බබාට නමක් තබන්නේ ඇයි? බේබි සපත්තු ඇදුම් වගේ මාස කිහිපයක් භාවිතා කර ඉවත් කිරීමද?

නැතිනම් තොටිල්ල, කාර් සීට් එක වගේ අවුරුදු කිහිපයක් භාවිතා කර ඉවත් කිරීමද? ඔබ ඔහුට නමක් තබන්නේ මුළු ජිවිත කාලයටම ඇමතීමේ සුදානමින් නේද?

 

එසේනම් ඔබේ දරුවා ජිවිත කාලයම භාවිතා කරන්න සුදානම් වන නම ඔබ ඔහු වෙනුවෙන් එදිනෙදා අවශ්‍යතා  ඉස්තරම් අයුරින් තෝරනවා සේම තෝරා ගත යුතුයි. 

 

නම ලියාපදිංචි කර උප්පැන්න සහතිකය ඔබේ දෝතට ලැබුන පසු ඔබට පහසුවෙන් දෙවැනි අවස්ථාවක් ලැබෙන්නේ නැහැ. එසේ ඔබ නම වෙනස් කරනවා නම් එය නිතීමය පද්ධතියක් තුල සිදුවෙන ක්‍රියාවලියක් වෙනවා.

 

අනුන් තෝර දෙන දෙයක් කෙනෙක් වැඩිම කාලයක් භාවිතා කරනවා නම් ඒ තමයි නම,

බොහෝ දෙනා උප්පැන්න සහතිකයෙන් පටන් ගත් නම මරණ සහතිකයෙන් ජිවිතය අවසන් කලත් මරණයෙන් මතු වුවද ඔහුව හදුනා ගනු ලබන්නේ නමෙනි.

දරුවෙක් උපදින විට මෙලොව එලිය ලබන මොහොත වින්නඹු අම්මා හෝ වෛද්‍ය කාර්‍ය මණ්ඩලය සටහන් කර ගනු ලබයි.

 

එම වේලාව දරුවාගේ දෙමාපියන් අතට පත් වු පසු ඔවුන් පළමුව එම වේලාව දෛවඥයෙකු වෙත ගෙන යයි. ඒ නමක්  තැබීමේ මුලික කටයුත්ත සදහායි.

උපන් වේලාව අනුව දරුවාගේ කේන්දරය සකස් වන අතර ඒ මඟින් දරුවාට නමක් තැබීමට සුදුසු සුභ අකුරක් ලබා දෙයි.

සුභ අකුර හෝ අකුරු ලද පසු අර්ථවත් නමක් තියන්නේ කෙසේදැයි දෙමාපියන් කරදර වෙනවා.

දැන් නම් ඒ සේවාවන් ලබාගන්න පුළුවන් ආයතන වගේම නොමිලයේ සේවාව ගන්න පුළුවන් වෙබ් පිටුත් තියෙනවා.

 

ඒ අනුව දරුවාට නමක් යෙදීමේදි එහි අර්ථය ගැන බොහෝ සැලකිලිමත් වෙන්න. දරුවාගේ අනාගතයේ හැසිරීම් කොයි වගේද වේයැයි නොදන්නා නිසා ඊට ගැලපෙන නමක් නම් තියන්න බැරි වේවි. ඒත් නොමනා අර්ථයක් ඇති නමක් ඔබේ රත්තරන් පැටියාට තියන්න පුළුවන් නේද?

සමහරු නම් නමට ඝන පිහිටුවීම කරනවා. එමගින් දරුවාට යහපතක් වෙන බව ඔවුන් විශ්වාස කරනවා. එහෙත් එය අද සමාජයේ බහුලව සිදුවෙන්නේ නැහැ.

පරම්පරා නම් නැත්තම් පෙළපත දරුවාට අනිවාර්යයෙන්ම උරුම වෙනවා. ඒ නිසා ඊට පසුව යෙදෙන නම ඊට අනුකූලව යෙදීමෙන් නමට ආකර්ෂණීය බවක් ලැබෙනවා.

අපේ රට බහු ජාතින් මෙන්ම ආගමිකයන් ඉන්න රටක්, ඒ නිසා නම් යෙදීමේදී එක් එක් ආගමට , ජාතියට ගැලපෙන නම් තියෙනවා.

 

උදාහරණයක් විදියට බෞද්ධ දරුවෙකුට මොහොමඩ් ඇන්තනී වගේ නමක් යොදන්නේ නැහැ වගේම අන්‍ය ආගමික දරුවෙකුට දහම් වගේ නමක් යොදන්නේ නැහැ. ඒ ගැන බබාට නමක් තෝරන කොට ඒ පිළිබද සැලකිලිමත් වීමත් වැදගත්.

දැන් පුංචි රැල්ලක් වගේ යන දෙයක් තමයි සහෝදර සහෝදරියන්ගේ නම් වලට ගලපලා බබාට නමක් යෙදීම. ඒ වගේම තවත් අවස්ථා වලදී මේ තබන නම දෙමාපියන්ගේ නම් වලට පවා ගලපනවා. එහි වරදක් නැහැ . කාලේ වෙනස් තාලේ අලුත්නේ.

නමක් යෙදීමේදි එය විසිලු ස්වරූපයක් තිබේදැයි සැලකිලිමත් වෙන්න. දරුවා මේ නම ජීවත කාලයම භාවිතා කරන්න යන නිසා ඔහු අන් අයගේ විහිලුවක් වෙනවාට ඔබ අකමැතියි නේද?

අපි නොදන්නවා වුනාට සමහර නම් උච්චාරණය කරද්දී එන ශබ්දය වෙනත් භාෂාවක වචනයක උච්චාරණයට සමාන වෙන අවස්ථා තියෙනවා.

 

එය එසේ වෙද්දී වෙනත් භාෂාවකින් අසැබි වදනක උච්චාරණය යෙදෙන නමක් යෙදුවොත් නම අපේ බසින් කොච්චර ලස්සන වුනත් ඵලක් වෙන එකක් නැහැ. දරුවාට ලංකාව තුල නම් සමහර විට බලපෑමක් නොවෙන්න පුළුවන්.

 

එහෙත් ඔහු දවසක රටින් පිට ගියොත් ඔහු නම නිසා අසරණ නොකරන්න. ඒ නිසා දරුවාට නමක් තැබීමේදී මේ ගැනත් සැලකිලිමත් වෙන්න.

නම කෙටි කරලා හැදෙන්න පුළුවන් නික් නේම්ස් ගැන අනිවාර්යයෙන්ම හිතන්න. මම හොඳ උදාහරණයක් කියන්නම්කෝ. මගේ පුතාට නමක් තියන්න තෝර ගෙන ආපු නම් ලිස්ට් එකේ තිබුනා

 

ටොමිත කියලා නමක් .. බැලු බැල්මට වරදක් නැහැ . " ඔය නම දැම්මොත් නම් මෙයා ඉස්කෝලේ යද්දී ටොමියා වෙනවා ", කියලා හස්බන්ඩ් කියද්දී තමයි මටත් ඒක තේරුනේ.

 

ඒ නිසා අනිවාර්යයෙන්ම දරුවාට යොදන නම් කෙටි වීමෙන් දරුවා විහිලුවක් වෙන නම් ඇතිවෙනවා දැයි සැලකිලිමත් වෙන්න. 

12. උච්චාරණ කරන්න පහසුද?

මම නම් නමක ගොඩාක් වැදගත් කොටසක් විදියට මේක දකිනවා. උච්චාරණය කරන්න අපහසු නමක් දරුවාට යෙදීම ඔබට එච්චර ප්‍රශ්නයක් නොවේවි.

 

මොකද ඔබ ඔබේ දරුවාට නමින් කතා නොකරන නිසා. යහලුවන් හා සහකරුවන් නම් කොහොමත් නම කියන්න බැරි නම් නික් නේම් එකක් දාගනිවි. ඒත් දවසක අමාරුවේ වැටිලා දිව උලුක් කරගන්න වෙන්නේ දරුවාගේ ගුරුවරුන්ට නැත්නම් රැකියා ස්ථානයක පිරිසට. 

 

අන්න ඒක නිසා ඔබේ දරුවාව දිනක නමින් අමතන පිරිසට ගරු කිරීමක් වශයෙන් වත් උච්චාරණය කරන්න පුළුවන් නමක් යොදන්න.

 

ඔබට අපේ වෙබ් අඩවියෙන් දුවට හා පුතාට නම් තේරූමත් එක්කම ගන්න පුළුවන් පහසු ඔප්ෂන් එකක් තියෙනවා. ඒක තමයි ළදරු නාම උත්පාදකය.

 

ඊට අමතරව පහත ලින්ක් වලට පිවිසෙන්න:

 

ඉහත කරුණු වලට අමතරව ඔබේ දරුවාගේ නම යෙදීම සම්බන්ධයෙන් සැලකිලිමත් විය යුතු තවත් කරුණු තියෙනවා නම් කමෙන්ට් කරගෙනම යන්නකෝ.