ඔබේ පැටියාට මේ තෙල් වර්ග සම්භාහනය සඳහා යොදාගෙන තියෙනවද?

ඔබේ පැටියාට මේ තෙල් වර්ග සම්භාහනය සඳහා යොදාගෙන තියෙනවද?

ඔබත් දරුවන්ට සම්භාහනය කරන්න හොඳම තෙල් වර්ගයක් ගැන සිතනවා නම් මේ ලැයිස්තුව ඔබට ඊට පිළිතුරු සපයාවී.

ඔබත් දරුවන්ට සම්භාහනය කරන්න හොඳම තෙල් වර්ගයක් ගැන සිතනවා නම් මේ ලැයිස්තුව ඔබට ඊට පිළිතුරු සපයාවී. ඒ වගේම ඉන් ලැබෙන පෝෂණයත් ඉහළයි.

හොඳම මසාජ් (සම්භාහනය) ඔයිල් එක මොකද්ද?

පැටියට ඉතා මෘදු සොඳුරු සමක් හා ශක්තිමත් අස්ථි ලබාදීමට සම්භාහන තෙල් වර්ගයක් ගැන ඔබ සිතනවා නම් ඒ ගැන හුඟක් සැලකිලිමත් වන්නට වෙයි.

ආමන්ඩ් ඔයිල්

ආමන්ඩ් ඔයිල් වල අඩංගු මේදය, විටමින් E, පොටෑසියම්, ප්‍රෝටීන් හා සින්ක්, ඛණිජ ලවන අඩංගු වන නිසා පැටියාගේ සමට ඉතාම ගුණදායකයි. එය හිසටත් සෞක්‍යටත් හොඳයි. දරුවන්ගේ සමට පෝෂණය ලබාදෙන්න වගේම දරුවන්ට සුව නින්දක්ද ලබාදෙනවා.

පොල් තෙල්

පොල් තෙල්

පොල් තෙල් වල සුවඳට සමහර අය අකමැති වුනත් තෙල් වලින් පෝෂණීයම තෙල් වර්ගය පොල් තෙල් ලෙස හඳුන්වනවා. විශේෂයෙන් තායි සම්ප්‍රදාය තුළ පොල් තෙල් වලට විශේෂ තැනක් ලැබෙනවා වගේම හිරු කිරණින් වන හානි වැළකීමටත් පොල් තෙල් ඉතාම ගුණදායකයි.

එහි විටමින් E අඩංගු වන අතර ෆැටි ඇසිඩ් හෝ මොයිචර්රයිසින් අඩංගු නිසා ඩයපර් රෑෂ් වැනි දේවල් සඳහාද ඉතාම හොඳයි. ඒ වගේම වියළි සමටත් ඉතා ගුණදායකයි. පොල් තෙල් ආලේප කළ පසු ඔබට ඒ ගැන නැවත සිතිය යුතු වෙන්නේ නැත්තේ එහි ඇති බැක්ටීරියා නාශක ගුණයෙන් සමට ආසාදනයක් ඇති නොකරන නිසයි. ඊට අමතරව දරුවන් සන්සුන් කරන අතර සුවදායි නින්දක් ලබාදෙනවා. හිස්කබලේ වන පොතු ගැලවීම හා වියළි බවටත් එය ඉතාම හොඳයි.

ඔබේ පැටියාට මේ තෙල් වර්ග සම්භාහනය සඳහා යොදාගෙන තියෙනවද?

දෙසි ගී

බටර් ලෙස ලොව පුරා හඳුන්වණු ලැබුවත් දෙසි ගී බටර් නිෂ්පාදනයේදී ඉවත් කරන මේදමය කොටස ලෙස හඳුන්වන්න පුළුවන්. ඉන්දියාවේ නම් දෙසි ගී නැති ගෙයක් හොයාගන්න බැරි තරම්. හුඟ දෙනෙක් දිනපතා දෙසි ගී භාවිත කරනවා. එහි විටමින් A, D, E අඩංගු වෙනවා.

දෙසි ගී වලින් දරුවෙකු සම්භාහනය කිරීමෙන් අස්ථි ශක්තිමත් කරන අතර මොළයත් නිරෝගීව තබනවා. මේ නිසා අස්ථි වල ඇතිවන රෝග හා සංකූලතාද වළකනවා.

ඔබේ පැටියාට මේ තෙල් වර්ග සම්භාහනය සඳහා යොදාගෙන තියෙනවද?

ඔලිව් ඔයිල්

ඔලිව් ඔයිල් හෘදය සුවෙන් තබනවා වගේම ඉතා හොඳ සම්භාහන තෙල් වර්ගයක්. ඒ මගින් විටමින් D ශරීරයට උරා ගැනීම ඉක්මන් කරනවා. ඒ වගේම ඉන් අස්ථි වල වර්ධනයට අවශ්‍ය ඛණිජ ලවන, පොස්පරස්, කැල්සියම් ආදිය ලබාගැනීමටත් උදවු වෙනවා. ඒ වගේම අස්ථි වල බිඳීම්, ඔස්ටියෝපොරෝසිස් වැනි රෝග වලින්ද දරුවන්ට ආරක්ෂාව ලබා දෙනවා. ඔබේ දරුවන්ගේ සමේ ඉරි තැලීම් හෝ කැළලි ඇත්නම් ඔලිව් ඔයිල් ඊට සුදුසු පිළියමයි.

අබ තෙල්

අබ තෙල් විවිධ කෑම වර්ග සාදාගන්න යොදාගන්නවා. අබ ඇට වලින් සාදාගන්න අබ තෙල් වල ඔමේගා, ඇල්ෆා 3 හා 6 අඩංගු වෙනවා. ෆැටි ඇසිඩ්, විටමින් E, ඇන්ටිඔක්සිඩන්ට් ඇති නිසා එය ඉතා හොඳ තෙල් වර්ගයක්.

ශිත කාලවල රත් කරන ලද අබ තෙල් දරුවන්ගේ ශරීරයේ ගැල්වීමෙන් සිරුර උණුසුම්ව තබනවා. මීට කොටාගත් සුදුලූනු බික් දෙක තුනක් හා කරාබු නැටි දෙකක් පමණ එක් කිරීමෙන් තවත් ප්‍රයෝජන ලැබෙනවා. වෛරස් හා සටන් කිරීමේ ගුණය හා බැක්ටීරියා සමග සටන් කිරීමේ ගුණය සුදුලූනු වලට ඇති නිසා ප්‍රතිශක්තිකරණ පද්ධතිය ශක්තිමත් කරනවා.

තල තෙල්

තල තෙල් සමට ඉතාම ගුණ දායක තෙල් වර්ගයක්. විටමින්, ඛණිජ ලවන හා එහි ඇති ස්වභාවික ගුණ දරුවන්ගේ ප්‍රතිශක්තියට වැදගත් වෙනවා. සාමාන්‍ය සම්භාහනයට අමතරව හිරු එළියට නිරාවරණය වන්නට පෙර සම මත ආලේපයෙන් සමට ආරක්ෂාව ලැබෙන අතර ආතතියෙන් හා නොසන්සුන් භාවයෙන් ඉන්න දරුවන්ගේ හිසට තල තෙල් සම්භානය ඉතාම ගුණදායකයි.

එදා ඉඳන්ම තෙල් වර්ග වලින් ලැබෙන උසස් ප්‍රයෝජන හා පෝෂණීය බව අපි දැනගෙන හිටියත් මේ එක් එක් තෙල් වර්ග ගන්නා විට දැන් ඔබ වඩාත් දැනුවත් වෙතැයි theAsianparent Sri Lanka ඔබේ හොඳම මිතුරිය විශ්වාස කරනවා.

theIndusParent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ .

 

Any views or opinions expressed in this article are personal and belong solely to the author; and do not represent those of theAsianparent or its clients.
කතන්දර ලිපි