදැයි පරීක්ෂා කරන්න. පිරිසිදුව මෙම ආලේපන සකස් කරගැනීම වැදගත් වෙනවා.

මුහුණේ අනවශ්‍ය රෝම ඉවත් කරන ක්‍රම 9 ක්    

1. ගස්ගබු හා කහ

• මෙය සියලුම සම වර්ග සදහා සුදුසුයි.  අමු පැපොල් වල ඇති පැපේන්  එන්සයිමයක් මගින් රෝම ස්වාභාවිකව වැටෙන්න සලස්වයි.
• සතියකට 2 වතාවක් කිරිමෙන් හොද ප්‍රතිඵල අත්කර ගන්න පුළුවන්.
• අමු පැපොල් ගෙඩියක් පොතු හැර කිරි ඉවත් කර කුඩා කැබලි වලට කපා පොඩි කරගන්න.
• එයට  කහ කුඩු තේ හැන්දක 1/2 ක් එකතු කර මිශ්‍රණයක් සකස් කරන්න.
• මුහුණේ රෝම ඉවත් කල යුතු තැන් වල මෙම මිශ්‍රණය ආලේප කර මෘදු ලෙස සම්බාහනය කරන්න.
• දැන් මිශ්‍රණය විනාඩි 15-20 පමණ තබා උණුසුම් ජලයෙන් සෝදා හරින්න.

2. අර්තාපල් හා පරිප්පු

• සියලුම සම වර්ග සුදුසුයි. ඔබට වියළි සමක් ඇත්නම්, මෙම සත්කාරයෙන් පසු මොයිස්චරයිසර් ආලේප කරන්න.
• සතියට එක් වතාවක් හෝ දෙවතාවක් කිරීමෙන් හොද ප්‍රතිඵල අත්කර ගන්න පුළුවන්.
• වියළි පරිප්පු ඔබේ රෝම පහසුවෙන් ඉවත් කරන අතර අර්තාපල් යුෂ මගින් ඉතිරි වෙන රෝම වල පැහැය අඩු කර කැපී පෙනීම අඩු කරනු ලබනවා.
• කහ පරිප්පු  කෝපයක් රුයක් ජලයේ පොගවා බෙන්ඩ් කර පේස්ට් එකක් හදා ගන්න.
• පොතු හරින ලද අර්ථාපල් ගෙඩියක්ද බෙන්ඩ් කර  පොඩි කරගන්න. 
• ඉන්පසු පෙනේරයක ආධාරයෙන් අර්ථාපල් යුෂ පෙරා ගන්න.
• දැන් පරිප්පු මිශ්‍රණයට, අර්තාපල් යුෂ මිශ්‍ර කර මී පැණි තේ හැදි 1 ක් සහ දෙහි යුෂ තේ හැදි 1 ක් මිශ්‍රණයට එක් කරන්න.
• මුහුණේ රෝම ඇති ප්‍රදේශයේ මෙම මිශ්‍රණය ආලේප කර විනාඩි 20-30 ක් පමණ තබන්න.
• මෙය සම්පූර්ණයෙන්ම වියළී ගිය පසු, එය ඔබේ ඇඟිලිවලින් ඉවත් කරන්න.

3. බිත්තර හා  බඩ ඉරිඟු

• සියලුම සම් වර්ග වලට සුදුසුයි. කුරූළෑ සහිත සංවේදි සමට ආලේප කිරීමෙන් වළකින්න. 
• සතියට දෙතුන් වතාවක් කිරීමෙන් හොද ප්‍රතිඵල ලැබෙනවා. බිත්තර සුදු මදය ඔබේ සමේ ඇලී අනවශ්‍ය රෝම ගලවා දැමීම මින් සිදුවෙනවා.
• බිත්තරයක සුදු මදය වෙන් කරගන්න
• එයට සිහින්ව කුඩු කර ගක් බඩ ඉරිගු හැදි ½ ක් හා සිනී තේ හැන්දක් එකතු කර මිශ්‍ර කරන්න.
• මෙම මිශ්‍රණය ඔබේ මුහුණේ රෝම ඇති තැන් වල ආලේප කර විනාඩි 20-25 අතර කාලයක් වියළීමට ඉඩ දෙන්න.
• මිශ්‍රණය වියළුනු පසු එය ගලවා දමන්න.

4. අනවශ්‍ය රෝම ඉවත් කිරීම සදහා ජෙලටින්  සහ කිරි

• සංවේදි හා කුරුළෑ සහිත සමට හැර අනෙක් සෑම සමකටම සුදුසුයි.
• මෙහි ඇලෙන සුළු බව නිසා මුහුණේ අනවශ්‍ය රෝම ඉවත් වෙනු ලබනවා. මෙය අවශ්‍ය වු සෑම විටකම ඔබට භාවිතා කරන්න පුළුවන්.
• රසකාරක නොයෙදු ජෙලටින් තේ හැදි 1 කට  කිරි  මේස හැදි 3 ක් එකතු කරන්න. එයටම දෙහි යුෂ බිංදු කිහිපයක් මිශ්‍ර කරන්න.
• තත්පර 15-20 අතර කාලයක් මිශ්‍රණය රත් කරගන්න.
• මෙම ආලේපනය මුහුණේ ආලේප කර මුහුණේ විනාඩි 5 ක් තබා ඉන්පසු ඔබේ ඇඟිලිවලින් එය ඉවත් කරන්න.

5. ඕට්මීල් සහ කෙසෙල්

• සියලුම සම සදහා සුදුසුයි. සතියකට එක් වතාවක් හෝ දෙවතාවක් කරන්න පුළුවන්. 
• කෙසෙල් ගෙඩියක් හොදින් පොඩිකරන්න
• ඔට්මීල් හැදි 2 ක් එයට එකතු කර මිශ්‍ර කරන්න.
• මුහුණේ අනවශ්‍ය රෝම ඇති ස්ථාන ව මෙම මිශ්‍රණය ආලේප කර රවුමට පිරිමදින්න.
• මිශ්‍රණය විනාඩි 15-20 අතර කාලයක් මුහුණේ තබා  සීතල වතුරෙන් සෝදා හරින්න.

6. මී පැණි සහ  සීනි

• සියලුම සම සදහා සුදුසුයි. අවශ්‍ය සෑම විටම මෙම සත්කාරයත් කරන්න පුළුවන්. 
• මීපැණි තේ හැදි එකක් සීනී හැදි දෙකකට දමා එයටම ජලය තේ හැන්දක් දමා හොසින් මිශු කරන්න.
• සිනී දියකර තත්පර 30 ක් රත් කරගන්න.
• මුහුණේ අනවශ්‍ය රෝම ඇති තැන් වල මෙම මිශ්‍රණය ආලේප කර ඒ මතින් රෙදි කඩක් තබා සිසිල වීමට තබන්න.
• දැන් රෝම වැඩෙන අතට ප්‍රතිවිරුද්ධ දිශාවට ඇද රෙදි කඩ ගලවන්න.

7. ලැවෙන්ඩර් තෙල් හා ටී ඔයිල් 

• තෙල් සහිත සහ කුරුලෑ ඇති සම වර්ග සදහා සුදුසුයි. දිනකට දෙතුන් වරක් මාස තුනක් වත් භාවිතා කරන්න.
• මෙම සංයෝග වල ඇති ප්‍රති ඇන්ඩ්‍රොජනික් මගින් අනවශ්‍ය රෝම ඉවත් කිරීමට උදව් වෙනවා.
• ලැවැන්ඩර් තෙල් තේ හැන්දකට ටී ඔයිල් බින්දු 4 සිට 6 ක් අතර දමා මිශ්‍ර කරන්න.
• මෙම මිශ්‍රණය මුහුණේ  අනවශ්‍ය රෝම මත කපු බෝලයකින් ආලේප කරන්න.

8. ලූනු සහ බැසිල්

• සියලුම වර්ල වල සම සදහා සුදුසුයි. මෙම සත්කාරය සතියට තුන් හතර වතාවක් මාස දෙකක් වත් කරන්න. 
• ළූනු ගෙඩි 2 ක ස්ථර අතර සමේ තුනී, විනිවිද පෙනෙන සිවිය ගෙන එයට බැසිල් කොළ 10 ක් හෝ 12 ක් අතර යොදා එම සිවිය පොඩි කරන්න
• අනවශ්‍ය රෝම මත මෙම මිශ්‍රණය ආලේප කර විනාඩි 20-25 අතර කාලයක් තබන්න.
• ඉන්පසු උණුසුම් ජලයෙන් එය සෝදා හරින්න.

9. අනවශ්‍ය රෝම ඉවත් කිරීම සදහා මුං ඇට සහ රෝස් වතුර

• සියලුම වර්ගයේ සම සදහා සුදුසුයි. සතියකට තුන් හතර වතාවක් කිරීමෙන් හොද ප්‍රතිඵල අත්කර ගන්න පුළුවන්.
• මුං ඇට පිටි හැදි 2 කට රෝස වතුර හැදි 2 ක් දමා මිශ්‍ර කරන්න.
• එම මිශ්‍රණයටම දෙහි තේ හැන්දක් එකතු කර මිශ්‍ර කරන්න.
• ඔබේ සමේ අනවශ්‍ය රෝම ඇති ප්‍රදේශවල මෙම මිශ්‍රණය ආලේප කරන්න.
• ඉන්පසු එය මුහුණේ  මිනිත්තු 20-25 අතර කාලයක් වියළෙන්න හරින්න.  
• ඔබේ ඇඟිලිවලින් මුහුණ  අතුල්ලා ඉවත් කරන්න.

මුහුණේ ‌අනවශ්‍ය රෝම ඉවත් කිරීමට ඔබ සාමාන්‍යයෙන් භාවිතා කරන ක්‍රම මොනවාද? ඔබේ අදහස් අප හා ‌බෙදාගන්න.

මුලාශ්‍ර - brightside.me

පරිවර්තනය හා සංස්කරණය - නදීශා ලක්මිණි

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය