නානකාමරයේ කුණු ගැන අපි න‌ොදන්නා ‌ගොඩාක් ‌දේවල් තියෙන්න පුළුවන්. ‌කොතරම් මතුපිටින් ‌කොතරම් පිරිසුදු බවක් ‌පේන්න තිබුනත් ෂවර් හිස වගේ ඔබ ‌නොහිතනා තැනක බැක්ටිරියා වර්ධනය ‌වෙන්න පුළුවන්. අපි අද ඒ ගැන බලමු.

මතුපිටට ඇලී සිටින බැක්ටීරියා තුනී සිහින් පටල තුල  ඇති බොහොමයක් බැක්ටීරියා හානිකර නැහැ.අප පිරිසිදු වීමට ෂවර් එකෙන් ස්නානය කරනවා නේද? නමුත් අපි ස්නානය  කරන ෂවර්ස් එතරම්ම පිරිසිදු නැති බව ඔබ දන්නවාද? ඔබ සහ ඔබේ ආදරණීයයන් රෝගී කල හැකි බැක්ටීරියා ෂවර් හිස් වල ඇති බව මෑතකදී විද්‍යාඥයන්  විසින් සොයාගෙන තියෙනවා.

විද්‍යාඥයන් විසින් ෂවර් හිස් වල බැක්ටීරියා විශාල ලෙස ඇති බව සොයා ගත්තා.

අප බොහෝ දෙනා නිතර අපගේ නාන කාමර  පිරිසිදු කිරීම වැදගත් බව පෙන්වා දෙනවා. නමුත් බොහෝ විට  ෂවර් හිස පිරිසිදු කිරීම අපට අතපසු වෙනවා.

අපිරිසිදුව තැබීමෙන්  ෂවර් හිසෙහි ඇති බැක්ටීරියා වර්ධනය වී  මතුපිටට ඇලී සිටින බැක්ටීරියා තුනී සිහින් පටලයක් බවට පත්වෙනවා. 

මෙහි වර්ධනය ෂවර් එකේ ඇති උණුසුම හා තෙතමනය මගින්  ඉහල නංවන අතර එමඟින් බැක්ටීරියා වර්ධනයට හිතකර පුංචි  පරිසරයක් සකස් කරනවා.

මෙම අපිරිසිදු  පටලය තුළ වැඩිපුරම වර්ධනය වූයේ කුමන ක්ෂුද්‍ර ජීවීන් දැයි දැනගැනීමට  විද්‍යාඥයන් කුතුහලයෙන් පසුවුනා. ඒ නිසා කොලරාඩෝ බෝල්ඩර් විශ්ව විද්‍යාලයේ පර්යේෂකයන් ව්සින් ඇමරිකාවේ සහ යුරෝපයේ නිවාස 656 කින් මේ අපිරිසිදු පටල නිදර්ශක ලබා ගත්තා.

නව අධ්‍යයනයේ ප්‍රතිඵලවලින් පෙනී ගියේ ෂවර් හෙඩ්ස් වල බැක්ටීරියා විශාල ප්‍රමාණයක් ඇති බවයි. ඒවායින් බොහොමයක් හානිකර නොවූවත්,  ඇමරිකානු නිවාස වල ෂවර් හෙඩ්ස් වල සුළු ප්‍රමාණයේ නොන්බකියුලස් මයිකොබැක්ටීරියා (nontuberculous mycobacteria (NTM) තිබු බව ඔවුන් සොයා ගත්තා.

අධ්‍යයනයේ කතුවරුන්ට අනුව, NTM විශේෂයෙන් ඇමරිකාවේ සමහර ප්‍රදේශවල බහුලව දක්නට ලැබෙන අතර NTM පෙනහළු රෝගය සාමාන්‍යයෙන් වැඩි සංඛ්‍යාවකට ඇතිවෙනවා. ෂවර් හෙඩ්ස් මඟින් එම රෝගය පැතිරෙන  බව විද්‍යාඥයන් දැන් සිතනවා.

Nontuberculus mycobacteria (NTM)

ඇමරිකානු පෙනහළු සංගමයට අනුව  මෙම රෝගයට විවිධ රෝග ලක්ෂණ තියෙනවා. ඒවා නම්, 

• කැස්ස එක්ක ලේ පිටවීම
• හුස්ම ගැනීමේ අපහසුතාව,
•  දිගු කලක් පවතින කැස්ස
• තෙහෙට්ටුව
•  උණ.

පුදුමයට කරුණක් නම්, NTM ශරීර  ගත වීමෙන් පසු සියලු මිනිසුන් රෝගයෙන් පීඩා විඳින්නේ නැහැ. සමහර පුද්ගලයින් ඇත්ත වශයෙන්ම රෝගාතුර වන හේතුව වෛද්‍ය වෘත්තිකයන්ට ද පැහැදිලි නැහැ .

මේ වනවිටත්  පෙනහළු ආබාධ ඇති පුද්ගලයින්, වැඩිහිටියන් සහ ප්‍රතිශක්තිකරණ පද්ධතිය දුර්වල  පුද්ගලයින්ට රෝගය වැළඳීමේ අවදානමක් තියෙනවා. සාමාන්‍යයෙන් වෛද්‍යවරු ප්‍රතිකාර ලෙස ප්‍රතිජීවක ඖෂධ  නියම කරන බව WebMD පවසයි.

NTM  නාගරික ජලය භාවිතා කරන ලෝහ ෂවර් හෙඩ්ස් ශ්‍රීලංකාවේද තියෙන්න පුළුවන්.

නාගරික ජලය  පිරිසිදු කිරීම සඳහා භාවිතා කරන ක්ලෝරීනකරණයට මයිකොබැක්ටීරියා ප්‍රතිරෝධී  වෙනවා. එහෙනම් ක්ලෝරීන් මඟින් ජලයේ අනෙකුත් බැක්ටීරියා විෂබීජහරණය කළ පසු, මයිකොබැක්ටීරියාවට වැඩීමට වැඩි ඉඩක් ලැබෙනවා නේද?

අධ්‍යයනයේ සම කර්තෘ නෝවා ෆියර් ප්‍රකාශ කළේ ජලය පිරිසිදු  කිරීමෙන් අප අවදානමට ලක්වෙනවාද යන්න සොයා බැලීමට විද්‍යාඥයන් අමතර පර්යේෂණ කළ යුතු බවයි.

ඔබේ ෂවර් හෙඩ් එකේ අපූර්ව  ක්ෂුද්‍රජීවී ලෝකයක් පවතින අතර ඔබ ස්නානය කරන සෑම අවස්ථාවකම ඔබ එයට නිරාවරණය විය හැකිය ”යනුවෙන් ෆියර් පවසයි. 

“එම ක්ෂුද්‍ර ජීවීන්ගෙන් බොහොමයක් හානිකර නොවන නමුත් ස්වල්පයක් හානිකර වෙන්න පුළුවන්. මේ ආකාරයේ පර්යේෂණ මගින්  ජලනල පද්ධතිවල පිරිසිදු කිරීම් සිට ක්ෂුද්‍රජීවී ප්‍රජාවන්ගේ සැකැස්ම වෙනස් කල හැකි ජලනල කාර්මික ද්‍රව්‍ය දක්වා භාවිතා කරන ආකාරය දක්වා අපගේ ක්‍රියාවන්  තේරුම් ගැනීමට උපකාරී වෙනවා . ”

නානකාමරයේ කුණු: ෂවර් හෙඩ්ස් වල ඇති බැක්ටීරියා ඉවත් කිරීමට උපදෙස්

ඔබ ස්නානය කිරීමෙන් සම්පූර්ණයෙන්ම වැළකී සිටිය යුතු බව එයින් අදහස් කරන්නේ නැහැ.

 ඒ වෙනුවට, ඔබේ නාන කාමරය නිතිපතා පිරිසිදු කරන්න.

ෂවර් හෙඩ්ස් වල ඇති බැක්ටීරියා ඉවත් කිරීමට ඔබට භාවිතා කළ හැකි සරල, දැරිය හැකි සහ පහසු ක්‍රම තුනක් මෙන්න:

1. නානකාමරයේ කුණු: බොහෝ මයිකොබැක්ටීරියා  ඵලදායීතාව අඩු කරන විනාකිරි 

ප්ලාස්ටික් බෑගයක් ගන්න - ශීතකරන හෝ ගබඩා බෑගයක් සුදුසුයි.

ප්ලාස්ටික් බෑගයට විනාකිරි වත් කරන්න, එවිට එය අඩක් පුරවන්න (ඔබ එය දාරයට වත් කළහොත් විනාකිරි ඉවතට  ගලන්න පුළුවන් ).

දැන් එම බෑගය ෂවර් හිස වටා ඔතා. රබර් පටියක් භාවිතයෙන් එය තදින් ගැට ගසන්න.

ඒ ආකාරයට ෂවර් හිස විනාඩි 60 ක් තබන්න, ඉන්පසු බෑගය ගලවා ඉවත් කරන්න .

ජලය ඇර ෂවර් හිස තුළ ඇති   විනාකිරි පිරිසිදු කරන්න. එය අවසන් වූ පසු, ෂවර් හෙඩ් එක ඔපදමන්න ඔබට පුළුවන්.

2. නානකාමරයේ කුණු: කෝක් වලින්  පිරිසිදු කරන්න

ෂවර් හිස එහි රදවනයෙන් හෝ බිත්තියෙන් ඉවතට ගන්න.

කෝක් ස්වල්පයකින් බඳුනක් පුරවන්න, ඉන්පසු ෂවර් හිස එයට ඇතුල් කර තබන්න.

ඊළඟට, ෂවර් හිස අතුල්ලනයකින්  අතුල්ලන්න. ෂවර් හිසෙන් හෝ එහි සිදුරු වලින් අපිරිසිදු හා දිලිසෙන දේවල් ඉවත්වෙනවා ඔබට පෙනේවි.

කිසිවක් පිටතට නොපැමිණියේ නම්, එය  පිරිසිදුද වන තුරු කෝක් වල ගිල්ලමින් අතුල්ලන්න.

ෂවර් හෙඩ් එක අතුල්ලන්න, ඉන්පසු වතුර සක්‍රිය කර ෂවර් හෙඩ් සෝදන්න. එමඟින්, ඔබ කැමති ආකාරයට එය ක්‍රියාත්මක වන බවට ඔබට සහතික විය හැකි අතරම කෝක් ටිකද සෝදා ඉවත් කරන්න පුළුවන්.

අවසාන වශයෙන්, ෂවර් වියළා ඔප දමන්න. එය ෂවර් රදවනයේ හෝ බිත්තියේ ආපසු රදවන්න, දැන්  ඔබට ස්නානය කරන්න පුළුවන්.

3. නානකාමරයේ කුණු: බේකින් පවුඩර් වලින්  පිරිසිදු කරන්න

බේකින් සෝඩා බඳුනකට ජලය එක් කරන්න. එයින් සුමට පේස්ට් එකක් සදාගන්න. වැඩිපුර ජලය තිබේ නම් එයට වැඩිපුර බේකින් සෝඩා දමන්න. 

පවුඩර් මිශ්‍රණයක් යනු වැඩි ජල ප්‍රමාණයකි.

බේකින් සෝඩා පේස්ට් දමා ෂවර් හිස,විශේෂයෙන් හිස හොඳින් සම්බාහනය කරන්න. 

ඉන්පසු ඔබේ ෂවර් හෙඩ් එක විනාඩි 30 ක් තබන්න. ඉන්පසු ජලය සක්‍රීය කර එය සෝදන්න.

එය නැවත ෂවර් රඳවනයට හෝ බිත්තියට සවි කර එය සාමාන්‍ය පරිදි ක්‍රියාත්මක වේදැයි බලන්න.

මෙම ඉඟි අනුගමනය කිරීමෙන් ඔබට සිර නොවු  සහ බැක්ටීරියා රහිත ෂවර් හෙඩ්ස් ලැබේවි.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණි

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය